HARPIDETZA

Sare sozialak

BERRIAK

Azaro, Medikuntzari lotutako proiektuetan buru-belarri

Kontuz, leiho berrian zabalduko da PDF fitxategiaInprimatuE-posta

Azaro Fundazioak, Osasun Estrategiaren baitan, medikuntza alorrari lotutako hainbat proiektuetan dihardu: negozio unitate berrien definizioan, medikuntzari lotutako enpresa berrien sorreran,… hala nola, Mondragon Healthekin ere proiektu amankomun bat hasi berri du. Beti ere, eskualdean, balio erantsiko lanpostu berriak sortu edota gaur egunekoak mantentzeko helburuarekin.

Zentzu honetan, ezinbestekoa da etengabe trebatzen egotea. Honela, Ekainaren 5-ean Azaro Fundazioko eta Leartikerreko langile talde batek Balentziako Tequir enpresaren eskutik, medikuntza produktuen erregulazioaren inguruko egun bateko ikastaroan hartu zuen parte.

Gaur egun merkaturatzen diren medikuntza produktu guztiek CE ziurtagiria eraman behar dute nahita nahiez, eta ziurtagiri hau lortzeko bidean hainbat aspektu izan behar dira kontutan, bai produktuaren gainean eta baita ekoizlearen instalazioetan ere.

Ikastaro honetan kontutan izan beharreko aspektuen gainean hitzegin zen, besteak beste,  medikuntza produktuen sailkapena nola egin, ekoizle ziurtagiria lortzeko betebeharrak zeintzuk diren, kontutan izan beharreko legedia zein den, produktuei egin beharreko aurre probak zeintzuk izaten diren, bete beharreko txostenak zeintzuk diren etab.

Ikastaro honekin, Azaro Fundazioak eta Leartikerrek beraien Osasun Estrategiaren baitan beste aurrera pausu bat eman dute, ezagutza berriak eskuratuz.

 

Azarok Eskualdeko gaitasunen mapa eta hauekin lotutako negozio aukeren aurkezpena egin du

Kontuz, leiho berrian zabalduko da PDF fitxategiaInprimatuE-posta

Azaro Fundazioak Lea-Artibai eskualdeko gaitasunen mapa osatu du. Horretarako, eskualdean esanguratsuenak diren sektoreen Balio Kateak aztertu dira, balio kate bakoitza osatzen duten eslaboiak/atalak identifikatuz eta hauen ezaugarri nagusienak nabarmenduz. Hona hemen, eskualdeko azpisektore esanguratsuenak: arrantza, nekazaritza-abeltzantza, kautxuaren transformazioa, ekipamenduen diseinu, ekoizpen eta instalazioa, metalaren transformazioa eta turismoa.

Azpisektore hauen arteko gurutzaketak egin ostean, Azarok hainbat negozio ideia identifikatzeko ariketa egin eta aurkeztu du. Ekitaldira bertaratutako enpresek, asko eskertu zuten Azarotik egindako aurrelan sakona, eurentzat dibertsifikazio aukerak identifikatzea ahalbidetu delarik.

Hurrengo pausu gisa, Azarok, B+I Strategy-rekin elkarlanean egindako azterketa, bilerara bertaratutako enpresei banatzea izango da, hauek, hausnarketa propio bat egin dezaten. Irailetik aurrera ordea, Azaro enpresa bakoitzeko ordezkariekin harremanetan jarriko da, kooperazioan edota banaka garatu daitezkeen identifikatutako negozio aukera berrien inguruan hitz egiteko.

Metodologia eta ekintza hauen garapena, ERAIKINN proiektu europarraren baitan kokatzen da.

 

Azarok dinamizatzen duen Kooperatiben Mahaiak, 8.000 euroko laguntza emango die proiektu kooperatibo berriei

Kontuz, leiho berrian zabalduko da PDF fitxategiaInprimatuE-posta

Ekainaren 7an, Lea-Artibaiko Kooperatiben Mahai Elkarteko bilera izan genuen, Eika S.Coop enpresan. Elkartea, Burdinola, Cikautxo, Danobat-Lealde, Eika, Fagor, Kide, Laboral Kutxa eta Maier Kooperatibek osatzen dute, Azarok dinamizatzen duelarik. Kooperatiba Mahaia urtean hiru aldiz batzen da eta beste gai batzuen artean Lea-Artibai eskualdean eta inguruko eskualdeetan (Deba-Behea, Durangaldea eta Busturialdean) sortu diren enpresa proiektu kooperatibo berriak ezagutu eta proiektu hauek diruz laguntzeko erabakia hartzen da (Jaurlaritzarekin, Azaro Fundazioak duen hitzarmen baten baitan). Ekaineko bilera honetan 3 enpresa proiektu kooperatibok egin die Mahaiko kideei bere enpresaren aurkezpena: Bermeon kokatu den Fisioterapia zentro bat; Mundakan kokaturik dagoen Urdaibai eta Lea-Artibai eskualdeko natura eta kulturako baliabideak ikertu, sustatu eta ustiatzen dituen kooperatiba bat; eta Gernikan kokatuko den estetika zentro bat.

Aurten, hiru proiektuak diruz laguntzeko erabakia hartu du Kooperatiba mahaiak, guztira, 8.000€ko laguntza emango dielarik proiektu kooperatibo berri hauei.  

 

Azarok eskualdeko Enpresa Txiki eta Ertainei zuzendutako 2013ko hirugarren foroa antolatu du

Kontuz, leiho berrian zabalduko da PDF fitxategiaInprimatuE-posta

Ekainaren 12an ospatu zen eskualdeko ETEi (Enpresa Txiki eta Ertainei) zuzendutako urte honetako azken foroa. Bilera honen helburua, aurreko bileretan definitutako plan estrategikoa martxan jartzeko beharrezkoak diren erramintak parte hartzaileen esku jartzea da. Ezarritako erronka eta helburuak betetzeko asmoz, datorren urtera begira helburuak eta ekintzak lehenesten lagundu zaie enpresei eta horrela, kudeaketa plan eraginkor bat eta aginte-taula bat diseinatu ahal izan zutelarik ezarritakoa betetzen laguntzeko.

Bileran, enpresen finantza alorra estrategiarekin nola bateratu erakutsi zen. Hortaz, adierazle onenen aukeraketarako emaitza eta balantzeen kontuen interpretazioak aztertu ziren.

Azpimarratzekoa da urte honetan zehar egin diren hiru bileren inguruan parte hartzaileek egin duten balorazioa oso altua izan dela. Positiboki baloratu dira landu diren gaiak eta kontzeptuak, hizlariaren ezagutza, bertaratutakoen parte hartzea eta ikastaro bakoitzaren beharrizan eta sektore espezifikoetara egokitzea.

Datorren urtean ere mota honetako programekin jarraitu eta zuen parte hartzearekin kontatzea espero dugu.

 

Lea-Artibai eskualdeko Enplegu Foroak hurrengo hilabeteetarako lan dinamika adostu du

Kontuz, leiho berrian zabalduko da PDF fitxategiaInprimatuE-posta

Lea-Artibai eskualdeko Enplegu Foroa 2012 urtean sortu zen Lanbideren laguntzarekin Eskualdeko Enplegu Plana definitzeko. Dena den, Enplegu Planaren definiziotik haratago, foroko kide izan diren eragile ezberdinek garrantzitsutzat jo dute, elkarrekin lanean jarraitzea, bakoitzak bere esparrutik egin dezakeena beste eragileekin konpartituz, eraginkortasuna lortzeko emaitzetan.

Honela bada, Lea-Artibai eskualdeko Enplegu Foroa Lea-Artibai eskualdearen garapen sozioekonomikoan inplikaturik dauden agenteen bilgunea da. Xede nagusia, elkarlanean eskualdearen egoera sozioekonomikoan eragin positiboa izango duten proiektuen definizioa, exekuzioa eta jarraipena konpartitzea da.

Bere helburuak, honako hauek dira:

1.- Lea Artibai eskualdeko egoera sozioekonomikoaren diagnosia konpartitzea eta beronen inguruan hausnarketa egitea

2.- Eragile bakoitzak, bere misio eta helburuen markoan definitzen dituen proiektuak eskualdeko beste eragile batzuekin konpartitzea, eta elkarrekin, proiektuen eraginkortasuna hobetzea

3.- Eragile ezberdinek eskualdeko egoera sozioekonomikoan eragiteko dituzten proiektuak “Enplegu Planaren Marko Orokorrean” kokatzea

4.- Eskualdeko eragile sozioekonomikoek elkarlanean Enplegu Planeko erronkei aurre egiteko proiektuak definitzea.

5.- Enplegu Planean kokapena duten proiektu guztien garapen mailaren jarraipena egitea eta hobekuntzak planteatzea

Ekaineko bileran honako eragile hauek hartu zuten parte: Ondarroako Arrantza Eskola, Lantegi Batuak, Bizkaiko Sortaldeko Industrialdea-Okamika, Lea Ibarra Udal Mankomunazgoa, Lea Artibai Ikastetxea, Landagarapen Elkartea, Lea Artibaiko Amankomunazgoa, Ondarroako Lanbide, Peñascal Kooperatiba, Leartibai Garapen Agentzia eta Azaro Fundazioa.

Bilera honetan, hurrengo hilabeteetako lan dinamika ere adostu zen. Lehenengo pausoa elkarren ezagutza handiagoa izatea da. Horretarako, uztailean egingo den hurrengo bileran, bakoitzak bere helburu eta lan ildoen aurkezpena egingo du eta elkarrekin landu daitezkeen esparruak identifikatuko dira.

 

JPAGE_CURRENT_OF_TOTAL

AGENDA

Azkeneko hilabetea Otsaila 2019 Hurrengo hilabetea
A A A O O L I
week 5 1 2 3
week 6 4 5 6 7 8 9 10
week 7 11 12 13 14 15 16 17
week 8 18 19 20 21 22 23 24
week 9 25 26 27 28

Hurrengo Ekitaldiak

Ekitaldirik gabe