HARPIDETZA

Sare sozialak

BERRIAK

Azaro Fundazioak “Ekin pausoz pauso” ikastaroaren edizio berri bat antolatu du eskualdeko ekintzaileen eskaria asetzeko

Kontuz, leiho berrian zabalduko da PDF fitxategiaInprimatuE-posta

2018ko maiatza

Negozio ideia bat duten ekintzaileei zuzenduriko “Ekin pausoz pauso” ikastaroaren edizio berri bat antolatu du Azaro Fundazioak maiatzaren 29tik ekainaren 6ra.

Normalean ikastaro honen bi edizio egiten dira urtean, bat lehen seihilekoan eta bestea bigarrenean, baina aurten salbuespen bat egitea erabaki da eskualdeko ekintzaileen eskaria asetzeko. Maiatzaren 7tik 16ra ospatu zen edizioaren ostean, maiatzaren 29an hasi da bigarrena, enpresa martxan jarri nahi dutenek urte bukaerako ediziora itxaron behar ez izateko.

(Egin klik irudian gehiago jakiteko)

Izan ere, Markina Xemeingo Berrikuntza Gunean egiten den “Ekin pausoz pauso”ko parte hartzaileek enpresa-gestio arloko oinarrizko kontzeptuak lantzen dituzte, hala nola, arlo komertziala, arlo ekonomikoa, izaera juridiko ezberdinen ezaugarriak, sorrera tramiteak, lan arriskuen prebentzioa, ingurumena...

Gainera, ikastaroa egiterakoan Bizkaiko Foru Aldundiaren “langabezian eta baztertuak izateko arriskuan dauden pertsonei zuzenduriko diru-laguntza” eskatzeko aukera  ere zabaltzen zaie ekintzaileei. Halaber, formazioaz gain bakarkako aholkularitza ere jasotzen dute Azaro Fundazioaren eta Leartibai Garapen Agentziaren eskutik, beraien negozio ideien bideragarritasun planak lantzeko.

Aurtengo aldaketak argi erakusten duenez, ekintzailetzaren bideak gero eta arreta gehiago pizten du gure eskualdean.

 

Lea-Artibaiko garapen ekonomikoaren eredua aztergai Oñatin

Kontuz, leiho berrian zabalduko da PDF fitxategiaInprimatuE-posta

2018ko maiatza

Joan den maiatzaren 4an Gaindegiak (Euskal herriko ekonomia eta gizarte garapenerako behategiak) abian duen Udalbizi egitasmoaren baitanTokiko iraunkortasunaren eredu propio baterantz izeneko jardunaldia ospatu zen Oñatin (Gipuzkoa). Besteak beste, hautetsiei zuzendutako saio honetan Lea-Artibai eskualdeko garapen ekonomikoaren eredua izan zen aztergai. Azaro Fundazioko zuzendaria den Ainhoa Arrizubietak Lea-Artibaiko garapen ekonomikoaren gobernantza eredua zein den azaldu zuen, eta baita 2020ra begirako erronka estrategiko nagusiak zeintzuk diren.Horrez gain, enplegua sortzeko martxan jarri diren programa eta zerbitzuen berri ere eman zuen. Mahai ingurua EHU-ko Enekoitz Etxezarretak gidatu zuen eta Koopfabrikak ere parte hartu zuen.

 

Fabrikazio Aurreratuari buruzko bigarren jardunaldia: digitalizazioa

Kontuz, leiho berrian zabalduko da PDF fitxategiaInprimatuE-posta

2018ko maiatza

Ekainaren 8an TransferINN proiektuko Fabrikazio Aurreratuari buruzko bigarren jardunaldia ospatuko da Hernaniko Orona Ideo Campusean.  Oraingoan jardunaldia digitalizazioari buruzkoa izango da, eta enpresen eraldaketa digitalak eskaini ditzakeen aukera eta onurak landuko dira bertan.

Esan bezala, jardunaldi hau TransferINN proiektu europarraren baitan kokatzen da. Proiektu honetan mugaz gaindiko zazpi erakundek parte hartzen dute, eta bere helburu nagusia ezagutzaren transferentzian oinarritutako berrikuntza ekosistemak sortzea da.

Fabrikazio Aurreratua da hain zuzen ezagutzaren transferentzia hori gauzatzeko aukeratutako alorretako bat, eta baita Azaro Fundazioa MGEP eta ESTIArekin batera lantzen ari den gaia ere. Lan talde honen helburuetako bat lau jardunaldi tekniko antolatzea da, Fabrikazio Aurreratua ikuspuntu ezberdinetatik aztertzeko.

(Egin klik irudian jardunaldiaren programa ikusteko)

Lehen jardunaldia martxoaren 14an ospatu zen Lea-Artibai Berrikuntza Gunean, eta Fabrikazio Aurreratuaren testuinguru orokorra eta egungo egoera ezagutzera emateko balio izan zuen. Aurretik aipatu bezala, bigarren jardunaldia ekainaren 8an izango da eta digitalizazioa izango da hizpide, enpresa desberdinen praktika onak ezagutzeko aukera izango dugularik. Hirugarren jardunaldia (Fabrikazio Gehigarriari buruzkoa) urrian izango da ESTIA-n , eta azkena (negozio ereduei buruzkoa) 2019ko maiatzean.

Beraz, ekainaren 8an Orona Ideo Campusa jardunaldi interesgarri baten testigu izango da, non enpresa ezberdinek partekatuko dituzten esperientziei esker, digitalizazio prozesuari buruzko ikuspuntu zabalagoa lortu eta enpresa bati eskaini diezazkion onurei buruz informatu ahal izango dugun.

Animatu eta etorri!

Mesedez, konfirmatu asistentzia ekainaren 5a baino lehen email bidez (y Helbide elektroniko honek spam bot-en kontrako babesa du. Ikusteko Javascript-a aktibatu behar duzu ) edo telefono honetara deituta 94 616 91 72.

Proiektu hau %65ean kofinantzatu du Eskualde Gapenerako Europako Funtsak (EGEF), muga eremuko ekonomia eta gizarte integrazioa indartzea helburu duenInterreg V-A Espania-Frantzia-Andorra Programaren bitartez (POCTEFA 2014-2020).  Egitasmo honek eskaintzen duen laguntza lurralde garapen jasangarri baten aldeko estrategia bateratuen bitartez mugaz gaindiko ekonomia, gizarte eta ingurumen jarduerak garatzean datza.

 

ORHI proiektuko kideak Pauen batu dira 3. ekintzari hasiera emateko

Kontuz, leiho berrian zabalduko da PDF fitxategiaInprimatuE-posta

2018ko apirila

ORHI proiektu europarra % 65ean Eskualde Garapenerako Europako Funtsak (EGEF) finantzatuta dago eta Interreg V-A Espainia - Frantzia - Andorra (POCTEFA 2014-2020) programaren baitan gauzatuko da. Proiektua 2018ko urtarrilean hasi zen eta 2020ko abendura arte iraungo du.

ORHIk POCTEFAren mendebaldeko eremuan (Espainia-Frantzia-Andorra) enpresen arteko sinergiak garatuz nekazaritzako elikagaien industriari balioa eman nahi dio. Bere helburua Teknologia Berritzaileen eta Negozio Eredu berrien nazioarteko eta mugaz gaindiko identifikazioa da, enpresetan materia organiko eta plastiko fluxuen balio erantsiko erabilera berriak sustatu eta hauen baliatze eraginkorra bultzatu dezaten.

Apirilaren 10 eta 11an proiektuko kide guztiak Pauen batu ziren 3. ekintzari hasiera emateko helburuarekin. Ekintza hau agitazio metodologia batean formakuntza jasotzean datza, nekazaritza elikadura sektorean, enbalajean eta sektorearen industria osagarrietan emango diren ikastaroetan erabiltzeko.

Metodologia horrek sektoreko enpresen artean sinergiak identifikatzea ahalbidetuko du, enpresa parte hartzaileek dituzten hondakin eta gaitasunak identifikatu eta beste enpresa parte hartzaileren batek izan ditzakeen beharrekin gurutzatu edo lotuz.

Bestalde, momentu honetan Azaro Fundazioa lurraldearen karakterizazioan ari da lanean. Hori  dela eta sektoreko enpresa eta elkarteekin batuko da informazioa eta datuak jaso eta proiektuaren helburuei erantzuna emateko.

 

RETRACE proiektu europarrak bere bigarren faseari hasiera eman dio

Kontuz, leiho berrian zabalduko da PDF fitxategiaInprimatuE-posta

2018ko apirila

Nola ari da gertatzen Ekonomia Zirkularrerantz trantsizioa Europan? Ze garrantzia dauka horrek Europako Kohesio Politikaren baitan? Ze ideia eskaini dezakete Ekonomia Zirkularrarekin zerikusia daukaten politikak formulatzen eskualde mailan izandako esperientziek?

Hauek dira Bruselan ospatutako CIRCULAR REGIONS ON THE WAY - A vision on Cohesion Policy Beyond 2020 jardunaldian landu ziren galderetako batzuk, Politécnico di Torino-ko Arkitektura eta Diseinu Sailak Interreg Europe RETRACE proiektuaren baitan antolatutakoa. (Ekitaldi honi buruz gehiago jakiteko Euskadi Irratiko Vivir para ver irratsaioan egin genuen elkarrizketa entzun dezakezu).

Jardunaldi hau bereziki garrantzitsua izan zen RETRACE proiektuaren lehen nazioarteko dibulgazioa ekimena izan zelako, eta baita bere lehen fasearen bukaera ere. Orain, proiektuko kideak apirilaren 1ean hasi zuten bigarren fasean murgilduta daude jada.

Fase honetan garrantzitsuena kide bakoitzak idatzi duen Tokiko Akzio Planetan definitutako ekimenen inplementazioa eta jarraipena izango da. Horretarako politiketan modu errealean eragiten eta Ekonomia Zirkularreko proiektuak lantzen ahaleginduko dira, proiektu hauen ardatza elkarlan publiko-pribatua izango delarik.

Bere aldetik Azaro Fundazioak bi lan-ildo jarraituko ditu: herritarren eta inguru enpresarial zein publikoaren artean sentsibilizazio ekimenak egiten jarraitzea eta lurraldeko beste entitate batzuekin elkarlanean jasangarritasun eta zirkularitate ezaugarriak dituzten proiektuen traktore eta azeleratzaile papera hartzea.

RETRACE proiektuak Ekonomia Zirkularrerantz trantsizioa erraztuko duten tokiko politikak formulatzeko metodologia moduan Diseinu Sistemikoaren erabiltzea bultzatu nahi du eta EGEF-ek (Eskualde Garapenerako Europako Funtsak) finantzatuta dago Interreg Europa proiektuaren bidez

 

JPAGE_CURRENT_OF_TOTAL

AGENDA

Azkeneko hilabetea Urria 2018 Hurrengo hilabetea
A A A O O L I
week 40 1 2 3 4 5 6 7
week 41 8 9 10 11 12 13 14
week 42 15 16 17 18 19 20 21
week 43 22 23 24 25 26 27 28
week 44 29 30 31