HARPIDETZA

Sare sozialak

BERRIAK

ISWA 2019 Mundu Mailako Biltzarra

Kontuz, leiho berrian zabalduko da PDF fitxategiaInprimatuE-posta

I 2019ko urria

Azaro Fundazioa ISWA 2019 hondakin eta ekonomia zirkularrari buruzko mundu mailako biltzarrean egon zen, Bilbon ospatu zena, urriaren 7, 8 eta 9an.

Azaro Fundazioko taldeak biltzar horretan parte hartu zuen bertan bildutako informazioa *ORHI europar proiektura eramateko helburuarekin, bereziki nekazaritzako elikagaien sektorera eta Lea-Artibain sektoreari erantsitako industriara.

Hitzaldiak, besteak beste, Anthony Marhopoulus, Mario Picazo edo Nicola Cerantola adituen eskutik izan ziren, eta honako puntu hauek azpimarratu zituzten:

- Etorkizuneko ekonomia garapenerako landu beharreko lau eremu edo guneak hauek dira: ekonomia zirkularra, berotze globala, itsas-hondakina eta 4.0 industria.

- E-waste deritzonaren (hondakin elektroniko guztiak) hazkundea areagotu egingo da, egungo gizartearen teknologia kontsumoaren joeragatik.

- Desmuntaia eta remanufaktura ahalezkoak dira, 4.0 industrian hobekuntza lehiakorrerako.

- Hondakinaren digitalizazioa funtsezkoa da balio katea trazatzeko eta, ondoren, inguru horretan negozio aukeraren bat identifikatzeko edo balioa handitzeko.

Azpimarragarriak dira biltzarrean atzerriko jendea egon izana eta enpresen stand-ak, hondakinaren kudeaketaren eta erantsitako zerbitzuen ingurukoak.

 

*ORHI proiektua Eskualde Garapenerako Europako Funtsak (EGEF) % 65ean kofinantzatuta dago, Interreg V-A Espainia-Frantzia-Andorra Programaren (POCTEFA 2014-2020) bitartez.

 

Negozio zirkularren eredu berrien inguruko jardunaldia ORHI europar proiektuaren baitan

Kontuz, leiho berrian zabalduko da PDF fitxategiaInprimatuE-posta

I 2019ko urria

Urriaren 15ean, ORHI proiektu europarraren baitan, negozio zirkularren eredu berrien inguruko jardunaldia ospatu zen, proiektuko kide diren Saiolan, Aclima eta Azaro Fundazioaren eskutik. Jardunaldia Aclimaren instalazioetan egin zen, Bilbon, eta Euskadiko ekonomia garapen agenteak eta enpresak egon ziren bertan.

Ekimen horren helburua nekazaritzako elikagaien sektorean ekonomia zirkularraren inguruko 20 negozio berritzaile aurkeztea izan zen. Nicola Cerantola eta Leartikerren hitzaldiak ORHI proiektuaren baitan egindako lanetan ardaztuak egon ziren. Nicolak nekazaritzako elikagaien sektoreko materia organikoan zentratutako 10 negozio eredu erakutsi zituen. Leartikerreko ordezkariak, aldiz, nekazaritzako elikagaien sektoreko hondakin plastikoari dagokion 10 negozio zirkular ereduen inguruan aritu zen.

Horretatik guztitik azpimarratu beharra dago negozio zirkularren ereduak ez daudela oinarrituta bakarrik hondakin bat beste produktu edo ekintza baten lehengai edo input izatean. Hausnarketa haratago doa eta hauetan ardazten da: produktua nola diseinatu, sektoreko agente ezberdinen lankidetzarekin balio proposamena nola hobetu, gastuak nola murriztu edo irabaziak nola areagotu energia berriztagarrien inplementazioagatik edo lankidetza ekintzetan, beteak beste.

Ekonomia zirkularra ez da eredu ekonomiko berri baten edo lurralde baten garapenarentzako irtenbidea, baina bai zer egiten den berriz pentsatzeko bidea: gastuak neurtu, arindu eta murriztu balioa lortzearekin batera, merkatuan eta enpresa- eta lurralde-lehiakortasunean hobetu eta berritu ahal izateko.

Hitzaldiak bideo bidez grabatu ziren eta laburki hedatuko dira ORHI webgunearen bitartez, urte bukaerarako argitaratuko den irtenbide berritzaileen katalogoarekin batera.

 

*ORHI proiektua Eskualde Garapenerako Europako Funtsak (EGEF) % 65ean kofinantzatuta dago, Interreg V-A Espainia-Frantzia-Andorra Programaren (POCTEFA 2014-2020) bitartez.

 

Retrace europar proiektuko bazkideen azken bilera, Turinen

Kontuz, leiho berrian zabalduko da PDF fitxategiaInprimatuE-posta

I 2019ko urria I

Urrian, Retrace (Interreg Europa) proiektuko bazkideen azken bilera ospatu da Turinen, Piamonte Eskualdean. Bertan, proiektuaren inguruko gai guztiak landu ziren eta lan-ildo bakoitzaren jarraipena egin zen.

Bileraren lehenbiziko zatian, uztailean, Eslovenian ospatutako Nazioarteko Hedapena duen ekimena gainbegiratzeari ekin zioten. Ondoren, proiektuaren itxierari begirako etorkizuneko ekintzak planifikatzeko txanda heldu zen, 2020ko martxoan bukatuko dena.

Bileraren azken zatian, bazkide bakoitzak bere jarduera eremurako Lurraldeko Ekintza Planaren barruan aurrera eramaten ari diren ekintzetan lortutako aurrerapenen aurkezpena egin zuen.

Azkenik, bazkideen artean garatu ahal diren etorkizuneko lankidetza aukerak aztertu ziren.

 

Azaro Fundazioak TransferINN proiektu europarraren itxiera jardunaldia ospatuko du, Bartzelonan

Kontuz, leiho berrian zabalduko da PDF fitxategiaInprimatuE-posta

I 2019ko urria I

Azaroaren 20an, Azaro Fundazioak gidatzen duen TransferINN proiektu europarraren itxiera jardunaldia ospatuko da, Bartzelonan. Proiektu horren helburu nagusia unibertsitateetan, formakuntza zentroetan eta zentro teknologikoetan eskura dagoen ezagutza, Enpresa Txiki eta Ertainei (ETE) eta ekintzaileei transferitzea da.

Azaro Fundazioarekin batera proiektuan parte hartzen ari diren kideak hauek dira: Mondragon Goi Eskola Politeknikoa J.M.A. S.Coop., ESTIA (Ecole Supérieure des Technologies Industrielles Avancées), INSUP formation, Perpignan-eko Unibertsitatea eta Kataluniako Generalitateko Hezkuntza Saila.

TransferINN proiektua Eskualde Garapenerako Europako Funtsak (EGEF) % 65ean kofinantzatuta dago, muga eremuko ekonomia eta gizarte integrazioa indartzea helburu duen, Interreg V-A Espainia-Frantzia-Andorra Programaren (POCTEFA 2014-2020) bitartez. Programa horrek eskaintzen duen laguntza lurralde garapen jasangarri baten aldeko estrategia bateratuen bitartez, mugaz gaindiko ekonomia, gizarte eta ingurumen jarduerak garatzean datza.

Proiektuaren aurkezpen jardunaldia 2016ko irailaren 14an ospatu zen, Markina-Xemeinen, eta 3 urte ondoren, proiektua amaierara iritsi da. Itxiera jardunaldian,  mugaz gaindiko lurraldean garatu diren ekintzak eta lortu diren helburuak aurkezteaz gain, berrikuntzaren inguruan hausnarketa egingo da. Xabier Marcet aholkularia, estrategia, berrikuntza eta ekintzailetzan aditua dena, izango da hizlari, besteak beste.

 

Euskal ETEek erabilgarri dute jadanik Hazinnova ekimen berria

Kontuz, leiho berrian zabalduko da PDF fitxategiaInprimatuE-posta

I 2019ko iraila I

2.400 euskal ETEekerabilgarri dute dagoeneko Hazinnova zerbitzu berria.SPRI Taldeak eta Innobasque-Berrikuntzaren Euskal Agentziak joan den martxoan abiarazitako ekimen horrek 500 proiektu inguru jarriko ditu martxan enpresa parte-hartzaileen berrikuntza eta lehiakortasun-indizeak hobetzeko helburuarekin.

Hazinnova ekimenak 2,5 milioi euroko aurrekontua du, eta Euskadik berrikuntzan bere etekina hobetu ahal izateko erabiliko da, Berrikuntza-maila Handiko Eskualdeen multzoan jarrai dezan ahalbidetzeko.

Horrela, Euskal ETEek doako aholkulari espezializatu bat eskatzeko aukera izango dute, lana antolatzeko modu berriak eta produktu nahiz zerbitzuak merkaturatzeko metodo berriak ezartzen lagunduko diena. Honako laguntza hauek jasoko dituzte, hain zuzen ere:

-        Enpresaren errentagarritasuna kontrolatzea

-        Prozesuen eraginkortasuna hobetzea

-        Entrega-gastuak edo -epeak murriztea

-        Beraien erakundeko langileak motibatzea

-        Merkatu-kuota handitzea

-        Bezero-segmentu berrietara iristea

-        Marka eta diseinu industrialak babestea

Ekimen honen lehentasunak hauek dira: Euskadiko enpresa berritzaileen kopurua handitzea; eta berritzeko joerarik ez duten enpresei lehen esperientzia baliagarri eta praktikoa ahalbidetzea, berrikuntzari esker. Eusko Jaurlaritzak, SPRI Taldearen bitartez, konpromisoa hartu du berrikuntza ETE txikienetaraino heltzeko, beraiei zuzendutako laguntza espezifikoak eskainita.

Ildo beretik, Innobasque-k adierazi du handitu egin nahi duela ETEei ematen dien laguntza, berrikuntzaren bidean sartu daitezen. Horrez gain, 40 ordezkarik (tokiko garapen agentziak, klusterrak, merkataritza ganberak eta enpresa-elkarteak)osatutako sare bat sortu du, Euskadiko eskualde guztietako enpresetara heldu ahal izateko eta Hazinnova ekimenean parte hartzea erabakitzen duten guztiei proiektu osoan laguntzeko.

Hazinnova ordezkarien sareak 2.400 enpresatara iritsi nahi du, eta 500 proiektu garatu nahi ditu. Bereziki, aurretik berrikuntza-jarduerarik egin ez duten eta 6-99 langile bitartean dituzten enpresetara heltzea du helburu.

Hazinnova ekimena aurkezteko ekitaldiak

Ekimen hau enpresa txikiak dituzten Euskadiko eskualde guztietara heldu ahal izateko ahaleginetan, aurkezpen ekitaldiak antolatu dira, irailaren erdialdetik azaroaren bukaerara arte aurrera eramango direnak. Hazinnovaren arduradunak (Eusko Jaurlaritza, SPRI eta Innobasque) Araba, Bizkaia eta Gipuzkoako eskualde guztietara joango dira, eta, tokiko ordezkariekin batera, zerbitzuaren ezaugarri eta irismenaren inguruko azalpenak emango dizkiete zonalde bakoitzeko ETEei.

Informazio gehiago:

Berrikuntzaren Euskal Agentzia, INNOBASQUE

Blanca Pardo

T. 658 727 776  /  Helbide elektroniko honek spam bot-en kontrako babesa du. Ikusteko Javascript-a aktibatu behar duzu

Ana Larizgoitia

T. 656 788 328  /  Helbide elektroniko honek spam bot-en kontrako babesa du. Ikusteko Javascript-a aktibatu behar duzu

 

 

 

 

 

 

 

 

JPAGE_CURRENT_OF_TOTAL

AGENDA

Azkeneko hilabetea Otsaila 2020 Hurrengo hilabetea
A A A O O L I
week 5 1 2
week 6 3 4 5 6 7 8 9
week 7 10 11 12 13 14 15 16
week 8 17 18 19 20 21 22 23
week 9 24 25 26 27 28 29

Hurrengo Ekitaldiak

2020 otsailak 03
Bazkide bilera ORHI Poctefa
2020 otsailak 04
Bazkide bilera ORHI Poctefa
2020 otsailak 27
CircularSeas workshop