HARPIDETZA

Sare sozialak

BERRIAK

100 partaide baino gehiago Nekazaritzako Elikagaien sektorean Ekonomia Zirkularraren inguruko Jardunaldian

Kontuz, leiho berrian zabalduko da PDF fitxategiaInprimatuE-posta

I 2019ko uztaila I

 

Pasa den ekainaren 18an, Cámara Bayonne Pays Basquen, FEDER-POCTEFA Europako Funtsarekin % 65ean onartutako eta finantzatutako ORHI proiektuaren baitan jardunaldi bat ospatu zen. Mugaz gaindiko jardunaldi hau nekazaritzako elikagaien sektoreak Ekonomia Zirkularrerantz bilakatzeko dituen arazoetan oinarritu zen, ondorengo erronkei aurre egiteko irtenbideak emateko helburuarekin: sektoreko materia organikodun azpiproduktuak balioztatzea, balio erantsia duten produktu berriak sortzeko; energia sortzea; elikagaien eraldaketatik datozen hondakin-urak gutxitzea edota berrerabiltzea; eta elikagaien bilgarrietatik eta nekazaritzatik datozen plastikoak ordezkatzea edota murriztea.

ORHI proiektua 9 kidek osatutako partzuergo batek sustatzen du. Kide horiek 5 lurralde ezberdinetakoak dira (Euskadi – Errioxa – Nafarroa – Occitanie – Pyrénées-Atlantiques): Saiolan, Azaro Fundazioa, Aclima, Ader, Ain, Apesa, Estia, Chambre de Commerce et d’Industrie Bayonne Pays Basque eta Coop de France Occitanie.

Jardunaldian 100 enpresa eta zentro teknologiko espezializatu baino gehiagok parte hartu zuten, eta 30 irtenbide berritzaile baino gehiagoren aurkezpenarekin hasi zen. EKONEK, CENER, SENSARA, VEGEPLAST y M-CUBE (Grupo Ovalie) izan ziren irtenbideak aurkeztu zituzten erakundeetako batzuk, ondorengo erronkei bideratutako erantzunak eskaintzen dituztenak:

· Bioplastikoen ekoizpena azpiproduktu organikoen bidez.

· Azpiproduktu organikoen eraldaketa ale edo hautsera, giza eta animali-elikadurarako edota ongarri gisa erabiltzeko.

· Metanizazio-soluzioak neurrira eskala txikira.

· Ostalaritzako enpresek erabilitako olioen berreskuratzea.

· Hondakin plastikoekin produktu berriak sortzea; adibidez, hiri-altzariak.

· Packaging biodegradagarriak, konpostagarriak, eta abar, sortzea.

Ondoren, 4 mahai-inguru egin ziren aurkeztutako erronken irtenbideen eskaintzaile eta eskatzaileen artean. LEARTIKERek lehenbiziko mahai-inguruan parte hartu zuen hainbat enpresekin batera, eta Gaxure eta laktosueroaren rebalorizazioan oinarritutako produktuak aurkeztu zituen. Arratsaldean enpresen artean garatutako 123 aldebiko bileretan ere egon zen, enpresa horien arteko balio-konexioak sustatzea helburu izan zutenak.

Leartikerrez gain, euskal enpresa-partaidetzak ordezkari gehiago izan zituen: AGROCIRCULAR, BLUEDESIGN, BREEN, CWT, EKOLBER, EKONEK, EUSKADIKO NEKAZARI-ELIKAGAIEN KOOPERATIBEN FEDERAZIOA, GAIKER, ARKAUTE NEKAZARITZA INSTITUTUA, LAMBDA RECYCLING, LIKUID NANOTEK, LORRA KOOP., PLASTIGAUR, TECEXSA, TECNUN, TITAN ECO SOSTENIBLE eta ZUBIGUNE FUNDAZIOA.

*Proiektu hau Eskualde Garapenerako Europako Funtsarekin (FEDER) kofinantzatuta dago eta ezagutzaren transferentzian oinarritutako berrikuntza ekosistemak bultzatzea du helburu. Espainia, Frantzia eta Andorra herrialde mugakideen garapen jasangarria sustatzeko sortutako INTERREG-POCTEFA lurralde kooperaziorako programaren barruan kokatzen da.

 

 

RETRACE proiektuaren baitan azken pausuak ematen…

Kontuz, leiho berrian zabalduko da PDF fitxategiaInprimatuE-posta

I 2019ko uztaila I

Azaro Fundazioa, RETRACE (Regions Transitions towards a Circular Economy) proiektuaren bazkide izanik, Eslovenian izan da proiektuaren baitan antolatutako aurtengo azken jardunaldian.

Jardunaldiaren helburua Retrace proiektuan orain arte emandako pausuen eta lortutako helburuen berri ematea izan da. Bertaratu direnen artean, proiektuko erakunde bazkideetako kideak, bazkideen lurraldeetako gobernuetako ordezkariak eta Interreg Europa programako ordezkariak izan dira. Bizkaitik, BEAZek, proiektuko kidea den heinean, Bilbao Bizkaia Circular iniziatibaren nondik norakoak azaldu ditu, Ekonomia Zirkularrean oinarritutako praktika on gisa.

Retrace Interreg Europe programaren baitan kokatzen da eta EGEFk kofinantzatuta dago. 4 urteko iraupena du (2016-2020) eta bere helburua Diseinu Sistemikoan oinarritzen diren Ekonomia Zirkularreko proiektuak martxan jartzea erraztea da.

Proiektua momentu honetan azkenengo fasean murgilduta dago, eta kideak, lehenengo fasean, bakoitzak bere herrialderako zehaztu zuen Regional Action Planaren barruan definitutako ekintzak aurrera eramaten ari dira. Plangintza horretan zehaztutako ekintza guztiak tokiko agente ezberdinen kohesioa eta lankidetza bermatzen duen proiektuen garapenera bideratuta daude.

 

Azaro Fundazioa Berlinen ospatutako CIMI.CON Evolution hitzaldian egon zen

Kontuz, leiho berrian zabalduko da PDF fitxategiaInprimatuE-posta

I 2019ko uztaila I

Pasa den uztailaren 1ean eta 2an, Azaro Fundazioa Europan zaintza eta adimenaren inguruan ospatzen den hitzaldi garrantzitsuenean egon zen (CiMi.con Evolution).

CiMi.CON Evolution zaintza eta adimenaren arloan paper eraginkor bat duten interesdunak biltzen dituen ezagutza aitzindariaren hartu-emanetarako hitzaldia da. Aurten, zortzigarren aldiz, CiMi.CON Evolution Europe ekitaldian erakunde ezberdinetan inplementatutako zaintza eta adimen sistemen adibideak aurkeztu ziren. Baita, azken joerak, erronkak eta aukerak ere.

Hitzaldia Berlinen izan zen, eta bertan zaintza eta adimenaren (VI) prozesuarekin lotura duten agintari guztiek parte hartu zuten: software garatzaileak, aholkulariak, adituak, enpresak, elkarteak...Gure aldetik, Azaro Fundazioak praktika onen zerrenda bat ekarri du, martxan jartzeko xedearekin eta etorkizunera begira harremanetarako sare bat eratu du sortu litezkeen elkarlanetarako.

 

EMEekin programaren 2. edizioa bukatu da

Kontuz, leiho berrian zabalduko da PDF fitxategiaInprimatuE-posta

I 2019ko uztaila I

EMEekin programaren bigarren edizioa bukatu berri da. Otsailean hasi zen 10 parte- hartzailerekin, eta guztiak helburu berarekin abiatu ziren: gaitasun pertsonaletan eta hainbat konpetentzia teknikotan dituzten ezagutzak sakontzea, euren burua ahaldundu eta laneratzeko orduan indartsu sentitzeko. Profil desberdinetako emakumeak elkartu dira programan, eta horrek esperientzia aberasten lagundu du, elkarren artean ezagutzak partekatzeko aukera izan baitute. Programaren amaierara 4 emakume iritsi dira, gainerakoek lana aurkitu baitute denbora tarte horretan.

Parte-hartzaileek oso ondo baloratu dute ekimen berritzaile hau. Programa aberasgarria izan dela azaldu dute: alde batetik, ezagutzen ez zituzten teknika eta erraminta berritzaile asko landu eta barneratu dituztelako eta bestetik, profil desberdinetako emakumeak bildu direlako eta horrek hainbat kezka edo gai elkarbanatzeko aukera eman dietelako. Programak ahalduntze maila altua eman diela adierazi dute.

EMEekin Azaro Fundazioak, Bizkaiko Foru Aldundiaren laguntzarekin eta Leartibai Garapen Agentzia eta Lea Artibai Ikastetxearekin elkarlanean, martxan jarritako programa da.

Lea-Artibai eskualdeko eta inguruko emakume langabetuei zuzenduta dago eta beraien ekintzailetza eta kalitatezko enplegu egonkorrak bultzatzea du helburu. Formazio programa berritzaile baten bitartez emakumeak ahaldundu eta egungo lan mundurako beharrezkoak diren tresnak ematen zaizkie, laneratzeko momentuan prest eta konfiantzaz sentitu daitezen.  

Azaro Fundaziotik eskerrak eman nahi dizkiegu EMEekin programaren bi edizioetan parte hartu duten emakumeei. Beraientzat ez ezik, guretzat ere esperientzia atsegina izan da bertan parte hartu duten emakumeen bilakaera ikustea; izan ere, Ikastaro hau praktikoa izateaz gain, emozionala ere izan da. Eskerrik asko eta zorte on!

 

JPAGE_CURRENT_OF_TOTAL

AGENDA

Azkeneko hilabetea Iraila 2019 Hurrengo hilabetea
A A A O O L I
week 35 1
week 36 2 3 4 5 6 7 8
week 37 9 10 11 12 13 14 15
week 38 16 17 18 19 20 21 22
week 39 23 24 25 26 27 28 29
week 40 30

Hurrengo Ekitaldiak

Ekitaldirik gabe