HARPIDETZA

Sare sozialak

BERRIAK

Azaro Fundazioa Euskaraldiarekin bat

Kontuz, leiho berrian zabalduko da PDF fitxategiaInprimatuE-posta

I 2020ko azaroa I

EUSKARALDIAren bigarren edizioa martxan da dagoeneko eta abenduaren 4ra arte aurrera eramango da. EUSKARALDIA euskararen erabilera sustatzeko ariketa soziala da eta aurten Ahobizi edo Belarriprest bezala parte hartzeaz gain, berrikuntza bezala, Ariguneak sortzeko abagunea ere badago; hau da, euskaraz aritzeko guneak. Gune horiek euskaraz hitz egiteko aukera bermatzen dute aldi oro, bai erakundeen barruan, bai erakundeek herritarrekin duten harremanetan. Hori dela eta, Azaro Fundazioa ere arigune bihurtu da, euskarari bultzada bat eman eta gure eskualdean bere erabilera areagotzeko asmoarekin.

Ekimen honek 15 eguneko iraupena du, baina bere helburua haratago doa. Euskaraz aldi oro eta edonon, kalean, etxean edo lanean, mintzatzeko ohitura ezarri nahi du. Izan ere, euskara gure hizkuntza izanik, eguneroko bizitzan protagonista izan beharko luke.

Azaro Fundazioak, eskualdeko garapen ekonomikoa bultzatzeko lanean, bere ekarpentxoa egin nahirik, Euskaraldiarekin eta bere leloarekin bat egin du aurten ere: “Gehiago, gehiagorekin eta gehiagotan, euskaraz!”.

 

Cohes3ion Interreg Europe proiektuak zazpigarren lurralde-bisitaldia ospatu du

Kontuz, leiho berrian zabalduko da PDF fitxategiaInprimatuE-posta

I 2020ko azaroa I

Eskualde Garapenerako Europako Funtsak (EGEF) finantzatuta dagoen COHES3ION europar proiektuak zazpigarren bazkide-bilera eta “lurralde-bisitaldia” ospatu du Poloniako Mazovia Eskualdera.

Bazkideen lurraldeetan espezializazio adimentsuen estrategiak definitu eta inplementatzeko orduan lurraldetasuna barneratzea helburu duen proiektu hau BEAZek – Bizkaiko Foru Aldundiaren sozietate publikoa – lideratzen du, eta Azaro Fundazioak bazkide bezala parte hartzen du.

Erakunde biek, proiektuko kide diren beste erakundeekin batera, parte hartu zuten bilera horretan, eta oso interesgarria izan zen. Mazovia Eskualdean lehentasuna duten sektoreen identifikazio eta sustapenaren inguruko praktika onak ezagutzeko aukera izateaz gain, horien sustapenean inplikatuta dauden sareak, dinamikak eta eragileak ere antzeman baitzituzten.

Oraingo honetan, bazkideek ondorengo praktika onak ezagutzeko aukera izan zuten:

-   CEZAMAT connecting R&D infrastructure with the regional and (inter)national ecosystems of innovation (Krzysztof Mieszkowski, CEZAMAT)

-   The process of entrepreneurial discovery - working groups on S3 in the Mazowieckie Voivodeship (Piotr Dylewski, The Office of the Marshal of Mazowieckie Voivodeship)

-   Integrated Territorial Investments for Warsaw Metropolis – strict cooperation between 40 communes  (Kamil Przyborowski, City of Warsaw)

COVID-19ak sortutako egoeraren ondorioz, lurralde-bisitaldiak eta bazkide-bilerak era birtualean egiten ari dira. Hori dela eta, jardueren egutegia moldatu egin da; beraz, online bidezko bisitaldi guztiak 2020ko abendurako burutuko dira.

Hurrengo bazkide-bilera eta bisitaldi birtuala abenduaren 9rako dago aurreikusita Galesera, Erresuma Batua.

 

Azaro Fundazioa GLOBAL INNOVATION DAY 2020 jardunaldian

Kontuz, leiho berrian zabalduko da PDF fitxategiaInprimatuE-posta

I 2020ko azaroa I

Azaro Fundazioak Innobasquek, Berrikuntzaren Euskal Agentziak, azaroaren 2an streaming bidez emandako Global Innovation Day 2020 jardunaldian parte hartu zuen. Aurtengoa bederatzigarren edizioa izan da eta berrikuntzan ardaztu da, indartuta irteteko eta Covid-19 pandemiak eragindako krisi eta aldaketa azkarreko uneek dakartzaten erronkei aurre egiteko erantzun gisa.

Ekitaldiari hasiera Manuel Salaverriari, Innobasque, Berrikuntzaren Euskal Agentziaren lehendakariari, egindako elkarrizketarekin eman zitzaion.

Ondoren, Román Arjonak, Europako Batzordeko Zientzia eta Berrikuntzako Zuzendaritza Nagusiko ekonomialari buruak, Europar Batasunean zientzia, ikerketa eta berrikuntza arloetan 2020an izan diren emaitzei eta Europako eskualdeen ekarpenari buruzko hitzaldia eman zuen.

Jardunaldiaren gai nagusiari begira, krisialdi bati aurre egin dioten Euskadiko 5 berrikuntza-kasu praktiko aurkeztu ziren, honako erakunde hauen eskutik: Alfa Hogar, Cáritas Bizkaia, Centro Formativo Otxarkoaga, Akelarre Jatetxea eta SDA Factory. Berrikuntzaren ildotik, Innobasqueren 2020ko Berrikuntza Txostenaren aurrerapen bat egin zen, eta horri buruzko solasaldi bat ere izan zen, hainbat erakunde eta enpresetako ordezkarien parte-hartzearekin; besteak beste, Cristina Uriarte, Eusko Jaurlaritzako Zientzia, Teknologia eta Berrikuntzarako ordezkaria, Aitor Alapont, P4Q enpresako zuzendari nagusia, eta Leire Bilbao, Innobasque, Berrikuntzaren Euskal Agentziaren zuzendari nagusia.

Amaitzeko, Iñigo Urkullu Rentería lehendakariak Zientzia, Teknologia eta Berrikuntzaren XX. Astea inauguratu zuen ekitaldiaren baitan.

Azaro Fundazioa, Lea-Artibaiko enpresa-ehunaren lehiakortasunaren eragile izanik, ekitaldian izan zen eta egun bizi dugun krisi egoerari aurre egiteko orduan berrikuntzak duen garrantziari buruzko xehetasunak bildu zituen.

Berrikuntza merkatu lehiakorrean bizirauteko bermea izateaz gain, erronka edo agertoki berriei aurre egiteko tresna ere baita.

 

JPAGE_CURRENT_OF_TOTAL

AGENDA

Azkeneko hilabetea Abendua 2020 Hurrengo hilabetea
A A A O O L I
week 49 1 2 3 4 5 6
week 50 7 8 9 10 11 12 13
week 51 14 15 16 17 18 19 20
week 52 21 22 23 24 25 26 27
week 53 28 29 30 31

Hurrengo Ekitaldiak

2020 irailak 24
CircularSeas workshop 2&3
2020 urriak 01
Innovación basada en la vigilancia e inteligencia