HARPIDETZA

Sare sozialak

BERRIAK

Ikastetxe Mahaia aurten ere abian da…

Kontuz, leiho berrian zabalduko da PDF fitxategiaInprimatuE-posta

Aurten ere, eskualdeko sei ikastetxek beraien ikasleen artean kultura ekintzailea lantzen jarraitzea erabaki dute. Jada, zortzigarren edizioa da aurtengo ikasturtea eta urtero legez, Azarok eta Ikastetxeetako arduradunek, urteko gestio plana definitu eta martxan jarri dute.

Azaroren dinamizaziopean eta Foru Aldundiaren babesarekin, 250 ikasleen artean hainbat gaitasun landuko dira.

 

Kalatxo Kooperatibagintza argitaratu da

Kontuz, leiho berrian zabalduko da PDF fitxategiaInprimatuE-posta

Azaro Fundazioa ekintzailetza kultura hedatu asmoz 2005. urtetik dabil eskualdeko ikastetxe ezberdinekin elkarlanean. Hori dela eta, urtean zehar hainbat ekintza aurrera eramaten dira DBH eta Batxilergoko ikasleekin, hala nola: konpetentzien lanketa, ekintzaileen hitzaldiak, eskualdeko enpresetara bisitak, talde lana, negozio ideia baten inguruko bideragarritasun plana eta baita Kalatxo liburuxkaren lanketa ere.

Liburuxka hau, ikasturte bakoitzean gai desberdin baten inguruan izaten da eta aurtengorako aukeratu den gaia Kooperatibagintza izan da. Horrela, eskualdeko gaztetxoek kooperatiben jatorria, barauen ezaugarriak, pertsonaia ezagunak, eskualdeko kooperatibismoaren sorrera,… berri izango dute.

 

Abian da EKINN programa

Kontuz, leiho berrian zabalduko da PDF fitxategiaInprimatuE-posta

Azaro Fundazioak Mondragon Unibertsitateko Mondragon Team Academy-ren ekintzailetza sailarekin eta MIK S.Coop ikerketa zentruarekin elkarlanean garatutako EKINN programa errealitate bihurtu da eta azaroaren 20an ekin zion bere ibilbideari. Eusko Jaurlaritzaren eta Lea-Artibaiko Amankomunazgoaren babesa jaso duen ekimen hau azaroan hasi eta udararte luzatuko da. Egungo egoeraz jabeturik, Fundazioak langabezian dauden pertsonei bereziki eskeini nahi izan die aukera hau.

Adin, ikasketa eta esperientzia ezberdineko profila duten 12 pertsonako taldea izango da EKINN programan parte hartuko dutenak, gehienak Lea-Artibai eskualdekoak. Etorkizunean norbere negozio propioa martxan jartzeko interesa adierazi duen jendea; talde ekintzailea da, talde-lanean ekingo duena.

EKINN programa ekimen berritzaile eta apurtzailea da. Finladiar metodologia punteroan oinarritutako programa honek kultura-aldaketa suposatzen du, orainarte izan dugun ikasteko eta lan-mundura sartzeko prestakuntzarekin zerikusirik ez duen ekimena da. Pertsonen trebezia eta abileziak lantzeko eta ekintzailetza prozesu osoa ezagutzeko eta bizitzeko aukera aproposa eskaintzen du.

12 pertsonako lan-talde honetaz gain, Azaroko Fundazioko eta Mondragon Team Academy-ko teknikariak ere izango dira gidari lanetan. Proiektu errealetan egingo dute lan, talde-lana bultzatuko da eta proiektu erreal hauen bidez dirua irabazteko aukera izango dute, hau da, fakturatzeko aukera izango da. Gainera, Team Academy komunitateko kide diren einean, nazioarteko bidaiak egiteko aukera ere izango dute.

Markina-Xemeingo Berrikuntza Gunean, Azaro Fundazioaren instalazioetan kokatuko den ekintzaile talde honi EKINN programak pertsona eta profesional moduan hazteko aukera paregabea eskeiniko die.

 

Azaro Fundazioak Urrezko Bikain ziurtagiria lortu du

Kontuz, leiho berrian zabalduko da PDF fitxategiaInprimatuE-posta

Azaroaren 22an, Vitoria-Gasteizko Europa Jauregian Bikain ziurtagiriak emateko ekitaldia ospatu zen eta bertan izan zen Azaro Fundazioa. 28 izan dira aurten Bikain ziurtagiria lortu duten erakundeak.

Zer da Bikain Ziurtagiria? Eusko Jaurlaritzak luzatzen duen ziurtagiri ofizial, publiko eta doakoa da; enpresa nahiz erakunde batean euskararen presentzia, erabilera eta kudeaketa egiaztatzen duen ziurtagiria.

Hiru dira eskuratu daitezkeen mailak eta aipatutako 28 erakunde horietatik, zazpi izan dira oinarrizko maila egiaztatu dutenak, beste hamabik tartekoa edo zilarrezkoa lortu dute eta azkenik, bederatzi izan dira goi-maila edo urrezko ziurtagiriarekin egin direnak, horien artean Azaro Fundazioa.

Aipatzekoa da ziurtagiri hau lortzeko kanpo ebaluazioa jaso behar dela eta 88 izan direla aurten ebaluatzaile lanetan ibili diren kideak.

Zorionak beraz, sarituak izan diren erakunde guztiei, lan eremuan euskararen erabileraren normalizazioaren alde orain arte egindako bidearengatik!!

 

Aurten ere Medica 2012 azokan izan gara

Kontuz, leiho berrian zabalduko da PDF fitxategiaInprimatuE-posta

Leartiker-Materialak eta Azaro Fundazioa Europan antolatzen den medikuntza sektoreko azoka garrantzitsuenean egon dira beste urte batez.

Medica 2012azaroaren 14 eta 17 bitartean ospatu da Alemaniako Dusseldorf hirian. Azoka honetan medikuntza alorrarekin zerikusia duten azpisektore ugari biltzen dira eta ezinbesteko topagunea izaten da sektore honetan negozioak egin nahi dituen edozein erakunde eta enpresarentzat. Azokarekin batera enpresen arteko elkarlana bideratzeko topagunea eta hainbat kongresu ere izaten dira.

Azaro Fundazioak eskuartean duen Lea-Artibai Health Unit egitasmoa kontutan izanda, ezinbesteko hitzordua du Medica 2012 osasun sektoreko azken berriei buruzko lehen eskuko informazioa izateko.

Aztertutako sektoreen artean, neonatologia, errehabilitazio eta ortopedia mundua, ospitale eta laborategiko ekipamendua eta hotz eta beroekin zerikusia duten teknologien alorrak izan dira. 

Medica-rekin batera ospatzen den COMPAMED azokan, aurtengoan Cikautxo S.Coop.-ek stand propioa izan du.

 

JPAGE_CURRENT_OF_TOTAL

AGENDA

Azkeneko hilabetea Maiatza 2018 Hurrengo hilabetea
A A A O O L I
week 18 1 2 3 4 5 6
week 19 7 8 9 10 11 12 13
week 20 14 15 16 17 18 19 20
week 21 21 22 23 24 25 26 27
week 22 28 29 30 31

Hurrengo Ekitaldiak

2018 apirilak 27
Lea-Artibai Sarean
2018 maiatzak 07
Ekin pausuz pausu
2018 maiatzak 10
ORHI proiektuaren bilera
2018 maiatzak 25
BE sarearen bilera
2018 maiatzak 25
Lea-Artibai Sarean