HARPIDETZA

Sare sozialak

BERRIAK

NESI EUSKADI Azaro Fundazioaren egoitzan

Kontuz, leiho berrian zabalduko da PDF fitxategiaInprimatuE-posta

I Urtarrila 2019 I 

Urtarrilaren 17an NESI Euskadi sarea Azaro Fundazioaren egoitzan izan zen, Markina-Xemeinen. NESI Euskadi, NESI-Local Hubs nazioarteko sareko partaidea da eta euskal erakundeen arteko elkarlan eta berrikuntza lokarri gisa lan egiten du, pertsonen eta planetaren zerbitzura dagoen eredu ekonomiko baterantz bideratutako transformazio baten alde.

Azaro Fundazioa 2018tik NESI sareko kide da eta bere helburua ekonomia berrietara bideratutako proiektuak bultzatzea da, parte hartzen duten erakundeekin elkarlana eta elkarbanatzea sustatuz, eta ekonomia zirkularraren arloa lehenetsiz.

Azaro Fundazioaren egoitzan egin zen topaketan jorratu ziren gaietako batzuk hauek izan ziren: NESI Euskadiren webgune berria, SC/048 Europako Txostenaren aurkezpena Euskadin, Ekonomia Berriak, Berrikuntza Soziala eta Aldaketari buruzko foroa, Ekonomia Berriak Euskadi 2030 Agendarako erreminta gisa eta etorkizunera begira garrantzia nabarmena eskuratzen ari diren kontsumitzaile eta ekonomia berriak.

NESI Euskaditik datorren apirilaren 24, 25 eta 26an Malagan ospatuko den NESI Forum 2019 ekimenean aktiboki parte hartzeko gonbidapena egiten zaie ekonomia berrien inguruan lan egin nahi duten erakundeei. Hitzordu hau, aurreko (eta lehenengo) edizioan bezalako arrakastatsua izatea espero da, munduko 43 herrialde ezberdinetako 700 pertsonatik gora bildu bait zituen lehenengo edizioak.

 

Eusko Jaurlaritzak ezagutzaren belaunaldi arteko transferentziarako Azaro Fundazioak aurkeztutako proiektua lagunduko du

Kontuz, leiho berrian zabalduko da PDF fitxategiaInprimatuE-posta

I Urtarrila 2019 I 

Proiektu honen bitartez Azaro Fundazioak belaunaldi arteko eta profesionalen arteko ezagutzaren transferentzia ahalbidetu eta erraztea du helburu, Lea-Artibai eskualdeko agente, erakunde eta talde ezberdinen artean.

Horretarako espazio eta momentu berriak sortuko dira gazteek belaunaldi, arlo, profil, esperientzia, bizipen… ezberdinak izan dituzten pertsonekin elkar eragiteko aukera izan dezaten. Modu honetan maila ezberdinetako ezagutza bultzatzea ahalbidetuko duen ikasketa truke bat sortuko da, batez ere, harreman eta bizipenetatik ikasteko baliagarria izango dena.

 

Azaro Fundazioak RETRACE proiektu europarraren bitartez Ekonomia Zirkularraren aldeko apustua berresten jarraitzen du

Kontuz, leiho berrian zabalduko da PDF fitxategiaInprimatuE-posta

2018ko abendua

Azaro Fundazioa RETRACE (Regions Transitions towards a Circular Economy) proiektu europarrean parte hartzen duten 7 kideetako bat da.  Interreg Europe programaren baitan kokatzen den proiektu honen iraupena 4 urtekoa da (2016-2020) eta Diseinu Sistemikoan oinarritzen da, toki zein herrialde politikei Ekonomia Zirkularrerantz zuzentzea erraztuko dien metodo gisa. Bere helburua Diseinu Sistemikoan oinarritzen diren Ekonomia Zirkularreko proiektuak martxan jartzea erraztea da. Ekonomia Zirkularrak baliabideak, hondakinak eta erabilera energetikoaren erabilera murriztearen aldeko apustua egiten du.

El proyecto está actualmente en su segunda fase y los socios continuan trabajando para sacar adelante sus objetivos. Así, a lo largo de estos dos últimos años han sido muchas las acciones realizadas dentro de este proyecto cofinanciado por los fondos FEDER. Visitas de campo a diferentes territorios europeos para conocer las experiencias relacionadas con la economía circular y el diseño sistémico (good practices), reuniones para difundir este método entre las empresas interesadas de cada territorio (stakeholder meetings) y la elaboración de 3 publicaciones que recopilan los resultados obtenidos en el proyecto.

Proiektua momentu honetan bigarren fasean murgilduta dago eta kideak zehaztutako helburuak aurrera ateratzeko lanean dihardute etengabe. Azken bi urte hauetan hainbat ekintza burutu dituzte EGEFk kofinantzatutako proiektu honen baitan; ekonomia zirkularra eta diseinu sistemikoan oinarritutako esperientziak ezagutzeko Europako herrialde ezberdinetara egindako tokiko bisitak (good practices), lurralde bakoitzean interesa duten enpresen artean metodo hau zabaltzeko burututako bilerak (stakeholder meetings) eta proiektuan lortutako emaitzak biltzen dituzten hiru argitalpenak.

 

 

 

 

Emakumeen eta gizonen berdintasunerako i. plana landu dute azaro fundazioan

Kontuz, leiho berrian zabalduko da PDF fitxategiaInprimatuE-posta

2018ko abendua

Azaro Fundazioan, gizartearekiko konpromiso zuzen eta argia dute. Garapen jasangarriaren aldeko erakundea da eta baita pertsonen berdintasunaren aldekoa ere. Hori dela eta, azken urteetan, ahalegin berezia egin da, kanpo-jardueran genero-ikuspegia txertatzen hasteko eta emakumeen eta gizonen berdintasunaren alde euren alea ipintzeko. Horrela, emakumeen eta gizonen berdintasuna sustatzea helburu duten berariazko programak sortu dira (horren adibide da EMEekin eskualdeko emakume langabeei zuzendutako trebakuntza programa) eta zeharkako programetan genero-ikuspegia aintzat hartzen hasi dira. 

2018an, berdintasunerako politikak modu sistematiko eta antolatuagoan lantzeko urratsak eman dituzte. Horretarako, Elhuyar Aholkularitza, Emakunderen erakunde laguntzailea, izan dute bidelagun. Egitasmoak Emakunde-Emakumearen Euskal Erakundearen finantziazioa izan du.

Helburu horrekin, barne mailako egoera aztertu eta kanpo-jardueraren diagnostikoa landu dute. Diagnostikoa osatzeko, langileen parte-hartzea oso garrantzitsua izan da, datu kuantitatiboez haratago, langileek gaiarekiko dituzten iritziak eta pertzepzioak ezagutu eta jaso dituzte. Ondoren, eta diagnostikoaren ondorioetan oinarrituta, Berdintasunerako I. Plana diseinatu dute hurrengo 4 urteetarako, 2019-2022.

 I. Planak bi eragite-esparru nagusi jasotzen ditu:

·       Barrura begira: helburua da erakundean lan egiten duen lantaldea indartzea, langileen asebetetzea hobetzea eta elkarren arteko bizikidetza tratu onean oinarritzea.

·       Kanpora begira: helburua berdintasuna zeharkakotasunez lantzea da, eguneroko lanean genero-berdintasuna kontuan hartuz, bezero eta kanpo erakundeekiko harremana berdintasunean   oinarrituz, kanpo-irudia eta kalitatea hobetuz…

Urtarriletik aurrera, beraz, Emakumeen eta Gizonen I. Berdintasunerako Plana garatzen hasteko lanak abiatuko dituzte.


         

 

                                                                              

 

                                                         

 

JPAGE_CURRENT_OF_TOTAL

AGENDA

Azkeneko hilabetea Uztaila 2019 Hurrengo hilabetea
A A A O O L I
week 27 1 2 3 4 5 6 7
week 28 8 9 10 11 12 13 14
week 29 15 16 17 18 19 20 21
week 30 22 23 24 25 26 27 28
week 31 29 30 31