HARPIDETZA

Sare sozialak

BERRIAK

Lea-Artibaiko XII. Enpresa Proiektu Lehiaketan izena emateko epea zabalik

Kontuz, leiho berrian zabalduko da PDF fitxategiaInprimatuE-posta

2018ko maiatza

Azaro Fundazioa eta Leartibai Garapen Agentzia Lea-Artibai eskualdearen garapenarekin konprometituriko erakundeak dira, enpresa berrien sorrera beraien misioaren parte delarik.

Horregatik, eta ekintzailetza kultura hedatu asmoz, Lea-Artibaiko XII. Enpresa Proiektu Lehiaketa jarri dute abian. Aurtengo lehiaketara 2017 urteaz geroztik Lea-Artibai eskualdean enpresa berri bat martxan jarri duten ekintzaileak edo 2018an martxan jartzeko asmoa dutenak aurkeztu ahalko dira. Enpresa proiektu kooperatiboei dagokienez berriz, Lea-Artibai eskualdean kokaturikoez gain Busturialdea, Durangaldea eta Debabarrenean kokatutakoak ere parte hartu ahalko dute.

(Egin klin irudian gehiago jakiteko)

Aurten modalitate ezberdinak egongo dira eta kasu bakoitzean ondorengo sariak egongo dira:

1. Negozio ideia berritzaileenari: 2.000 €

2. Merkataritza / ostalaritza / turismo / zerbitzu negozio ideia onenari: 1.500 €

3. Emakume ekintzaileari: 750 euro

4. Negozio ideia jasangarrienari: 750 euro

5. Kooperatiba proiektu onenari: 2.000 euro

Sari hauek ez dira beraien artean bateragarriak izango, hau da, enpresa bakarrak ezin izango ditu bi sari ezberdin jaso.

Enpresa proiektua martxan jarri eta garatzeko laguntza ekonomikoaz gain, irabazleek ondorengo onurak ere izango dituzte:

• Lea-Artibai Berrikuntza Gunean dagoen Enpresa Haztegian kokatzeko erraztasunak.

• Enpresa martxan jarri arte eta ondorengo urteetan aholkularitza eta laguntza erakunde antolatzaileen eskutik.

Proiektuak aurkezteko epea ekainaren 29ra arte egongo da zabalik. Irabazleen izenak berriz, irailaren 22an Ispasterren ospatuko den Ekintzaile Egunean egingo den sari banaketa ekitaldian emango dira ezagutzera.

Lehiaketaren inguruko informazio zabalagoa eta inskripzio orria gure webgunean (www.azarofundazioa.com) duzue ikusgai.

 

Ekonomia Zirkularra, etorkizuna duen estrategia

Kontuz, leiho berrian zabalduko da PDF fitxategiaInprimatuE-posta

2018ko maiatza

Ekonomia Zirkularra garapen iraunkorraren alde egiten duen eredu ekonomikoa da, ekoizpen zikloa itxi eta hondakinei bizi edo erabilera berri bat ematean oinarritzen dena. Gainera, ezinbesteko eragilea bilakatzen ari da enpresa lehiakortasunerako. Duela 6 urte, Azaro Fundazioak eredu ekonomiko honen aldeko apustua egitea erabaki zuen, eta ordutik proiektu ezberdinak landu ditu gai honen inguruko praktika onak eta teknologia bildu, eta gure eskualdean zabaltzeko helburuarekin. Horren adierazle dira, newsletter honetan hainbat aldiz protagonista izan diren RETRACE eta ORHI bezalako proiektu europarrak.

Momentu hartan Azaro Fundazioak egin zuen apustua berretsi egin dute erakundeek, Ekonomia Zirkularra geroz eta presentzia gehiago hartzen ari baita Euskadiko agenda ekonomikoan. Donostiako Kursaal Jauregian ospatutako “Circular Thinking” jardunaldi teknikoa da horren adibide. Bertan, Eusko Jaurlaritzak “Euskadiko Ekonomia Zirkular adierazleak 2018” diagnostikoa aurkeztu zuen Iñaki Arriola Ingurumen, Lurralde Plangintza eta Etxebizitza sailburuaren eta Elena Moreno Ingurumen sailburuordearen eskutik.

Diagnostiko hau Europar Batasunak definitutako metodologiari jarraituz egin da, eta Euskadi izan da gai honen inguruko informazio guztia bildu duen Europako lehen lurraldea. “Euskadiko 2030 Ekonomia Zirkular Estrategia” ezartzeko lehen pausoa ere izan da.

ORHI proiektua Foodtech eta Hispack azoketan

Maiatzaren 8tik 11ra Azaro Fundazioa, eta bera bezala ORHI proiektuko kide den AIN, Foodtech eta Hispack azoketan izan ziren, bertan, bilgarriratze makineria eta enbalatze pabiloiak eta jasangarritasunari eskainitako espazioa bisitatu zituzten.

Ateratako ondorio garrantzitsuenek nekazaritza elikagaien industriako hondakinen birbalorizazioarekin daukate zerikusia, hau da, egun output edo hondakina den materia organikoa (arto bizarrak, azukre kanaberak, hondakin hortofrutikolak…) produktu biodegradagarri bilakatzea. Horren adibide dira EGEFek finantzatutako BIOVEGE proiektuko baratxuri zein lekentzako sare biodegradagarriak, edo baita biodregadagarri bihurtutako platerak edo sardexkak bezalako kontsumo gaiak ere. Horrela, sektore berdina berrelikatzea lortzen da.

Aipagarria da baita ere enbalaje edo elikagaien bilgarriratzean kartoiak daukan garrantzia, hasi kartonajetik eta kartoizko paletera. Hala ere, plastiko eta film biodegradagarriak erabiltzea da sektorearen joera.

Bisita honen helburua praktika onak eta teknologiak identifikatzea izan zen, gero ORHI proiektuko ikastaroen bidez sektorera transferitzeko.

ORHI proiektu europarra % 65ean Eskualde Garapenerako Europako Funtsak (EGEF) finantzatuta dago eta Interreg V-A Espainia - Frantzia - Andorra (POCTEFA 2014-2020) programaren baitan gauzatuko da. Proiektua 2018ko urtarrilean hasi zen eta 2020ko abendura arte iraungo du.

 

Azaro Fundazioak “Ekin pausoz pauso” ikastaroaren edizio berri bat antolatu du eskualdeko ekintzaileen eskaria asetzeko

Kontuz, leiho berrian zabalduko da PDF fitxategiaInprimatuE-posta

2018ko maiatza

Negozio ideia bat duten ekintzaileei zuzenduriko “Ekin pausoz pauso” ikastaroaren edizio berri bat antolatu du Azaro Fundazioak maiatzaren 29tik ekainaren 6ra.

Normalean ikastaro honen bi edizio egiten dira urtean, bat lehen seihilekoan eta bestea bigarrenean, baina aurten salbuespen bat egitea erabaki da eskualdeko ekintzaileen eskaria asetzeko. Maiatzaren 7tik 16ra ospatu zen edizioaren ostean, maiatzaren 29an hasi da bigarrena, enpresa martxan jarri nahi dutenek urte bukaerako ediziora itxaron behar ez izateko.

(Egin klik irudian gehiago jakiteko)

Izan ere, Markina Xemeingo Berrikuntza Gunean egiten den “Ekin pausoz pauso”ko parte hartzaileek enpresa-gestio arloko oinarrizko kontzeptuak lantzen dituzte, hala nola, arlo komertziala, arlo ekonomikoa, izaera juridiko ezberdinen ezaugarriak, sorrera tramiteak, lan arriskuen prebentzioa, ingurumena...

Gainera, ikastaroa egiterakoan Bizkaiko Foru Aldundiaren “langabezian eta baztertuak izateko arriskuan dauden pertsonei zuzenduriko diru-laguntza” eskatzeko aukera  ere zabaltzen zaie ekintzaileei. Halaber, formazioaz gain bakarkako aholkularitza ere jasotzen dute Azaro Fundazioaren eta Leartibai Garapen Agentziaren eskutik, beraien negozio ideien bideragarritasun planak lantzeko.

Aurtengo aldaketak argi erakusten duenez, ekintzailetzaren bideak gero eta arreta gehiago pizten du gure eskualdean.

 

Lea-Artibaiko garapen ekonomikoaren eredua aztergai Oñatin

Kontuz, leiho berrian zabalduko da PDF fitxategiaInprimatuE-posta

2018ko maiatza

Joan den maiatzaren 4an Gaindegiak (Euskal herriko ekonomia eta gizarte garapenerako behategiak) abian duen Udalbizi egitasmoaren baitanTokiko iraunkortasunaren eredu propio baterantz izeneko jardunaldia ospatu zen Oñatin (Gipuzkoa). Besteak beste, hautetsiei zuzendutako saio honetan Lea-Artibai eskualdeko garapen ekonomikoaren eredua izan zen aztergai. Azaro Fundazioko zuzendaria den Ainhoa Arrizubietak Lea-Artibaiko garapen ekonomikoaren gobernantza eredua zein den azaldu zuen, eta baita 2020ra begirako erronka estrategiko nagusiak zeintzuk diren.Horrez gain, enplegua sortzeko martxan jarri diren programa eta zerbitzuen berri ere eman zuen. Mahai ingurua EHU-ko Enekoitz Etxezarretak gidatu zuen eta Koopfabrikak ere parte hartu zuen.

 

Fabrikazio Aurreratuari buruzko bigarren jardunaldia: digitalizazioa

Kontuz, leiho berrian zabalduko da PDF fitxategiaInprimatuE-posta

2018ko maiatza

Ekainaren 8an TransferINN proiektuko Fabrikazio Aurreratuari buruzko bigarren jardunaldia ospatuko da Hernaniko Orona Ideo Campusean.  Oraingoan jardunaldia digitalizazioari buruzkoa izango da, eta enpresen eraldaketa digitalak eskaini ditzakeen aukera eta onurak landuko dira bertan.

Esan bezala, jardunaldi hau TransferINN proiektu europarraren baitan kokatzen da. Proiektu honetan mugaz gaindiko zazpi erakundek parte hartzen dute, eta bere helburu nagusia ezagutzaren transferentzian oinarritutako berrikuntza ekosistemak sortzea da.

Fabrikazio Aurreratua da hain zuzen ezagutzaren transferentzia hori gauzatzeko aukeratutako alorretako bat, eta baita Azaro Fundazioa MGEP eta ESTIArekin batera lantzen ari den gaia ere. Lan talde honen helburuetako bat lau jardunaldi tekniko antolatzea da, Fabrikazio Aurreratua ikuspuntu ezberdinetatik aztertzeko.

(Egin klik irudian jardunaldiaren programa ikusteko)

Lehen jardunaldia martxoaren 14an ospatu zen Lea-Artibai Berrikuntza Gunean, eta Fabrikazio Aurreratuaren testuinguru orokorra eta egungo egoera ezagutzera emateko balio izan zuen. Aurretik aipatu bezala, bigarren jardunaldia ekainaren 8an izango da eta digitalizazioa izango da hizpide, enpresa desberdinen praktika onak ezagutzeko aukera izango dugularik. Hirugarren jardunaldia (Fabrikazio Gehigarriari buruzkoa) urrian izango da ESTIA-n , eta azkena (negozio ereduei buruzkoa) 2019ko maiatzean.

Beraz, ekainaren 8an Orona Ideo Campusa jardunaldi interesgarri baten testigu izango da, non enpresa ezberdinek partekatuko dituzten esperientziei esker, digitalizazio prozesuari buruzko ikuspuntu zabalagoa lortu eta enpresa bati eskaini diezazkion onurei buruz informatu ahal izango dugun.

Animatu eta etorri!

Mesedez, konfirmatu asistentzia ekainaren 5a baino lehen email bidez (y Helbide elektroniko honek spam bot-en kontrako babesa du. Ikusteko Javascript-a aktibatu behar duzu ) edo telefono honetara deituta 94 616 91 72.

Proiektu hau %65ean kofinantzatu du Eskualde Gapenerako Europako Funtsak (EGEF), muga eremuko ekonomia eta gizarte integrazioa indartzea helburu duenInterreg V-A Espania-Frantzia-Andorra Programaren bitartez (POCTEFA 2014-2020).  Egitasmo honek eskaintzen duen laguntza lurralde garapen jasangarri baten aldeko estrategia bateratuen bitartez mugaz gaindiko ekonomia, gizarte eta ingurumen jarduerak garatzean datza.

 

JPAGE_CURRENT_OF_TOTAL

AGENDA

Azkeneko hilabetea Abendua 2018 Hurrengo hilabetea
A A A O O L I
week 48 1 2
week 49 3 4 5 6 7 8 9
week 50 10 11 12 13 14 15 16
week 51 17 18 19 20 21 22 23
week 52 24 25 26 27 28 29 30
week 1 31

Hurrengo Ekitaldiak

2018 azaroak 15
Visio biltzarra 2018