HARPIDETZA

Sare sozialak

BERRIAK

Lea-Artibaiko Enpresa Proiektu Lehiaketaren hamalaugarren edizioa

Kontuz, leiho berrian zabalduko da PDF fitxategiaInprimatuE-posta

I 2020ko martxoa I

Azaro Fundazioa eta Leartibai Garapen Agentzia-Behargintza enplegu eta tokiko garapenerako zentroak, urtero antolatzen duten Lea-Artibaiko Enpresa Proiektu Lehiaketaren 14. edizioa abiarazi dute. Bizkaiko Foru Aldundia eta Lea-Artibai eta Busturialdeko Kooperatiben Mahaia Elkartearen laguntzarekin antolatutako lehiaketa honetara proiektuak aurkezteko azken eguna martxoaren 31 izango da.

Lehiaketara, 2019 urteaz geroztik Lea-Artibai eskualdean enpresa berri bat martxan jarrita edo 2020an martxan jartzeko asmoa duten ekintzaile guztiak aurkeztu daitezke. Enpresa proiektu kooperatiboei dagokionez, Lea-Artibai eskualdean kokaturikoez gain, Busturialdea, Durangaldea eta Debabarrenean kokatutakoak ere aurkeztu ahalko dira.

Ekintzaileen ahalegina eta lana saritzea, eta Lea-Artibai eskualdean lanpostuak sortzea helburu duen ekimen honek hiru modalitate bereizten ditu edizio honetan:

          - Negozio ideia berritzaileak. 2.000€-ko sariarekin.

          - Merkataritza, ostalaritza, turismo eta zerbitzu enpresak. 1.500€-ko sariarekin.

          - Kooperatiba izaera juridikoa duten enpresak aurkeztutako proiektu onena (bere jarduera edozein izanik).

            Oharra: sariak ez dira beraien artean bateragarriak izango.

Saria eskuratzen duten ekintzaileek Lea-Artibai Berrikuntza Gunean dagoen enpresa-haztegian kokatzeko erraztasunak izateaz gain, erakunde antolatzaileek kudeatzen dituzten programa ezberdinetan parte hatzeko aukera izango dute. Gainera, enpresa martxan jarri arte eta ondorengo urteetan aholkularitza eta laguntza ere jasoko dute.

Sari banaketa maiatzaren 7an* izango da Markina-Xemeinen ospatuko den Lea-Artibaiko Ekintzaile Egunaren baitan antolatuko diren ekimenekin batera.

Edizio honetan gainera, herritarrek enpresa proiektu onena bozkatzeko aukera izango dute. Antolatzaileek beraien sare sozialen bitartez lehiaketara aurkezten diren proiektuekin erlazionatutako argazki eta proiektu/jardueraren azalpen laburrak argitaratuko dituzte. Apirilaren 6tik 26ra bozketan parte hartzen duten herritarren artean “Hamen Bertokoa” otzara bat zozketatuko da.

Lehiaketan parte hartzeko interesa duten guztiek inskripzio-orria eta lehiaketaren oinarriak eskuragarri izango dituzte Azaro Fundazioa eta Leartibai Garapen Agentzia-Behargintzaren webguneetan / www.azarofundazioa.com / www.leartibai.com /

Lea-Artibai eskualdearen garapenarekin konprometituriko bi erakunde hauek beraien misioaren baitan jasota dute enpresa berrien sorreraren alde lan egitea, eta ekimen honekin, ekintzailetza kultura hedatzeko eta enpresekin erlazionatutako ekimen berriak sustatzeko ahalegin berezia ere egiten dute. Horrela, bere edizio guztietan 200 proiektutik gora aurkeztu dira lehiaketara eta inoiz ez da saririk esleitu gabe gelditu. Guztira, 38 proiektu saritu dira eta 80.000€ banatu dituzte erakundeok sarietan.

* Data hau mantentzea erabaki dugun arren,  momentu honetan COVID 19a dela eta, bizi dugun egoera aldakorra kontutan hartuta, baliteke Lea-Artibaiko Ekintzaile Eguna beste egun batera pasatzea. Horrela balitz, erabakia hartu bezain laster jakinaraziko da.

Antolatzaileak:

 

Laguntzailea:

 

 

 

 

Ekimen honek Bizkaiko Foru Aldundiko Enplegua, Gizarte inklusioa eta Berdintasuna sustatzeko saileko Behargintza programaren laguntza jaso du.


 

Emakume Ekintzaileen IV. Topaketa

Kontuz, leiho berrian zabalduko da PDF fitxategiaInprimatuE-posta

I 2020ko martxoa I

Martxoaren 9an, Leartibai Garapen Agentziak eta Azaro Fundazioak elkarlanean antolatutako Emakume Ekintzaileen IV. Topaketa ospatu zen. Eskualdeko emakume ekintzaileak Markina- Xemeingo Uhagon Kulturgunean bildu ziren, Miren Lauzirikaren eskutik kafe-hitzaldi aberasgarri baten parte hartzeko.

Miren Lauzirikak, EmakumeEkin erakundeko partaideak, emakume ekintzaileen kanpo eta barne arazo nagusiei buruz hitz egin zien, eta denen artean horien konponbideak zeintzuk izan daitezkeen identifikatzen saiatu ziren. Hitzaldiari amaiera emateko, ekintzaile izanda norbere burua zaintzeko gakoen inguruko solasaldia egin zuten.

Oso balorazio positiboa izan zuen topaketak parte-hartzaileen artean, eta honelako ekintzek beraien jardunean jarraitzeko bultzada positiboa ematen dietela azpimarratu zuten.

 

 

 

 

 

Basque Ecodesign Meeting 2020

Kontuz, leiho berrian zabalduko da PDF fitxategiaInprimatuE-posta

I 2020ko martxoa I

Azaro Fundazioa Basque Ecodesign Meeting ekitaldian egon zen, Euskalduna Jauregian ospatu zena otsailaren 26tik 28ra bitartean. Ekitaldian lehen mailako nazioko eta nazioarteko hizlariak egon ziren: horien artean, Elisa Tonda, NBE Ingurumeneko Programaren Kontsumo eta Ekoizpen Iraunkorreko Unitateko burua eta Janez Potocnik, Nazio Batuen Nazioarteko Baliabideen Mahaiko Lehendakaria, besteak beste.

Orokorrean, landutako gai nagusiak hauek izan ziren: Itun Berdea eta Ekodiseinuaren Direktiba berria eta pasa den urrian onartutako neurriak. Ihoberen (Eusko Jaurlaritza) esanetan, Euskadi ekodiseinatutako produktu eta zerbitzuen liderra da; Espainiako ziurtagirien erdia baino gehiago, % 54, euskal enpresei dagokie. Hala ere, hobetzeko aukera dago. Egin berri den ikerketa batek, EBren metodologiaren arabera, euskal industrian ekonomia zirkularra gehiago ezartzeak lehengaien kontsumoa % 6an murriztuko luke eta aurrezpen ekonomikoa 2.000 milioi eurotakoa izango litzateke.

Lehenbiziko jardunaldian, Marc Vidal, idazlea eta analista, iraultza digitalean eta 4.0 industriaren aukeretan ardaztu zen, non bere hausnarketa batzuk jaso ahal izan ziren: “ez dira gauza bera digitalizatzea eta digitalizazioaren inguruan eraldatzea” edo “garrantzitsuena ez da datuak (data) informazio bihurtzea baizik eta horiek ezagutzan (giza ezagutzan) bilakatzea”. Negozio berriei dagokienez, Marc Vidalek galdera bat planteatu zuen enpresa guztientzat: “Nola salduko zara?”, non teknologian oinarritutako serbitizazioa jarraitu beharreko estrategietako bat den.

Azkeneko egunean, Nicola Cerantola, ekonomia zirkularrean aditua, izan zen hizlari nagusienetako bat, eta BEM 2020 ekitaldiko azken jardunaldiko protagonistak izan ziren gazteetan ardaztu zen zuzenean.

Guztira, ekonomia zirkularrean eta ekodiseinuan adituak diren hogeita hamar pertsona inguruk parte hartu zuten mahai-inguruetan eta erakusketaren inguruan, non serbitizatutako beraien negozio ereduak eta ekodiseinatutako produktuak aurkeztu zituzten, besteak beste.

 

JPAGE_CURRENT_OF_TOTAL

AGENDA

Azkeneko hilabetea Ekaina 2020 Hurrengo hilabetea
A A A O O L I
week 23 1 2 3 4 5 6 7
week 24 8 9 10 11 12 13 14
week 25 15 16 17 18 19 20 21
week 26 22 23 24 25 26 27 28
week 27 29 30

Hurrengo Ekitaldiak

Ekitaldirik gabe