HARPIDETZA

Sare sozialak

BERRIAK

Elikagaien industrian ere berritzen da

Kontuz, leiho berrian zabalduko da PDF fitxategiaInprimatuE-posta

“Elikagaien industrian berrikuntza: produktu osasungarri eta seguruen garapena"

Apirilaren 19an, Markina-Xemeinen Leartiker-Elikagaiakek antolatutako jardunaldi teknikora elikagaien industriako sektore ezberdinetako 30 entzule inguru bildu zen.

Jardunaldiaren irekiera Naia Andonegi, Leartiker-Elikagaien Teknologiako Arduraduna, eta Maria Txakartegi, Azaro Fundazioko Teknikariak zuzendu zuten. Merkatuko joeren ikuspegi globaletik abiatuz, IV eta V gamako produktuen sorreran gaur egun erabiltzen diren produktu osasungarrien kontzeptu eta teknologia berriei buruz hitzeginez eman zioten hasiera jardunaldiari.

ICTAN-CSIC, Madrileko Institutu eta Teknologia Zentrutik hizlari lanetan haragi- eta esne-sektoreetan adituak etorri ziren. Landutako gai ezberdinen artean, in vitro haragia sortu arteko haragi-bizi lehengaiaren berrikuntza azpimarratu behar da, kontutan hartu behar baita haragian eskaria geroz eta handiagoa dela eta hornigaia falta dela. Esnearen sektoreari dagokionez, gai hauen kontsumoari lotutako onurak kontutan hartuta berrikuntzak sektore honetan duen garrantziari buruz hitz egin zen; hezurren osasuna, osasun kardiobaskularra, hortzetakoa, digestiboa eta buruko gaixotasunen inguruan egindako ikerketak ere bai.

TATE&LYLE osagaien enpresarekin sucralosa deituriko azukrearen aldaera berriak eskaintzen dituen aukeretaz ikasteko parada izan genuen. Sucralosa osasungarriagoa izanda eta azken produktuan koste gutxiago sortzen duen heinean, gaur egun edariak gozotzeko erabiltzen den osagai bat da, gehienetan freskagarriak.

Hurrengo hitzaldia UNILEVERen eskutik etorri zen eta produktu osasungarri berrien merkaturatzeari buruz hitzegin zuten. Adibide moduan Flora PROACTIV margarinaren merkaturatzea jarri zen: gizarteak kolesterolaren arazoa konpontzeko duen beharrizanera lotutako produktuaren kontzeptutik hasi; Margarinari esterol begetalak barneratzeko egindako ikerketa zientifikoa eta Europar Batasunean elikagaiaen alegazioetan jarraitu beharreko arauzko pausuak.

Jardunaldian izandako beste hitzaldi interesgarrietako bat urdaiazpiko onduan gatzaren murrizketa prozesuari buruz IRTAk emandakoa izan zen. Elikagaien industriari irtenbideak emateko teknologia berrien ikerketan jarduten duen Zentro Teknologikoa da.

Azkenik, ELIKA FUNDAZIOko Edurne Gantxegik elikagai funtzionalen etiketatuan osasun eta nutrizio alegazioen araudiak egun duen egoera azaldu zuen.

Jardunaldiari amaiera emateko lunch bat egon zen eta bertan jardunaldira hurbildutako publikoak hizlariekin egoteko aukera izan zuen. Jardunaldiari buruzko informazio gehiago nahi izanez gero, jarri kontaktuan Azaro Fundazioa edo Leartikerrekin.

 

Sinaval Eurofishing Azoka ospatu da

Kontuz, leiho berrian zabalduko da PDF fitxategiaInprimatuE-posta

Ozeanoa, aukeraz beteriko itsasoa

Sinaval Eurofishing (apirilak 16-18) Azoka dela eta, AZTI-Tecnaliak "Green Innovation-Blue Growth. Mares y océanos sostenibles" jardunaldia antolatu du. Bertan, Ekonomia Urdina (itsasoa eta bere baliabidei lotutakoa) Europako ekonomiaren garapen eta hazkuntzarako "aukera handi" bat dela azpimarratu da. Bittor Oroz, Eusko Jaurlaritzako Nekazaritza eta Landa Ingurunearen Garapenerako sailburuordea, izan da jardunaldia irekitzeaz arduratu dena hazkunde ekonomikoan arrantzak duen ekarpenari buruzko hitzaldi batekin.

Itsas Politika Integratua bultzatzeko Europako Batzordeak ezarritako bost sektore estrategikoetan zentratu da jardunaldia. Ardatz hauek itsas-turismoa, itsas-mineralen baliabideen estrakzioa, akuikultura, itsas-bioprospekzioa eta itsasoko energia berriztagarriak dira.

Ekonomia urdinaren barruan aurrera eramaten ari diren ekimen lokalak erakusteko balio izan du jardunaldiak: itsas zabaleko akuikultura, arrantza jarduera bideragarri eta iraunkor gisa, itsaso eta kostaldeko aisialdia, edo itsas-baliabide biologiko berrien bilaketa.

Azpimarratzekoa da, Lea-Artibai eskualdeko enpresak esperientzia ezberdinetan akuikulturaren aldeko apustua egiten ari direla (Europan osoko hedapena izaten ari den sektorea). Adibideetako bat, AZTI-Tecnaliak garatutako proiektua da: Ondarroako kostan itsaso zabalean moluskuen hazkuntza eta gizenketa; eta beste proiektua, INNOVACTek zuzenduta, enpresa eta Arrantzale Kofradiek osatuta, itsas zabalean arrainen gizenketarako urperatutako kaiolen prototipoa garatzeko.

 

Ekonomia Urdinari buruzko kongresuan parte hartuko dugu

Kontuz, leiho berrian zabalduko da PDF fitxategiaInprimatuE-posta

Zero Isurien Mundu mailako Kongresua - Ekonomia Urdina

Apirilaren 24 eta 25ean ZERI Fundazioak Madrilen antolatutako Zortzigarren Mundu mailako Zero Isurien Kongresuan egon da Azaro Fundazioa. Ekitaldi honetan kontinente guztietako negozio zehatzen adibideak aurkeztu dira. Bertaratutako hizlarien artean Gunter Pauli, Ekonomia Urdina kontzeptuaren sortzailea azpimarratu behar da.

Gunter Pauli (Amberes, 1956) ekintzailetzaren munduan hurbiletik jarraitu beharreko eredu bat da. Ideiaz gainezka dagoen ekonomista bat da eta bere liburuak 30 hizkuntza baino gehiagotan inprimatu dira. 3.000 zientifiko batzen dituen talde batekin lan egiten du, gauzak egiteko modua optimizatu, berrerabili, aprobetxatu eta nola pentsatzen ari den ikerlari sare batekin, hain zuzen ere. Horrez gain, unibertsitateko irakaslea ere bada eta bere bizitzan zehar 10 enpresa sortu ditu.

Azaro Fundaziotik ere kontutan hartu nahi da Lea-Artibai eskualderako negozio ideia berriak identifikatzeko ekonomia urdinaren ikuspuntua.

Gai honen inguruko informazioaren berri ematen joango gara hurrengo Newsletterretan.

 

SPRIren +Innova Txekea eskatzeko epea bukatu da

Kontuz, leiho berrian zabalduko da PDF fitxategiaInprimatuE-posta

SPRIren +INNOVA TXEKEA eskatzeko epea egon den eskari kopurua dela eta, zarratu egin da. SPRIk aldez aurretik zarratu du eskariak egiteko aukera.

 

Ekintzaileentzat ikastaroa maiatzean

Kontuz, leiho berrian zabalduko da PDF fitxategiaInprimatuE-posta

Urtero lez, maitzaren 6tik 16ra bitartean, ekintzaileei zuzendutako ikastaroa eskainiko du Leartibai Garapen Agentziak, Markina-Xemeinen dagoen Lea-Artibai Berrikuntza Guneko bigarren solairuan.

Norbere negozioa martxan jarri nahi duen ororentzat, oso interesgarria da Ikastaro hau egitea. Hona hemen dituen onura ezberdinak: enpresa bat gestionatzeko orduan kontutan izan beharreko gai ezberdinak tratatzen dira bertan. Bestalde, Bizkaiko Foru Aldundiaren eskutik eskaintzen den dirulaguntza baten lorpenerako, erraztasunak eta baldintza hobeak suposatzen ditu ikastaroa egin ondoren lortzen den ziurtagiri edo diplomak.

Inguruan norbere negozioa martxan jarri nahi duen pertsonaren bat baduzu, esaiozu, oraintxe dela une egokia ikastaroa egin eta 5000€ra arteko dirulaguntza jasotzeko, enpresaren lehen urteko gastu ezberdinei aurre egiteko. Etorri Azaro Fundazioa edo Leartibai Garapen Agentziara; atsegin handiz lagunduko dizugu negozio-ideia garatu eta dirulaguntza ezberdinak tramitatzen.

 

JPAGE_CURRENT_OF_TOTAL

AGENDA

Azkeneko hilabetea Otsaila 2019 Hurrengo hilabetea
A A A O O L I
week 5 1 2 3
week 6 4 5 6 7 8 9 10
week 7 11 12 13 14 15 16 17
week 8 18 19 20 21 22 23 24
week 9 25 26 27 28

Hurrengo Ekitaldiak

Ekitaldirik gabe