HARPIDETZA

Sare sozialak

BERRIAK

Enpresa sortu berrien azokarekin eman genion hasiera aurtengo Ekintzailearen Egunari

Kontuz, leiho berrian zabalduko da PDF fitxategiaInprimatuE-posta

Ekainaren 7an, Azaro Fundazioa eta Leartibai Garapen Agentziaren eskutik, aurten ere Ekintzailearen eguna ospatzeko helburuarekin, Ekintzaile Topaketa antolatu zen Berrikuntza Gunean. Aurten, zerbait berritzailea egin asmoz, Azoka itxuraz jantzi zen Berrikuntza Gunea. Bertako pabiloi batean, azken urteetan sortu diren 18 enpresek euren stand-a jartzeko aukera izan zuten, espositore gisa. Honela, herritarrek, azken urteotan martxan jarri diren negozioak ezagutzeko aukera izan zuten, hauek euren zerbitzu eta produktuak ikusgai jarri zituztelarik.

Ondoren jardunaldiari hasiera eman zitzaion. Jardunaldian ekintzaile eta herritarren artean 50 bat lagun batu ziren. Ekitaldian, Azaro eta Garapen Agentziako teknikariek dinamizatutako ekintza baten bidez, kolaborazioaren garrantzia nabarmendu zen, gaur egun, oso garrantzitsuak baitira elkarlana eta koperazioa, sinergiak bilatu eta aukera berriak bilatzeko.

Ondoren, eskualdeko 4 ekintzaileren esperientziak entzuteko aukera izan zuten bertaratu zirenek: Eitten Elkartea  (Azaro Fundazioak ekintzailetza bultzatzeko, Finlandiako Team Academy metodologia erabiliz, jarri duen EKINN programatik sorturiko proiektua), Jon Kobeaga, LEINN graduko ikasle bat (Mondragon Unibertsitatea), Esti Olasolo (EstiOlasolo Design) eta Amaia Olasolo (Madame Kiwi). Hauek, enpresa sorreran izan zuten esperientzia kontatu zuten. Josu Atxurrak (Xuri Burdindegiaren sortzaileak) aldiz, negozioak, bere sorreratik gaur egunera arte izan duen bilakaeraren berri eman zuen.

Ekitaldi bukaeran, Lea-Artibaiko VII. Enpresa Proiektu Lehiaketako sariak banatu ziren. Irabazleak Sugaar Koop.Elk. eta Txipli-Txapla enpresak izan ziren. Ekitaldiari Nerea Ibarzabalen bertsoekin eman zitzaion bukaera.

Ekitaldi ostean, bertaratuek, berriz Stand-ak ikusteko aukera izan zuten, elkarren artean harremanak estutu eta zenbait ekintzailek prestaturiko jaki goxoak dastatzen zituzten bitartean.

 

Azaro Fundazioa Stuttgarten egon da Trasportation Weight Loss Diet Conference (TWLDC) 2013 ekitaldian

Kontuz, leiho berrian zabalduko da PDF fitxategiaInprimatuE-posta

Pasa den ekainaren 5 eta 6an Azaro Fundazioa Stuttgart-en (Alemania) ospatu zen Trasportation Weight Loss Diet Conference (TWLDC) 2013 ekitaldian izan zen. Bertan  bildu ziren automobilgintza, trenbide eta industri aeronautiko ingeniariak eta proiektu-buru eta ikerlari nagusienak,  garraio sektoreak pisu arintzean egiten ari diren azken ikerkuntza eta berrikuntzak aurkezteko.

Konferentziak iraun zuen bi egunetan jorratu ziren gaiak, garraio munduan ematen ari diren aurrera pausu eta erronka berrien inguruan zentratu ziren. Zentzu honetan, pisua arintzeak, Europar Batasuneko CO2 legedia zorroztea, erregaien prezioa eta kotxe elektrikoek ibilgailuen arkitekturan ekarriko dituzten aldaketak erantzuna ematen dute.

Horretarako, TWLDC-ek aktore ezberdinen estrategiak aurkeztu zituzten (OEM materialen ekoizleak, Tier 1 eta Tier 2 hornitzaileak, aholkulariak…); alde batetik material berri eta aurreratuen erabilera bultzatzea; adibidez, altzairu ultra gogorrak, magnesioa, konpositeak, plastikoak etab.; eta bestalde, diseinuak eta ingenieritzak garraio sistemen pisua arintzean duen garrantzia ere nabarmendu zen.

Azkenik, bertan bildutako industria eta proiektu arduradunek, hornitzaile eta bezeroen arteko elkarlanak duen garrantzia azpimarratu zuten, alegia, open innovation-aren bidez bezero eta hornitzaileak elkarrekin buru-belarri kooperatu behar dutela adierazi zen.

 

Makina-Erreminta eta Fabrikazio Teknologien Biltzarrean ere hartu dugu parte

Makina Erreminta eta Fabrikazio Teknologien Biltzarra 1976an egin zen estreinakoz, eta, harrezkero, industriaren -fabrikatzaileen eta erabiltzaileen-, ikerketa-zentroen eta unibertsitateen arteko elkargune ezin hobea da fabrikazio-teknologien aurrerabidea bultzatzeko. Aurten XIX. biltzarra ospatu da.

Azaroko kideak bertan egon dira; Aeronautikara eta automobilgintzara bideratutako fabrikazio-teknologiak, makina eta pieza handien diseinua eta fabrikazioa, iraunkortasuna, makina eta prozesuen adimena eta mekanizazio- eta deformazio-prozesuen hobekuntzaz hitz egin zen.

Bestalde, zeharkako beste gai batzuk ere jorratu ziren. Hala nola, Fabrikazio Gehigarrian emandako berrikuntzak (aeronautika sektoreari begira, besteak beste) eta material konposatuak automobilgintzaren sektorean: materiala, aurre-forma eta haren prozesua, ebaluazio ez-suntsikorra, produktu, prozesu eta merkatuen dibertsifikazioa, bezero-hornitzaile kateari balioa ematea ekoizpen industrialaren sektorean...

 

Leartiker-eko ikerlariek Kautxuaren Nekearen inguruko ikerkuntza proiektuaren emaitzak aurkeztuko dituzte ECCMR 2013 kongresuan

Kontuz, leiho berrian zabalduko da PDF fitxategiaInprimatuE-posta

Europan kautxoaren inguruko ikerkuntzan egiten diren aurrerakuntzen barri emateko bi urtean behin egiten den mundu mailan ezaguna den kongresua dugu European Conference on Constitutive Models for Rubbers (ECCMR). Aurtengo zortzigarren kongresu hau Donostian ospatu da ekainaren 25etik 28ra bitartean eta bertan izan dira Leartikerreko ikerlariak azken urtean zehar garatutako ikerkuntza proiektuaren emaitzak aurkezten.

Leartikerren urteak daramatzate kautxuaren nekearekiko jokamoldea aztertzen. Azken urtean bestalde, Will Mars ikerlari iparramerikarrarekin batera egin dute bidea. Will Mars-ek 25 urte baino gehiago daramatza kautxuaren nekearen jokamoldea aztertzen, bere lana mundu mailan da ezaguna eta gainera onespena jaso du. Urtebetez iraun duen eta gutxienez beste urtebetez luzatuko den ikerkuntza proiektu honen emaitzak Batzorde Zientifikoaren  aitorpena jaso du eta “Loss of stiffness during fatigue and the development of crack precursors” izenburupean aurkeztu ditu gai honen inguruan ekarri dituen aurrerapenak. Aurkezpenaz gain, artikulu zientifikoa kongresuko lanak batzen dituen liburuan argitaratua izango da.

 

Ekainaren 20an eskualdeko gaitasunen mapa aurkeztuko du Azarok

Kontuz, leiho berrian zabalduko da PDF fitxategiaInprimatuE-posta

Ekainaren 20an Azaro Fundazioak antolatuta, eskualdeko enpresa ehuna osotzen duten sektoreen gaitasunen mapa aurkeztuko da, horrez gain sektore ezberdinen artean egon daitezkeen lankidetzarako aukeren inguruan egindako lana azalduko da, beti ere lankidetza hauek negozio ideia berrien identifikaziora bideratuz, eta azkenik jardunaldia bukatzeko, nazioarteko makro tendentziek sektore bakoitzean sortu ditzaketen aukeren inguruan jardungo da.

Ekitaldi hau goizeko 9etan hasiko da eta bi orduko iraupena izango du. Bertako hizlariak Azaro Fundazioa eta B+I Strategy izango dira eta eskualdeko enpresa guztiak daude gonbidatuta.

 

Nola definitu Marketin Estrategia?

Kontuz, leiho berrian zabalduko da PDF fitxategiaInprimatuE-posta

Maiatzaren 16an "Enpresa Txiki eta Ertain baten Marketin Estrategiak nola ezarri?" izenburupean, Lea-Artibaiko enpresa txiki eta ertainei (ETE) zuzendutako bigarren foroa ospatu da. Eztabaida honen helburua enpresen eskura dauden marketin erreminta eta estrategia zehatzetan oinarritutako ikuspegia eskaintzean datza, gero honek probetxua atera diezaioten eta ondorioz, krisialditik indartuta atera daitezen.

Horretarako, foroan zehar marketin zuzeneko erremintak eta ETEen estrategiak garatzen  laguntzeko hauen elementu osagarriak eman dira ezagutzera. Gainera, hainbat kasu adibide hartuta, krisialdian bezeroek dituzten joera etamarketin estrategietan sakondu da.

Bukatzeko, marketin interaktiboak eskaintzen dituen aukerak eta honek edozein enpresa motatan duen erabilera aztertu dira (internet, teknologia berriak eta sare sozialak).

Bertaratu ziren enpresek sesioaz gozatu zuten eta programaren helburuak erabat bete ziren.

Hortaz, datorren ekainaren 12an ospatuko den urte honetako azken foroan parte hartzera gonbidatu nahi zaituztegu. Foro honen gaia gestio plana eta aginte-mahaietan ezartzeko estrategien inguruan izango da.

 

JPAGE_CURRENT_OF_TOTAL

AGENDA

Azkeneko hilabetea Otsaila 2019 Hurrengo hilabetea
A A A O O L I
week 5 1 2 3
week 6 4 5 6 7 8 9 10
week 7 11 12 13 14 15 16 17
week 8 18 19 20 21 22 23 24
week 9 25 26 27 28

Hurrengo Ekitaldiak

Ekitaldirik gabe