HARPIDETZA

Sare sozialak

BERRIAK

Kooperatiben Mahaiak 2 kooperatiba berri babestuko ditu

Kontuz, leiho berrian zabalduko da PDF fitxategiaInprimatuE-posta

 

I 2019ko otsaila I

Azaro Fundazioak dinamizatzen duen Kooperatiben Mahaia Elkartearen otsaileko bileran, 2 proiektu berriri 18.000 €-ko babes ekonomikoa ematea erabaki zen: Berrizen kokatuta dagoen eskola aktiboa eta ikus- entzunezko zerbitzuak eskaintzen dituen Bermeoko kooperatiba bat.

Kooperatiben Mahai Elkartea Lea-Artibai eskualdeko eta Busturialdeko kooperatibek osatzen dute: Burdinola, Cikautxo, Eika, Fagor Arrasate, Kide, Laboral Kutxa eta Maier. Hauen inplikazioa eta babesa oso garrantzitsuak dira kooperatiba berrien sorreran. Aipatzekoa da, egitasmoa martxan jarri zenetik, 28 kooperatibek jaso dutela laguntza Mahaiaren eskutik.

Horrez gain, kooperatiba horiek beraien eskualdearekiko duten konpromisoan haratago joatea erabaki dute, eta Azaro Fundazioarekin elkarlanean, eraldaketa sozialerako beste proiektu batzuk lantzen ari dira.

 

 

Negozioen, teknologiaren eta gizadiaren etorkizuna

Kontuz, leiho berrian zabalduko da PDF fitxategiaInprimatuE-posta

I 2019ko otsaila I

Azaro Fundazioak Silicon Valley-ko Unibertsitateak otsailaren 20 eta 21ean Madrilen antolatutako lehenengo “SingularityU Spain Summit” ekimenean parte hartu zuen.

Singularity University, planetaren erronka nagusientzat irtenbideak aurkitu eta denontzako etorkizun hobeago bat eraikitzeko teknologia esponentzialen erabileran oinarritzen den berrikuntza eta ikaskuntza komunitate global bat da. Adimen artifiziala, robotika eta biologia digitala bezalako azelerazio teknologiak erabiltzen dituzten irtenbide disruptiboen bitartez ikasi, konektatu eta berritzeko mundu guztiko banakakoak eta erakundeak ahalduntzen dituzte.

Negozioen, teknologiaren eta gizadiaren etorkizuna birdefinitzeko mundu mailan ezagunak diren pentsalari, liderrak eta adituak batu ziren Madrilen ospatutako topaketa honetan. Energia; deszentralizazioa; enpleguaren, jasangarritasunaren eta mugirkortasunaren etorkizuna; adimen artifiziala; suspertzen ari diren teknologiak; konektibitatea; berrikuntza; robotika… bezalako gaiak jorratu ziren bi egunetan zehar.

Azaro Fundazioak helburu bikoitzarekin parte hartu zuen ekimen honetan; alde batetik, laister milioika pertsonengan inpaktu positiboa izango  duten suspertzen ari diren teknologiak ezagutzeko; eta bestetik, gure inguruko enpresentzat aplikagarriak izan daitezkeen ideiak jaso eta martxan dituen proiektuei berrikuntza ekarpenak egiteko.

Hain zuzen ere, topaketa honi esker Azarok parte hartzen duen ORHI* proiektu europarrarekin lotura izan dezaketen arrakasta kasu batzuk identifikatu ziren. Interreg Poctefa egitasmoaren baitan kokatzen den proiektu honen xedea nekazaritzako elikagaien indutriari balio erantsia ematea da, horretarako Frantzia eta Espainiako enpresen arteko sinergiak garatuz. Gainera, balio erantsiko erabilera berriak eta enpresetan materia organiko eta plastiko fluxuen erabilera eraginkorra sustatzen laguntzeko Negozio Eredu berrien identifikazioan ere lan egiten dute proiektu honen baitan.

 

*ORHI Eskualde Garapenerako Europako Funtsak Interreg V-A Espainia-Frantzia-Andorra (POCTEFA 2014-2020) Programaren bitartez %65ean finantzatutako proiektu europarra da eta 2018ko urtarriletik 2020ko abendura arteko iraupena izango du.

 

Zkomunikazi zure negozioa interneten ezartzeko eta hobetzeko estrategiak

Kontuz, leiho berrian zabalduko da PDF fitxategiaInprimatuE-posta

I 2019ko otsaila I

Zer da Zkomunikazi? Zer eskaintzen duzu?      

Zkomunikazi marketin digital aholkularitza eta formakuntza agentzia bat da. Enpresa bat interneten ezartzeko lehenengo pausuak eta nondik norakoak markatuko dituen estrategia digitalak garatzen ditugu, bezeroarekin batera. Horrez gain, proiektua interneten ezagutzera emateko balio duten hainbat zerbitzu digital eskaintzen ditugu: SEO (web orrien posizionamendu organikoa Google bezalako bilatzaileetan), SEM/PPC (ordaindutako publizitatea bilatzaileetan: Google Ads, Google Display, eta abar.), publizitatea sare sozialetan (Facebook Ads, Instagram Ads, Twitter Ads, eta abar.) eta web orrialde basikoen diseinua.

 

Zergatik erabaki duzu zure negozioa sortzea? Zerk motibatu zaitu?

Aspalditik nuen nire kabuz proiektu bat aurrera eramateko irrika. Publizitatea eta marketin munduan ibilita, horiek oso tresna boteretsuak direla konturatu naiz, eta kasu askotan enpresa baten arrakastaren giltza ere badira. Erreminta horiek autonomo eta enpresa txikien esku jarri ahal izatea niretzako aparteko aukera da.

Lea-Artibaira bizitzera etorri nintzenean, ideia bat nerabilen buruan, eta Azaro Fundaziora joateko gomendatu zidaten. Bertan, negozio ideien ikastaro bat egiten hasi nitzen, eta klase haietan konturatu nintzen posible zela buruan nuen proiektu hura aurrera eramatea.

 

Nolakoa izan da orain arteko bidea?

Zailena, gauza gehienekin bezala, hasierak izaten dira. Baina hasteko erabakia hartzea eta proiektua martxan jartzea askoz ere zailago da. Azaro Fundazioan nire tutorearen laguntza ezinbestekoa izan da, hasierako bultzada horretan. Enpresa plana garatzen laguntzeaz gain, dirulaguntzen eskaerak ere kudeatu ditu eta buru belarri ibili da nituen zalantza guztiei erantzuna ematen. Lehenbiziko hilabeteetan, Berrikuntza Gunean, ekintzaileentzako bereziki eskaintzen duten Ekintzaile Gelan egon nintzen nire proiektua garatzen. Enpresa abiarazteko beharrezko baliabideak emateaz gain, Azaro Fundazioan aparteko lana egiten dute, bertatik pasatutako enpresen artean sareak sortzen. Horrek, nire enpresa ezagutzera emateko eta bezero berriak eskuratzeko balio izan dit. 

Behin enpresa martxan dagoela, hori ekonomikoki jasangarria izatera heltzea ez da bat ere erraza. Badut esperientzia start-up munduan, eta jakitun nengoen lehenengo urtean, bai mentalki, bai ekonomikoki prest egon beharko nuela irabazi gabe egoteko. Diru-sarreraren bat izan arren, enpresa batek beti ditu gastuak, eta horrez gain, lehenbiziko urtean formakuntzan eta publizitatean inbertitzea komeni izaten da.

Nire kasuan, lehen 6 hilabeteak enpresaren irudia (web orrialdea, logotipoa…) garatzen eta bezeroak lortzen eman nituen. Tartean proiektu bat edo beste ere egin nituen. 7. hilabetetik aurrera, ezagututako bezero horiekin lanean hasi eta proiektu ezberdinak sortzen joan ziren. Hurrengo hilabeteetan, networking-aren bidez sarea egiteaz gain, nire enpresaren estrategia digitala martxan jarriko dut eta sare sozialak lantzen hasiko naiz; etorkizunera begira sare sozialetako estrategia solido bat izatea funtsezkoa baita gaur egungo paradigma digitalaren barruan.

Zer motatako lanak egiten dituzue? 

Zkomunikazin plan estrategiko digital bat garatzen dugu, bere produktuak edo zerbitzuak interneten saldu nahi dituen enpresarentzako. Jadanik interneten presentzia duen enpresak salmentak igo nahi dituenean, publizitatea egingo genuke Googleeko plataforma ezberdinetan SEM teknikak erabiliz, bilatzailean bertan Google Ads bidez edo hainbat blog eta web orrialdeetan Google Displayren sarearekin.

Luzerako nahiko bagenu gure presentzia interneten mantendu eta gure web orrialdea Google bilatzaileko lehenbiziko postuetan jarri, SEO teknikak erabiliko ditugu, hitz gakoen estrategia on batekin batera. Gainera, publiko oso zehatz bati publizitatea egin nahi izanez gero, Facebook Ads, Instagram Ads edo Twitter Ads bezalako sare sozialetako publizitate plataformak erabiliko ditugu.

Honez gain, bereziki turismoari lotutako web orrialdeak diseinatzen ditugu, zerbitzu ezberdinak web orrialdean bertan erreserbatzeko aukera emanez. 

Formakuntzari dagokionez, sare sozialetako erabilera, tresna digitalak eta plan estrategiko digitalen inguruko prestakuntzak ematen ditugu.

 

Zenbat denbora daramazu lanean? Harrera ona izan duzu?

Iazko ekainean eman nintzen altan autonomo bezala, beraz 9 hilabete daramatzat enpresarekin. Hasiera batean bezero bat edo birekin hasi nintzen lanean, oso proiektu gutxi egiten, baina hilabeteak pasatu ahala gero eta bezero gehiagorekin jarri naiz kontaktuan eta proiektu ezberdinak sortzen joan dira. Egia esan oso pozik nago Zkomunikazi marketin digital agentziak Lea-Artibai mailan izan duen harrerarekin.

Ziortza-Bolibar
48278, Bizkaia
Email: Helbide elektroniko honek spam bot-en kontrako babesa du. Ikusteko Javascript-a aktibatu behar duzu

 

 

 

 

RETRACE proiektuaren jarraipen bilera Eslovenian

Kontuz, leiho berrian zabalduko da PDF fitxategiaInprimatuE-posta

I Urtarrila 2019 I 

Urtarrilaren hasieran RETRACE (Regions Transitions towards a Circular Economy)proiektuko bazkide guztiak Eslovenian izan ziren bertan ospatu zen bostgarren koordinazio bileran proiektuaren jarraipena egiteko.

Proiektuko fase bakoitzaren aurrerapen maila, zereginen errepasoa, momentura arte lortutako helburuak, definititutako ekintzak aurrera eramateko hurrengo eman behar diren pausoak… bezalako gaiak izan ziren bilera horretan bazkideek eskuartean izan zituztenak.

2018ko azken newsletterrean jakitera eman genuen bezala, Azaro Fundazioak beste europako sei erakunderekin batera parte hartzen duen RETRACE proiektu europarra bere bigarrren fasean murgilduta dago.

Momentu honetan EGEFk Interreg Europa programaren baitan diruz lagundutako proiektuko honetako bazkide bakoitza bere lurralderako definitu duen Ekintza Planaren inplementazio fasean dago.

 

Azaro Fundazioak Euskadiko Ekonomia Zirkularraren Estrategia 2030 egitasmoan parte hartu du

Kontuz, leiho berrian zabalduko da PDF fitxategiaInprimatuE-posta

I Urtarrila 2019 I 

2030. urtea epemuga jarrita, Eusko Jaurlaritzak Euskadiko Ekonomia Zirkularraren Estrategia rako proposatzen dituen gako nagusiak aztertzeko Euskadiko ekonomia, gizarte eta ingurugiroaren sektoreko eragile guztiek bat egin zuten pasa den urtarrilaren 16an.

Elena Moreno, Eusko Jaurlaritzako Ingurumeneko sailburuordea, izan zen ekitaldiari hasiera eman ziona eta ekonomia zirkularraren alorrean Euskadi zein egoeratan aurkitzen den azaldu zuena. Bere hitzetan “2000. urtetik euskal ekonomiak %26ko hazkundea izan du, eta materialen kontsumoa ordea, %25 murriztu da”. Aldaketa honen ezaugarri nagusia ekoizpen prozesu osoan zehar egiten den optimizazioa da; disenua eta fabrikaziotik hasi, kontsumo eta berrerabilpen, birmanufaktura eta birziklapen prozesuetatik jarraituz, eta probetxugarriak ez diren hondakinen ezabaketara heldu arte. Modu honetan baliabideen sarrera murrizteaz gain, hondakinen sorrera ere gutxitzen da.

Ekitaldiak iraun zuen bitartean bertaratuek lanerako mahai ezberdinetan parte hartzeko aukera izan zuten. Azaro Fundazioak bere aldetik, enplegua eta negozio eredu zirkular berritzaileen mahaian parte hartu zuen eta bertan, sektore industrialean balio kate osoa inplikatzeak eta ekonomia garapen jasangarriago baterantz abiatzeko erakunde-traktoreen sentsibilizazioak duten garrantziaz aritu zen.

Horretarako Azaro Fundaziotik ekonomia zirkularraren estrategia ekintzailetzan, zein barne-ekintzailetzan bultzatzen da, gure herrialdeko ekonomiari hazten laguntzeko aukera moduan.

Aipatutako Estrategian ekarpenak egin nahi dituztenek otsailaren 1era arteko epea dute, horretarako Helbide elektroniko honek spam bot-en kontrako babesa du. Ikusteko Javascript-a aktibatu behar duzu helbidera email bat bidaliz.

 

JPAGE_CURRENT_OF_TOTAL

AGENDA

Azkeneko hilabetea Azaroa 2019 Hurrengo hilabetea
A A A O O L I
week 44 1 2 3
week 45 4 5 6 7 8 9 10
week 46 11 12 13 14 15 16 17
week 47 18 19 20 21 22 23 24
week 48 25 26 27 28 29 30

Hurrengo Ekitaldiak

2019 azaroak 26
Formakuntza pildora: Behar dudana kobratzen ari al naiz?