HARPIDETZA

Sare sozialak

BERRIAK

“Innovation and Entrepreneurship Lab” ekimenaren bigarren edizioa bukatu da

Kontuz, leiho berrian zabalduko da PDF fitxategiaInprimatuE-posta

2018ko apirila

Lehen Job Lab programaren barruan kokatzen den “Innovation and Entrepreneurship Lab” atalaren  bigarren edizioa apirilaren 11an bukatu zen.

Lehen Job Lab programa Lea Artibai Ikastetxeak martxan jarritako programa bat da, Lea-Artibai eskualdeko eta inguruko langabetuen laneratzea hobetzeko helburua duena. Europako Gizarte Funtsaren finantzazio partekatuan 2014-2020 Gazte Enplegurako Programa Operatiboaren esparruan kokatzen da, eta hiru ekimenetan banatuta dago.

Horietako bat da hain zuzen “Innovation and entrepreneurship lab” deritzona. Bertan hautatutako pertsonak berrikuntza teknikari gisa beharrezkoak diren gaitasunetan trebatzen dira eta praktikak egiten dituzte enpresetan proiektu ezberdinak garatuz.

Bigarren edizio honetan lehenengoan baino parte hartzaile gehiago egon dira. Orain, praktikak amaitu eta bi astera, erdia baino gehiago lanean dago jada.

Ekaitz Solabarrieta Agorria dugu bigarren edizioko partaideetako bat, eta berarekin izan gara programa honen baitan bizitako gertuagotik ezagutzeko:

Zer ikasi zenuen edo zertan lan egin zenuen aurretik?

Telekomunikazio sistemak eta informatika aplikazioen garapena ikasi nuen. Aurretik informatika mantentze-lanetan eta aplikazioen tester bezala ibili naiz lanean.

Nolako esperientzia izan da "Innovation and Entrepreneurship Lab"?

Bi hilabetez kontzeptu teorikoak barneratzen egon ginen Lea-Artibai Berrikuntza Gunean eta ondoren ITS enpresan egon naiz praktika egiten. Ikasitakoa praktikan jartzeaz gain, beste hainbat lan ere egin ditut bertan. Lehenengo asteak lankideengandik ikasten egon nintzen, baina pixkanaka ni ere lanak egiten hasi nintzen, azkenean beraiek bezala lan egitera iritsi arte. Asko ikasi dut eta gustura egon naiz.

Ze egoeratan zaude orain?

Praktikak bukatu ostean urte beterako lan kontratua egin didate. Enpresan oso giro ona dago eta lana ere gustuko dut, beraz oso pozik nago.

Gomendatuko zenuke programa honetan parte hartzea?

Lan egin nahi duen edonori gomendatuko nioke. Gaur egun leku guztietan esperientzia eskatzen dizuete, eta askotan horixe da hain zuzen gazteoi falta zaiguna. Lehen job lab aukera ona da lan munduan murgiltzen hasteko.

 

 

TransferINN proiektu europarraren jarraipen bilera Perpignanen

Kontuz, leiho berrian zabalduko da PDF fitxategiaInprimatuE-posta

2018ko apirila

Muga eremuko ekonomia eta gizarte integrazioa hobetzea helburu duen eta EGEFk kofinantzatutako TransferINN proiektu europarrak Perpignan-en (Frantzia) bildu ditu oraingoan proiektuko kideak. Martxoaren 21, 22 eta 23an ospatu zen bilera honetan izan zen Azaro Fundazioa ere, eta proiektuaren lider gisa, aurreko seihilekoan (2017ko urria- 2018ko martxoa) lortutako adierazle eta aurrekontuen errepasoa egiteaz arduratu zen, hurrengo seihilekorako helburuak aurkezteaz gain.

Lehenengo eguna praktika onei zuzenduta egon zen. Hainbat enpresen kasuak ezagutu eta Perpignaneko unibertsitatean martxan jartzen ari diren enpresen inkubagailua ikusteko aukera izan zuten bazkideek. Hurrengo bi egunetan bakoitzak lantzen ari den gaiei buruzko aurkezpena egin zuen; Adimen Estrategiko Sistemak, Ingeniaritza Talde Integratuen formazioa, komunikazio plana, ziurtapen prozesua, gastu bateratuak eta nodoak, besteak beste. Topaketari amaiera emateko, hurrengo eman beharreko pausuak adostu zituzten eta hurrengo bilerarako data ezarri; 2018ko azaroan, Bidart-en (Frantzia).

Kontuan izan behar da proiektuaren fase honetan proiektuko kideak enpresekin berrikuntza sistematikak, planak edo proiektuak ezartzen hasiak direla. Gai honek garrantzi handia dauka proiektuaren baitan eta ezinbestekoa da bazkideek horrelako bileretan egiten ari direnaren beri ematea, gainerakoek ekarpenak egin ditzaten eta ideia berrientzako tartea egon dadin.

Horrez gain, bazkideek ez diote nodoetan lan egiteari utzi. Nodoak gai konkretuak lantzeko osatutako lan-taldeak dira, eta honako lau gaietan zentratu dira: Nekazaritza elikagaien industria, elikadura osasuntsua eta elikadura segurtasuna, ekoizpen aurreratua, eta IKT eta digitalizazioan ardaztutako turismoa. Azaro Fundazioa, Mondragon Goi Eskola Politeknikoarekin eta ESTIarekin batera, Fabrikazio Aurreratua lantzen ari da. Horretarako, hurrengo urte eta erdian zehar lau jardunaldi tekniko antolatuko dituzte, gai honen alderdi ezberdinak landu eta publikoari ezagutzera emateko. Lehen jardunaldia joan den martxoaren 14an ospatu zen Leartibai Berrikuntza Gunean, eta oso harrera ona izan zuen (informazio gehiagorako entzun Bizkaia Irratiko Lau Haizetara saioan egin ziguten elkarrizketa). Hurrengo jardunaldia aldiz, ekainaren 8an izango da Mondragon Unibertsitatean.

 
 

Azaro Fundazioa KoopFabrikak antolaturiko saio batean hizlari

Kontuz, leiho berrian zabalduko da PDF fitxategiaInprimatuE-posta

2018ko apirila

Azaro Fundazioak KoopFabrikak apirilaren 10ean Hernanin antolatu zuen formatzaileentzako jardunaldi batean parte hartu zuen hizlari moduan.

KoopFabrika ekintzailetasun soziala eta ekonomia sozial berria sustatzeko lankidetza programa bat da, izaera anitzeko eragileak saretzen dituena: Mondragon Unibertsitateko Lanki ikertegia, OlatuKoop sarea, Bagara, EHUko GEZKI Gizarte Ekonomia Zuzenbide Kooperatiboaren Institutua eta eskualde ezberdinetako udal eta garapen agentziak besteak beste.

Aipaturiko saioan interkooperazioaren inguruko esperientzia ezberdinak azaldu ziren, hala nola, Mondragonen interkooperazio esperientzia eta OlatuKoop sarearena.

Azaroren kasuan Lea-Artibai eskualdean eta bere ingurune hurbilean gizarte ekonomiako enpresen sorrera bultzatu eta gizarte ekonomiaren inguruko filosofia hedatzeko daukan egitasmoa aurkeztu zuen. Ekimen hau aurrera eramateko Kooperatiba Mahai Elkartearekin eta inguruko eskualdeetako sustapen eragileekin duen elkarlanaren garrantzia azpimarratu zen bereziki aurkezpenean zehar.

 

Fabrikazio Aurreratua izan zen gai nagusia Azaro Fundazioak TransferINN proiektu europarraren baitan antolatutako jardunaldian

Kontuz, leiho berrian zabalduko da PDF fitxategiaInprimatuE-posta

2018ko martxoa

Fabrikazio Aurreratua izan zen protagonista martxoaren 14an Lea-Artibai Berrikuntza Gunean ospatu zen jardunaldi teknikoan.“Fabrikazio Aurreratuari buruzko jardunaldi teknikoak” izenburupean Azaro Fundazioak antolatutako topaketa hau datorren urte eta erdian zehar ospatuko diren lau jardunaldietako lehena izan zen. TransfeINNproiektu europarraren baitan Azaro Fundazioak, Mondragon Goi Eskola Politeknikoaketa ESTIAk Fabrikazio Aurreratuaren inguruan sortu duten nodoaren ekimen bat da hau.

Ainhoa Arrizubieta, Azaro Fundazioko zuzendaria izan zen jardunaldiari hasiera emateko arduraduna eta TransferINN1 proiektu europarraren aurkezpenarekin hasi zuen saioa. Proiektu honen helburua unibertsitateetan, formazio zentroetan, zentro teknologikoetan... eskura dagoen ezagutza Enpesa Txiki eta Ertainei (ETE) eta ekintzaileei transferitzea ahalbidetuko duen mugaz bestaldeko berrikuntza ekosistema indartzea da. Egitasmo honen baitan gauzatu diren ekintzetako bat mugaz bestaldeko berrikuntza eta transferentzia nodoen sorrera izan da, eta horixe izan da justu ere, Lea-Artibaiko Berrikuntza Gunea atzo fabrikazio aurreratuan interesa duten enpresen topaleku bilakatzeko arrazoia.

Jardunaldian parte hartu zuten hizlariek fabrikazio aurreratuaren aukerak eta industrian duen garrantzia aztertu zituzten ikuspuntu eta esperientzia ezberdinak elkarbanatzen zituzten bitartean. Hauek izan ziren jardunaldian entzuteko aukera izan genuen hizlariak; Marc Moulín (Akitania-Euskadi-Nafarroa Euroeskualdeko Zuzendaria) José María Borda (Sisteplant enpresako Zuzendaria), Urko Zurutuza (Mondragon Unibertsitateako Datuen Analisiak eta Zibersegurtasuna Ikerketa Taldeko Koordinatzailea), Iván Tabernero (ADDILAN), Lander Galdos (Mondragon Unibertsitatea, SERVO-4.0) eta Olivier Larre (ESTIA, ADDIMADOUR).

Bukatzeko, jardunaldian zehar parte hartu zuten hizlariekin mahainguru bat ospatu zen eta Olga Irastorza (Bihartean Euskal Herriko Mugaz Gaindiko Merkataritza Ganberaren Arduraduna) ibili zen moderatzaile lanetan.

Fabrikazio Aurreratuak eskaintzen dituen aukerak eztabaidatu ziren mahai horretatik ateratako ondorioak hauxek izan ziren:

• Aurrerapauso handiak ematen ari bagara ere, Euskadin 4.0 Industriatik urrun gaude. Hala ere, aurrera egiteko bidea dago eta horretarako gaitasuna, gogoa eta egiteko modua ditugu.

• Elkarlan horizontala burutu behar da eta enpresa traktoreak ETEekin lan egitera behartu behar dira hauei aurrera egiten laguntzeko.

• Prestakuntza ezinbestekoa da 4.0 Industria garatzeko. Arazoa, kontzientziara heltzean datza, aldaketa kultural bat behar da.

• Teknologia eta berrikuntza beharrezkoak dira, baina prestakuntza gehiago behar da; bideratutako prestakuntza gehiago; enpresekin batera burututako prestakuntza gehiago... Eta jendea/gizartea fabrikazio aurreraturantz erakarri behar da.

-------

[1]TRANSFERINN: Azaro Fundazioak zuzentzen duen eta Europako beste sei erakunderekin batera parte hartzen duen proiektu europar bat da: Mondragon Goi Eskola Politeknikoa, ESTIA (Ecole Supérieure des technologies Industrielles Avancées), INSUP formation, Ariège Expansion, Perpignan-eko unibertsitatea eta Kataluniako Generalitateko Irakaskuntza Saila. Proiektu hau %65ean kofinantzatu du Eskualde Gapenerako Europako Funtsak (EGEF), muga eremuko ekonomia eta gizarte integrazioa indartzea helburu duenInterreg V-A Espania-Frantzia-Andorra Programaren bitartez (POCTEFA 2014-2020).  Egitasmo honek eskaintzen duen laguntza lurralde garapen jasangarri baten aldeko estrategia bateratuen bitartez mugaz gaindiko ekonomia, gizarte eta ingurumen jarduerak garatzean datza.

 

Retrace proiektuaren lehen nazioarteko difusio jardunaldian izan gara Bruselan.

Kontuz, leiho berrian zabalduko da PDF fitxategiaInprimatuE-posta

2018ko martxoa

Retrace proiektuaren lehen fasea bukatzear da, eta bi urte hauetako emaitzak erakusteko helburuarekin martxoaren 22an nazioarteko difusio jardunaldia antolatu zen Bruselan. Ekimenak egun osoko egitaraua izan zuen, bi saiotan banatuta. Goizeko saioa Retraceko kideei zuzenduta egon zen, eta arratsaldekoa aldiz, publiko guztiarentzat irekita egon zen.

Goizeko saioan, Retraceko emaitzen inguruan hitz egin zen, batez ere lurralde bakoitzean landu diren Ekintza Planen inguruan.

Arratsaldean bestalde “Ekonomia Zirkularra, Europear Batasuneko lurraldeak moldeatzen”  izenburudun konferentzia izan zen ekintza esanguratsuena. Horren ostean, mahai-inguru bat egin zen, “Politiken bide-orria Europa Zirkularrerantzgaia landuz.

Ekimen honek politikariak, agintariak, politikak definitzeko arduradunak, Europar Batasuneko ordezkariak, garapen agentziak eta Ekonomia Zirkularra sustatzeko interesa duten enpresak bildu zituen, eta benetan interesgarria eta arrakastatsua izan zen.

(Argazkia Politecnico Torino)

 

JPAGE_CURRENT_OF_TOTAL

AGENDA

Azkeneko hilabetea Abuztua 2018 Hurrengo hilabetea
A A A O O L I
week 31 1 2 3 4 5
week 32 6 7 8 9 10 11 12
week 33 13 14 15 16 17 18 19
week 34 20 21 22 23 24 25 26
week 35 27 28 29 30 31