HARPIDETZA

Sare sozialak

BERRIAK

Azaro Fundazioa enpresen arteko kooperazioaren inguruan hizlari

Kontuz, leiho berrian zabalduko da PDF fitxategiaInprimatuE-posta

I 2019ko apirila I

Apirilaren 11n, Orona Fundazioan, Arizmendiarreta Kristau Fundazioak antolatutako Enpresen arteko lankidetzaren I foroan parte hartu zuen Azaro Fundazioko zuzendaria den Ainhoa Arrizubietak.

Goierri Valley, Enpresarek eta Azaro Fundazioak Goierri, Bergara eta Lea-Artibai eskualdeetan martxan dauden enpresen arteko lankidetza proiektuen inguruan hitz egin zuten. Hauek izan ziren eztabaidagaiak: enpresa sustatzaile eta ETEn arteko lankidetza proiektuak; eskualdeko talentuen ihesa ekiditeko enpresa eta ikastetxeen artekoak; eta ETEn lehiakortasuna hobetzeko lankidetzako proiektuak.

Aipagarria da elkarte horiek guztiak bat egin zutela lankidetzaren funtsaren aldagaiak adierazteko orduan; hala nola, lurraldearekin lotutako erronka komun baten inguruan ezarritako proiektua izatea, enpresek beraien ingurunearen garapenean duten konpromisoa, partaide bakoitzaren itxaropenak gauzatzen dituen proiektua izatea, eta proiektu bateko hainbat partaide biltzen edo lotzen dituen erakunde katalizatzaile edo dinamizatzaile baten beharra.

Foroaren bigarren zatian, Ner Group, Fundacion Industrial Navarra eta Fundacion San Prudencio aritu ziren, beraien eremuko enpresei eskaintzen dizkien zerbitzuen inguruan.

 

Lea-Artibaiko ekintzaileentzako formakuntza saioek aurrera dihardute

Kontuz, leiho berrian zabalduko da PDF fitxategiaInprimatuE-posta

I 2019ko apirila I

Azaro Fundazioak Ezagutza pildorak deituriko formakuntza saioekin jarraitzen du. Horien helburua eskualdeko ekintzaileen beharrizanak asetu eta beraien ibilbide profesionala hobetzea da.

Hilero ospatzen diren saio hauek dinamikoak eta praktikoak izaten dira batez ere, eta bakoitzean gai ezberdin bat jorratzen da, betiere ekintzaileari eta enpresa munduari estuki lotutako gaiak eta aditu batek eskainiak.

Apirilaren 11n egindako saioan Komunikazio Plana landu zuten Grupo Bentaseko Silvia Angueira adituaren eskutik. Ikastaroaren iraupena 4 ordukoa izan zen eta oso ondo balioetsi zuten partaideek; beraien negozioan baliozkoak diren ideia berriak jaso zituzten, eta oso interesgarria eta eraginkorra izan zela adierazi zuten.

Hurrengo saioa, maiatzaren 30ean izango da, eta Coaching gaia landuko da Lea Artibai Ikastetxeko Yolanda Larrañagaren eskutik.

 

TransferINN Europako proiektuaren barnean fabrikazio aurreratuari buruzko 3. jardunaldia

Kontuz, leiho berrian zabalduko da PDF fitxategiaInprimatuE-posta

I 2019ko martxoa I

TransferINN*eta Competitiv’eko Europako mugaz bestaldeko proiektuen arteko lankidetzari esker, fabrikazio aurreratuari buruzko 3. jardunaldia ospatu da. Guztira lau jardunaldi antolatuko dira TransferINN proiektuaren barnean. Azaro Fundazioa proiektu horren kide da.

Jardunaldia ESTIAK (TransferINN proiektuaren kidea) antolatutako 24 Ordu Berrikuntza ekimenean kokatuta dago, eta pasa den martxoaren 15 eta 16an ospatu zen FICOBA erakusketa zentroan (Irun, Frantzia-Espainia mugan).

Jardunaldi horretan lurraldearen alde bietako ikasleak eta enpresak bildu ziren, eginkizun  honekin: enpresak ikasleei aurkeztu dizkien Fabrikazio Aurreratuari buruzko erronkei irtenbidea aurkitzeko dinamikak gauzatzea. Helburua: 24 ordutan irtenbideak aurkitzea.

Horrekin antolatzaileek honako hauek lortu nahi dituzte:

• “Fabrikazio aurreratua” arloan adituak diren mugaz bestaldeko aktoreak (unibertsitateak, teknologia guneak, teknologian ezagutzak dituzten adituak edo enpresak) biltzea eta bilatzea.

• “Etorkizuneko industrian” interesatuta dauden enpresak (4.0 industrian garatzen hari diren enpresak edo berrikuntzak egin eta beraien ekintzetan aurreratutako prozesu horietako batzuk ezarri nahi dituzten “ohiko” enpresak) biltzea eta aurkitzea.

• Nueva Aquitania-Euskadi, Nafarroa eta Frantzia-Espainia-Andorra mugaz bestaldeko inguruko erakunde ugarien artean berrikuntza, transferentzia edo lankidetza berrien proiektuak gauzatzea

Ekimenak 400 ikasle/partaide bildu ditu. Horiek mugaz bestaldeko erakunde eta enpresek aurkeztutako 45-50 proiektu edo erronka gauzatzen lan egin dute. Horrela, topaketa Fabrikazio Aurreratuari buruzko jendaurreko areto txiki batetan bilakatu da.

* TransferINN Azaro Fundazioak zuzendutako Europako proiektu bat da. Beste bost Europako erakundek ere parte hartzen dute: Arrasateko Goi Eskola Politeknikoa, ESTIA (Ecole Supérieure des Technologies Industrielles Avancées), INSUP formation, Ariège Expansion, Perpignango Unibertsitatea eta Generalitat de Cataluñako Irakaskuntza Saila. Fondo Europeo de Desarrollo Regional (FEDER) erakundeak proiektuaren %65a finantzatu du, interreg V-A España-Francia-Andorra (POCTEFA 2014-2020) programaren bitartez. POCTEFAren helburua Espainia-Frantzia-Andorra muga inguruan ekonomia eta gizarte integrazioa indartzea da. Horretarako, mugaz bestaldeko ingurumen, ekonomia eta gizarte ekintzak garatzen dituzte, taldeko estrategien bidez, lurraldearen garapen jasangarriaren alde.

 

 

Lea-Artibaiko Emakume Ekintzaileen III.topaketa

Kontuz, leiho berrian zabalduko da PDF fitxategiaInprimatuE-posta

I 2019ko martxoa I

Martxoaren 14an, Azaro Fundazioak eta Leartibai Garapen Agentziak antolatuta III. Emakume Ekintzaileen Topaketa ospatu zen Markina-Xemeinen.

Aurtengo edizioan, Grupo Bentaseko Idoia Astui izan da gonbidatu berezia. Lea-Artibai Berrikuntza Gunean bildu ziren emakume ekintzaileek Astuik eskainitako hitzaldiaz gozatzeko aukera izan zuten. Formakuntza eta salmenta arloan eskarmentu handia duen emakume honek erosketa esperientzia eskaintzeko erabili behar diren tresna eta pausuak azaldu zituen. Zergatik aukeratu zure negozioa eta ez beste bat? Izan zen eskualdeko emakume ekintzaileek saioan zehar erantzun behar izan zuten galdera. Dinamika parte-hartzaile eta alai honi esker, ekintzaileek beraien esperientziak elkartrukatzeko giro aparta sortu zen Berrikuntza Gunean. 

Leartibai Garapen Agentzia eta Azaro Fundaziotik eskerrik beroena adierazi nahi diegu bertaratu ziren eskualdeko emakume ekintzaile guztiei. Eskerrik asko!

                   

 

JPAGE_CURRENT_OF_TOTAL

AGENDA

Azkeneko hilabetea Iraila 2019 Hurrengo hilabetea
A A A O O L I
week 35 1
week 36 2 3 4 5 6 7 8
week 37 9 10 11 12 13 14 15
week 38 16 17 18 19 20 21 22
week 39 23 24 25 26 27 28 29
week 40 30

Hurrengo Ekitaldiak

Ekitaldirik gabe