HARPIDETZA

Sare sozialak

BERRIAK

CircularSeas proiektuaren aurkezpen ofizialaren ekitaldia

Kontuz, leiho berrian zabalduko da PDF fitxategiaInprimatuE-posta

 

I 2020ko urtarrila I

Datorren otsailaren 27an, Leartiker zentro teknologikoak CIRCULARSEAS europar proiektuaren aurkezpen ofizialaren ekitaldia ospatuko du, Ondarroako Kofradia Zaharrean. 3 urteko iraupena duen proiektu honen helburua itsasoko hondakin plastikoen berrerabilerara begirako estrategiak aurkitzea da.

Proiektuaren liderra Leartiker da, eta Azaro Fundazioa bazkide da erakunde hauekin batera: Université de la Rochelle eta Communauté d'Agglomération de La Rochelle (Frantzia), Universidad de Vigo (Espainia), University of Plymouth (Britainia Handia), Cork Institute of Technology (Irlanda) eta Instituto Politécnico de Leiria (Portugal). 

Interreg Atlantic Area programaren bitartez Eskualde Garapenerako Europako Funtsarekin (EGEF) batera finantzatutako proiektu honek pasa den urteko apirilean hasi zuen bere ibilbidea, eta geroztik hainbat ekintza burutu ditu partzuergoak.

CircularSeas proiektuaren aurkezpen ekitaldiaren hasiera Alex Arrillaga (Leartiker S.Coop., Proiektuaren Arduradun Teknikoa) eta Ainhoa Arrizubietaren (Azaro Fundazioko Zuzendaria) eskutik izango da, Leartiker proiektuaren liderra eta Azaro Fundazioa Ondarroako Nodoaren arduradun direnez gero.

 

Cohes3ion Interreg Europe proiektuak bigarren bazkide-bilera ospatu du

Kontuz, leiho berrian zabalduko da PDF fitxategiaInprimatuE-posta

I 2020ko urtarrila I

COHES3ION europar proiektuaren baitan, Eskualde Garapenerako Europako Funtsak (EGEF) finantzatuta dagoena, bigarren bisitaldia eta bazkide-bilera ospatu dira Ruhr Eskualdean, Alemanian.

Bazkideen lurraldeetan espezializazio adimentsuen estrategiak definitu eta inplementatzeko orduan lurraldetasuna barneratzea helburu duen proiektu hau BEAZek Bizkaiko Foru Aldundiaren sozietate publikoa lideratzen du, eta Azaro Fundazioak bazkide bezala parte hartzen du.

Erakunde biek, proiektuko kide diren beste erakundeekin batera, bisitaldi honetan parte hartu zuten, eta oso interesgarria izan zen, Ruhr Eskualdean lehentasuna duten sektoreen identifikazio eta sustapenaren inguruko praktika onak ezagutzeko aukera eman baitzien. Baita horien sustapenean inplikatuta dauden sareak, dinamikak eta eragileak antzemateko ere. Gainera, Bizkaia eta Ruhr eskualdearen artean sinergia kopuru garrantzitsua nabaritu zuten.

Zehazki, bisitaldian zehar, bazkideek ondorengo praktika onak ezagutzeko aukera izan zuten:

- Ruhr region’s experience with the Lead Market approach (Dieter Rehfeld, Institute for Work and Technology).

- Organizing regional change in a multi-actor environment – the role of WiN in the Emscher-Lippe region – (Lukas Reichenberger, WiN Emscher-Lippe).

- German Cyber Security Cluster Ruhr (Christian Zelsen, Bochum Wirtschaftsentwicklung).

- Healthcare industry in the city of Essen – international cooperation potential – (Winfried Book, Essener Wirtschaftsförderungsgesellschaft).

 Hurrengo bisita apirilerako dago aurreikusita Calabria eskualdean, Italian.

 

Azaro Fundazioa izango da Eusko Jaurlaritzak abiatu duen STEAMsare hezkuntza-programaren 5 eragile dinamizatzaileetako bat

Kontuz, leiho berrian zabalduko da PDF fitxategiaInprimatuE-posta

I 2020ko urtarrila I

Eusko Jaurlaritzak Euskadin eskola, enpresa eta eragile zientifiko-teknologikoen sare bat lortzeko helburuarekin,STEAMsare programa jarri du martxan. STEAM hezkuntza (Zientzia, Teknologia, Ingeniaritza, Artea eta Matematikak) bultzatzeko 37 ikastetxe eta 21 enpresa zein eragile sozioekonomikok parte hartuko dute ekimen honetan.

Programa hau 5 eragile dinamizatzailek lagunduta jarriko da martxan: Berrikuntzaren Euskal Agentzia – Innobasque, Azaro Fundazioa, Makina Erremintaren Institutua, Iraurgi Berritzen, Mondragon Unibertsitatea eta Mondragon Korporazioa.Lea-Artibai eta Busturialdea eskualdeak dinamizatzeko ardura Azaro Fundazioak izango du.

STEAMsarerenhelburu nagusiak dira, ikasleei zientzia- eta teknologia-arloko ikasgaien eta lanbideen irudi errealista, positiboa eta askotarikoa eskaintzea, baita arlo horretan bokazioak sustatzea ere. Hezkuntza-curriculuma aberasteko hainbat jarduera garatuko dira, era horretan irakasleei laguntza emanez aipatutako ikasgaiei benetako testuingurua ematen. Gainera, enplegu horien lan-errealitatea, profil profesionalen aniztasuna eta euskal industria-ehunaren aberastasuna erakutsiko dira, enpresetara egindako bisiten, erronka teknologikoei buruzko tailerren edo espezialistekin egindako bileren bidez.

AZARO FUNDAZIOA TALENTUA ETA STEAM IKASGAIAK BULTZATZEN 2018TIK

Talentua landu eta STEAM ikasgaiak bultzatzeko, hain zuzen ere, Azaro Fundazioak, 2018an, Lea-Artibai eta Busturialdeko Kooperatiben Mahaia Elkartearekin elkarlanean (Burdinola, Cikautxo, Eika, Fagor Arrasate, Kide, Laboral Kutxa eta Maier), TALENTATU izeneko proiektua abiarazi zuen.

2018-2019 ikasturtean zehar Lea-Artibai eskualdeko gazteei zuzendutako ekintza ugari antolatu zituzten STEAMikasgaiak sustatu, eskualdea ezagutu, nortasun sentimendua landu, eskualdeko industria nolakoa den ikusi eta etorkizunean bertoko enpresak beharko dituzten langile profilak ezagutzera emateko asmoz.

2018-2019 ikasturteko ekintzetan eskualdeko 15 ikastetxe eta ia 2.000 ikaslek parte hartu zuten. LH1eko ikasleetatik hasi eta Prestakuntza Zikloetako ikasleetaraino heldu zen egitasmoa: kooperatiba eta enpresetara bisitak, hitzaldiak, egun bateko egonaldiak kooperatibetan, herri trukaketak, ikastetxeetako orientatzaileentzako bisitak enpresetan, 2019-2020 ikasturterako erronka berrien diseinuak, enpresa eta kooperatibetako langileen bisitak ikastetxeetan, eta bukatzeko Lea-Artibaiko Zientzia eta Teknologia Eguna ospatu zen. Aurtengo ikasturtean, Talentatu programa Busturialdeko ikastetxeetara ere zabaldu da, non 3000 ikasle baino gehiago parte hartzen ari diren.

Talentatu proiektuaren helburuetako bat Lea-Artibai eta Busturialdeko ikasleak eskualdeetan bertan lanean gelditzea sustatzea da, enpresa eta ikastetxeen arteko elkarlanaren bidez, ikasleak eskualdearekin eta bertoko enpresekin duten harremana eta ezagutza hezkuntza-ibilbide guztian zehar txertatuz. Ikasketak dituzten ikasleak lanera kanpora atera beharrean eskualdean bertan gelditzea eta kooperatibek behar dituzten profileko langileak bertakoak izatea lortu nahi da.

  

 

 

 

 

 

 

Azaro Fundazioa SAREKIN-Bizkaia Ekinean Saloian

Kontuz, leiho berrian zabalduko da PDF fitxategiaInprimatuE-posta

I 2020ko urtarrila I

“Ate bat zarratzen den guztietan beste bat zabaltzen da” María Tatoren esanetan. Maríak, bokaziozko ekintzailea 23 urte zituenetik, hizlaria, unibertsitateko irakaslea…, Mikel Renteriarekin (“WOP Challenge” sustatzailea eta sortzailea) batera, pasa den abenduaren 12an, Bilboko San Mames Estadioan, SAREKIN-Bizkaia Ekinean Saloiaren baitan izandako lankidetzak duen indarraren inguruko mahai-inguru baten parte hartu zuen.

Sarekin, Bizkaiko Ekintzailetza Sarea Bizkaiko Foru Aldundiko Enplegua, Gizarte Inklusioa eta Berdintasuna Sustatzeko Sailak, DEMA Enplegu eta Ekintzailetza Foru Agentziaren bitartez, bultzatutako proiektutik sortzen da. Bertan, Bizkaiko ekintzailetza sistemako eragile eta erakunde guztiek parte hartzen dute, beraien baliabideak eta zerbitzuak ekintzailetza komunitateari errazteko konpromisoarekin; horien artean, Leartibai Garapen Agentzia eta Azaro Fundazioa.

Jardunaldia eragileen, erakundeen, enpresen…elkarlanaren indarraz hausnartzera eta bere ekintza plana aurkeztera bideratua egon zen. Foru Aldundiko Enplegu Ahaldunak, Teresa Laespadak, hasi zuen saioa, pertsona guztiei, entitate, erakunde eta instituzioei ekintzailetza sarea sortzeko egindako lanarengatik eskerrak emanez. Ondoren, Adela Balderasen txanda heldu zen, nork sarearen hasiera eta helburu nagusiak gogorarazteaz gain, koordinazio-taldea ere aurkeztu zuen. Halaber, Beatriz Morcillok berriak eta aurreikusitako akzio plana erakutsi zituen eta parte-hartzaileei beraien ideiak gehitzeko gonbidapena luzatu zien. Sarekin Saloira bertaratu zirenak 50 baino gehiago izan ziren, guztiak ekintzailetza ekosistemarekin lotutakoak. 

Sarekinen baitan aurtengo aurreikusitako ekintzen artean “Sarekin Week 2020” aipatu behar da. Bizkaiko ekintzailetza komunitateari zuzendutako gune interaktibo bat izango da, non ekintzailetza esparruarekin eta bere fase ezberdinekin lotutako ekintzak eta jarduerak antolatuko diren. Enpresen sorreraren gidaliburu bat garatzeko asmoa ere badago.

 

 

Zaintza, Adimena eta Prospektibaren alde apustu egiten

Kontuz, leiho berrian zabalduko da PDF fitxategiaInprimatuE-posta

I 2020ko urtarrila I

Pasa den abenduaren 10ean, Iberdrola Dorrean, Innobasquek (Berrikuntzaren Euskal Agentzia) lideratutako Zaintzatik prospektibara proiektuaren itxiera jardunaldia ospatu zen, non Azaro Fundazioak ere parte hartu duen.

2019. urtean zehar, lurraldeko eskualde ezberdinetan kokatutako, erreferentziazko 8 erakunderen egoitzetan (horietako bat Azaro Fundazioa) lan-saioak aurrera eraman ziren, enpresa ezberdinetan zaintza eta prospektibaren inguruko lanen esperientziak ezagutzera bideratuak. Hortaz, azken ekitaldi honek iazko azken hilabeteetan egindako lanaren ondorioak ezagutzeko balio izan zuen.

Jardunaldia Asís Canalesek (Iberdrolako Finantza eta Baliabide, Erosketa eta Aseguru Zuzendaria) bertaratutakoei egindako agurrarekin hasi zen eta, ondoren, Leire Bilbaok (Zuzendaria - Innobasque) ongietorria eman zuen. Proiektuan lortutako ondorioak ezagutu aurretik, Diego Díazek (Iberdrolako New Ventures & Ikuspegi Teknologiko Zuzendaria) Iberdrolak “erronka estrategikoak aurrerapen teknologikoei egokitzerakoan” duen esperientzia erakutsi zuen. Behin Iberdrolaren kasua ezagututa, proiektuaren emaitzak aurkeztu ziren Innobasque agentziaren eskutik. Horretarako, Lola Elejaldek (Prospektiba eta Nazioartekotze Zuzendaria – Innobasque) hartu zuen hitza, eta emaitza horiek ondorengo 7 puntutan laburbildu zituen, kontuan hartu behar direnak zaintza, adimen eta prospektiba prozesuak abian jartzerakoan:

          1.     Ezinbestekoa da estrategiarekin parekatuta egotea. Zuzendaritzaren bermea eta babesa.

          2.     Talde ezberdinak eta diziplina anitzekoak sortzeko beharra.

          3.     Ondo planifikatu, baina malgutasuna alde batera utzi gabe.

          4.     Kontziente izan zaila dela epe laburrean emaitzak lortzea.

          5.     Tresnak ez dira garrantzitsuenak.

          6.     Erakundean prospektiba kultura bat sortzearen garrantzia.

          7.     Prozesua ere garrantzitsua da.

Jardunaldia bukatzeko, Oxford-eko Unibertsitateko ”Scenarios” programaren zuzendariak, Rafael Ramírezek “etorkizunetik orainaldira begiratzea ahalbidetzen duten etorkizuneko agertokiak eraikitzeko” garatu duten metodologia erakutsi zuen.

 

JPAGE_CURRENT_OF_TOTAL

AGENDA

Azkeneko hilabetea Urtarrila 2020 Hurrengo hilabetea
A A A O O L I
week 1 1 2 3 4 5
week 2 6 7 8 9 10 11 12
week 3 13 14 15 16 17 18 19
week 4 20 21 22 23 24 25 26
week 5 27 28 29 30 31

Hurrengo Ekitaldiak

2020 otsailak 03
Bazkide bilera ORHI Poctefa
2020 otsailak 04
Bazkide bilera ORHI Poctefa
2020 otsailak 27
CircularSeas workshop