HARPIDETZA

Sare sozialak

BERRIAK

Azaro Fundazioa SUSPERTZE ADIMENTSUKO 12 PROIEKTU zehazten eta kudeatzen laguntzen ari da Lea-Artibaiko enpresei

Kontuz, leiho berrian zabalduko da PDF fitxategiaInprimatuE-posta

I 2020ko uztaila I

Maiatzaren 29an Bizkaiko Foru Aldundiak Suspertze Adimentsua 2020 programa arautzen duten oinarriak eta deialdiaren foru-dekretua argitaratu zuen, eta Azaro Fundazioak aukera hori aprobetxatu nahi izan du Lea-Artibaiko ETEei laguntzeko beraien suspertze proiektuak zehaztu eta forma ematen COVID-19aren eraginaren ondoren.

Hori dela eta, Azaron epe motzerako eta merkataritzara zuzenduta dauden proiektu eta ekintzak zehazten ari dira. Horrela, salmentak suspertzeko helburuarekin, proiektuek merkataritza-jarduera indartu nahi dute, baita nazioarteko eskaintzak antzeman eta bereganatu edo zerbitzuen eskaintza kanal berrien bitartez egitea ere. Halaber, produktuak eta zerbitzuak merkatu berrietarantz bideratzeko proiektuak edota elkarlanean merkatu handiagoetara sartzeko itun berriak sortzeko proiektuak garatzen ari dira.

Gainera, negozio-ereduak jardueraren digitalizazio, ekonomia zirkularra edo ingurune-inpaktua murriztera birbideratzea helburu duten proiektuen diseinuan ari dira lanean bereziki.

Programa hau irailaren 30era arte egongo da zabalik eta diruz lagundu daitekeen gastuen % 50a finantzatzen du, non kanpo-kostuak, langileen gastuak eta proiektuari lotutako inbertsioak sartzen diren, enpresa bakoitzeko gehienezko dirulaguntza 15.000€takoa izanik. Beraz, honelako proiektu bat garatzeko interesa duten enpresak Azaro Fundazioarekin kontaktuan jar daitezke irailaren 15a orduko.

 

Aukera digitalak identifikatzeko CHALLENGE 4.0 programa zabalik

Kontuz, leiho berrian zabalduko da PDF fitxategiaInprimatuE-posta

I 2020ko uztaila I

Azaro Fundazioa pasa den urtean lantzen hasi zen CHALLENGE 4.0 programaren helburua Lea-Artibaiko ETEen digitalizazioa bultzatzea da, negozio-eredu eraginkorragoak lortzeko balio-proposamen berritzaileago batekin eta beraien bezero eta hornitzaileekin hobeto lotuta. Horretarako, Azaro Teknikerrekin elkarlanean ari da, enpresaren Eraldaketa Digitalean espezializatua dagoen zentro teknologikoa.

Aurtengo proposamenak bi alderdi ditu eta ETEek zeinetan parte hartu erabaki beharko dute. Horrela, nahiz bata edo bestea aukeratu, Azaro Fundazioaren eta Teknikerren laguntza izango dute, eta prozesua bukatzerakoan digitalizazioaren inguruko hainbat ideia izango dituzte beraien negozioetan inplementatu ahal izateko.

Lehenbiziko alderdia doakoa da enpresentzat Bizkaiko Foru Aldundiaren Eskualdeko Lehiakortasuna Sustatzeko programari esker. Alderdi honetan, enpresek hiru web mintegitan parte hartu ahal izango dute, non enpresa partaideen sektoreentzako digitalizazioak eskaintzen dituen aukerak erakutsiko diren, eta ondoren autodiagnostiko digital bat burutu ahal izango dute beraien negozioentzako digitalizazio aukera zehatzak antzemateko, beraien abiapuntua eta interesak kontuan hartuta. Lehenengo web mintegia irailaren 16an ospatuko da 10:00etan. Prozesu honetan parte hartu nahi duten enpresek izena eman dezakete hemen. Izena emateko azken eguna irailaren 9a da.

Bigarren alderdian, enpresek Aukera Digitalen Diagnostiko baten parte hartu ahal izango dute. Bertan, Teknikerrekin, egiaztatuta eta eraginkorra den metodologia duena, burututako 3 zuzeneko edo online bidezko saiotan (egoeraren arabera) enpresaren egoera aztertuko dute digitalizazio aukera zehatzak identifikatuz. ibilbide-orri bat ere egingo dute enpresak hautatutako aukera inplementatzeko. Alderdi hau ez da doakoa, baina ekimenean parte hartu nahi duten ETEek Azaroren laguntzarekin Teknikerren (edo konfiantzazko beste hornitzaile baten) kanpo-kostua % 80an finantzatu ahal izango dute Bizkaiko Foru Aldundiaren Txekeo Teknologikoak Programa 2020 ekimenaren bitartez. Beraz, Aukera Digitalen Diagnostiko hau egin nahi duten Lea-Artibaiko ETEek izena eman dezakete hemen ekimenaren xehetasunak ezagutzeko. Izena emateko azken eguna irailaren 15a da.

ETEren batek argi ez badu zein ekimenetan parte hartu, Azaro Fundazioarekin harremanetan jarri daiteke, non alderdi biei buruzko informazioa eman eta erabakia hartzen lagunduko dioten. Harremanetarako datuak hauek dira:

Leire Seara

Helbide elektroniko honek spam bot-en kontrako babesa du. Ikusteko Javascript-a aktibatu behar duzu

94 616 91 72

 

 

 

 

 

 

CircularSeas proiektuaren 2. eta 3. workshop-ak ospatuko dira irailean

Kontuz, leiho berrian zabalduko da PDF fitxategiaInprimatuE-posta

I 2020ko uztaila I

Azaro Fundazioak eta Leartiker zentro teknologikoak CircularSeas europar proiektuaren  2. eta 3. workshop tailerrak ospatuko dituzte irailaren 24an, Lea-Artibaiko Berrikuntza Gunean.

CircularSeas Interreg Atlantic Area programaren bitartez Eskualde Garapenerako Europako Funtsarekin (EGEF) batera finantzatutako proiektua da eta itsasoko hondakin plastikoen berrerabilerara begirako estrategiak aurkitzea du helburu. Pasa den apirilean hasi zuen bere ibilbidea, eta geroztik Leartiker eta Azaro Fundazioa elkarlanean aritu dira, proiektuko partaide diren 6 nodoetan burututako diagnostikoen bilduma osatzen eta horietan bildutako hondakinen karakterizazioa egiten, besteak beste.

Lan horiek abiapuntu izango dira iraileko topaketari begira. Horrela, saio praktiko baten bitartez 3D printing teknologian gehiago sakontzeko aukera egongo da eta Ondarroako Nodoa Ekonomia Zirkularrean murgiltzeko hurrengo pausua ere emango da, sormen dinamika bidez. Gainera, 3DP teknologiarekin sortu daitezkeen produktu berri potentzialak ere aurkeztuko dira

 

Lea-Artibaiko ekintzaileentzako formakuntza saioak

Kontuz, leiho berrian zabalduko da PDF fitxategiaInprimatuE-posta

I 2020ko uztaila I

Azaro Fundazioak, eskualdeko ekintzaileen beharrizanei erantzun eta beraien ibilbide profesionala hobetzeko helburuarekin, urtean zehar Ezagutza pildorak deituriko formakuntza saioak antolatzen ditu.

Saio horietan ekintzailetzari eta enpresa munduari lotutako gai desberdinak jorratzen dira. Azken formakuntzan landutako gaia kostu-kudeaketaren ingurukoa izan zen eta ekainaren 30ean eta uztailaren 7an burutu zen online bidez. Bertan produktu/zerbitzuen kostua nola kalkulatu, prezioa finkatzeko orduan zein aldagai kontuan hartu eta horretarako dauden errentagarritasun erreminten inguruan aritu ziren. Trebakuntza alor ekonomiko-finantzarioan aditua den Gestiona XXI enpresako Sergio Garcíak eman zuen.

Saioak dinamikoak eta praktikoak izan ziren, eta parte-hartzaileek, gaiari buruzko oinarrizko kontzeptuak landu ondoren, ikasitakoa beraien proiektuan praktikan jartzeko aukera izango dute, nahi izanez gero, Azaro Fundazioaren laguntzarekin.

 

Laugarren lurralde-bisitaldia eta bazkide-bilera Cohes3ion Interreg Europe proiektuaren baitan

Kontuz, leiho berrian zabalduko da PDF fitxategiaInprimatuE-posta

I 2020ko uztaila I

Laugarren bazkide-bilera eta “lurralde-bisitaldia” egin dira Errumaniako Ipar-mendebaldeko Eskualdera, Eskualde Garapenerako Europako Funtsak (EGEF) finantzatuta dagoen COHES3ION europar proiektuaren baitan.

Proiektu honek, BEAZek – Bizkaiko Foru Aldundiaren sozietate publikoa – lideratu eta Azaro Fundazioak bazkide bezala parte hartzen duena, bazkideen lurraldeetan espezializazio adimentsuen estrategiak definitu eta inplementatzeko orduan lurraldetasuna barneratzea du helburu.

“Lurralde-bisitaldi” hau oso interesgarria izan zen bai erakunde bientzat, bai proiektuko beste kideentzat, Errumaniako Ipar-mendebaldean lehentasuna duten sektoreen identifikazio eta sustapenaren inguruko praktika onak ezagutzeko aukera izateaz gain, horien sustapenean inplikatuta dauden sareak, dinamikak eta eragileak ere antzeman baitzituzten.

Oraingo honetan, bazkideek ondorengo praktika onak ezagutzeko aukera izan zuten:

     -   National Smart Specialisation Strategy

     -   INCDTIM Development Strategy

     -   TETAPOLIS Digital Incubator

COVID-19ak sortutako egoeraren ondorioz, lurralde-bisitaldiak eta bazkide-bilerak era birtualean egiten ari dira. Hori dela eta, “bisiten” eta bazkide-bileren egutegia moldatu egin da; beraz, ekintza guztiak 2020ko abendurako burutuko dira.

Bosgarren bazkide-bilera eta bisitaldi birtuala irailerako dago aurreikusita Suediako Estocolmo Eskualdera.

 

JPAGE_CURRENT_OF_TOTAL

AGENDA

Azkeneko hilabetea Iraila 2020 Hurrengo hilabetea
A A A O O L I
week 36 1 2 3 4 5 6
week 37 7 8 9 10 11 12 13
week 38 14 15 16 17 18 19 20
week 39 21 22 23 24 25 26 27
week 40 28 29 30

Hurrengo Ekitaldiak

2020 irailak 24
CircularSeas workshop 2&3
2020 urriak 01
Innovación basada en la vigilancia e inteligencia