HARPIDETZA

Sare sozialak

BERRIAK

Enpresa Txiki eta Ertainen Elkargunea ospatu da maiatzaren 14ean

Kontuz, leiho berrian zabalduko da PDF fitxategiaInprimatuE-posta

Azaro Fundazioak maiatzaren 14.eguna aukeratu zuen Enpresa Txiki eta Ertainen bigarren elkargunea antolatzeko. Eskualdeko 12 enpresak hartu zuten parte jardunaldian. ETEn arlo komertziala hobetzeko helburua duen bigarren saioa izan zen maiatzean egindakoa, oraingo hobetan Prospekzioa salmenta puntuaren hasiera gaitzat hartuz. Partehartzaileen balorazio oso positiboa jaso zuen jardunaldiak. 2012.urterako antolatutako ETEntzako Elkarguneen hirugarren eta azken saioa urriaren 1ean egingo da, Lea-Artibaiko Berrikuntza Gunean, Merkatal lotura eta hazkundea hizpide hartuz.

 

Azaro Fundazioak Finlandiara bidaia egingo du Healthy Food aukerak ezagutzeko

Kontuz, leiho berrian zabalduko da PDF fitxategiaInprimatuE-posta

Finlandia elikagai osasuntsuen esparruan Europako herrialderik aurreratuena izanik, Azaro Fundazioak herrialde horretan Healthy Food-aren inguruan egiten den lana ezagutzeko asmoz bisita bat egingo du. Bidaia hau, enpresekin elkarlanean aritzen diren erakundeek elikagai enpresen lehiakortasunerako erabiltzen dituzten metodologiak, proiektuen identifikazio, garapen eta negozio berriak martxan jartzeko metodologia eta dinamikak ezagutzeko helburuarekin prestatu da.   Gainera, Lea-Artibai eta ingurune hurbileneko enpresa sarearen artean egon daitezkeen sinergiak identifikatu eta elkarlana gauzatzeko akordioak bultzatzea ere aurreikusita dago; ekoizpen, banaketa, eta teknologi transferentzia akordioak lortzea, proiektu bateratuak martxan jartzeko aukerak identifikatzea eta sortzea...

Helburu hauek lortzeko hainbat erakunde, ikerketa zentro eta enpresetara egingo du bisita Azaro Fundazioak:

o   Helsinki Business and Science Park (HBSP)

o   VIIKKI FOOD CENTER

o   MTT Agrifood Research Center

o   VTT Technical Research Centre of Finland. Business from technology

o   Kalatukku E.Eriksson

o   Viking Seafood

o   Nofu Oy

o   FlowDrinks

o   Kruunu Herkku

o   Kokkikartano

Ekainaren 18 astean ezarriko ditu Azaro Fundazioak enpresekin lan egiten duten erakundeen artean eta Finlandia eta Lea-Artibai inguruko enpresen artean elkarlanak bultzatzeko oinarriak.

Ekaineko buletinean emango dira ezagutzera Finlandiako misioaren emaitzak.

 

Europan parte hartzeko kolaboratzaile bila

Kontuz, leiho berrian zabalduko da PDF fitxategiaInprimatuE-posta

Innobasquek eta SPRIk, Eusko Jaurlaritza, CDTI eta Europar Batzordearekin lankidetzan,“Europako I+G-eko VII. Esparru Programa eta 2020 Horizontea. LANKIDETZA AUKERA BERRIAK I+G+b-N”, topagunea antolatu dute. Topaketa  uztailaren 3an, BEC- Bilbao Exhibition Centre-ean iznago da.

Topaketaren helburuak hurrengoak izango dira:

Informatzea:Europar Batzordeak finantzatuko dituen ikerkuntza-lerroez 2012ko uztailaren azken aldian Europako I+G-aren VII. Esparru Programaren azken deialdietan. EEk 10.000 M€ esleituko ditu deialdi horietara aurkeztuko diren proiektuetarako.

Lan-gune bat sortzea:Euskadiko enpresen, ikerkuntza-zentroen, unibertsitateen eta abarren arteko aldebiko topaketetarako, horrela interes erkideak identifika ditzaten haien lankidetza bideratuz  I+G+b-ko proiektuetan.

Aurreratzea:2020 Ostertza, ikerkuntza eta berrikuntzako geroko europar programari buruzko informazioa.

14:30etatik hasita lanerako gune bat prestatuko da eta bertan elkarrizketak egin ahal izango dituzue Euskadiko beste erakunde batzuekin. Alde biko topaketa horien helburua geroko lankidetzatarako bazkide berriak bilatzea da I+G+b-n, bai eta proiektu-ideia berriak trukatu, eztabaidatu eta garatzea ere. Gainera, elkarrizketak eskatu ahal izango dira gertaldian izango diren National Contact Points-ekin (NCP). Parte hartzeko, beharrezkoa da Lankidetza Profil bat gutxienez  argitaratzea honako estekaren bitartez: www.b2match.eu/7pmbilbao2012.

Informazio gehiango nahi izanez gero jar zaitez gurekin harremanetan.

Argibide gehiagorako eta ekitaldian izena emateko, erabil ezazue honako esteka hau:www.euskadinnova.net

 

Novia Salcedo Fundazioa, Deustokabi eta Esade Creapolis ezagutuz

Kontuz, leiho berrian zabalduko da PDF fitxategiaInprimatuE-posta

Azaro Fundazioko kideak Novia Salcedo Fundazioan, Deustuko Unibertsitateko Deustokabin eta Esade Creapolisen izan dira maiatzean, erakundeotako jarduna ezagutze aldera. Bartzelonan kokatutako Esade Creapolis, Berrikuntza Irekia egiteko nazioarteko zentroa da eta hainbat sektoretako 50etik gora enpresa kokatzen dira bertan, elkarren arteko lankidetzan arituz. Deustokabi berriz, Deustuko Unibertsitatearen baitan, oinarri teknologikodun enpresa berriak sortzeko haztegia da, unibertsitatearen barruan sortutako enpresa proiektuei eta ekintzaileei laguntza emateko xedea duena. Novia Salcedo Fundazioa, bere aldetik, globaltasunera irekitako erakunde berritzailea da, bikaintasun printzipioak oinarri hartuta jarduten duena. Berrikuntza kudeatzeko metodoak, ekintzailetza soziala bultzatzeko eredua eta inkubategi zerbitzu tipologia desberdinak ezagutzeko aukera izan da bisita hauetan.

 

Sormena lantzeko trebakuntza Neuronillaren eskutik

Kontuz, leiho berrian zabalduko da PDF fitxategiaInprimatuE-posta

Maiatzaren 9 eta 10ean, sormenari buruzko ikastaroa hartu zuen Berrikuntza Guneak. Neuronilla, sormen arloan aditu den konpainiaren eskutik, sormen saio baten erabil daitezkeen teknikak erakusteaz gain, erakunde sortzaileak izateko kontutan hartu beharreko irizpide eta prozesuak kontrastatzeko aukera izan zen Berrikuntza Guneko sormen gelan. Cikautxo, Eika, Isoleika, Fagor Ederlan, Lea-Artibai Ikastetxea, Leartiker eta Azaro Fundazioko kideek hartu zuten parte ikastaroan.

Pilar Peña, Neuronilla konpainiako kideak, sormena landu beharreko gaitasuna dela azpimarratu zuen eta sortzaile izateko entrenatu egin daitekeela. Egungo gizartean sortzaile eta ekintzaile izatea eskatzen da, askotan baita exijitu ere, baina ez da gaitasun horiek lantzeko aukerarik eta baliabiderik eman orain arte. Erakunde sortzaileak nahi izanez gero, ezinbestekoa da, beraz, pertsonei sortzaile izaten erakustea eta praktikan jartzeko aukerak eskaintzea.

Hauek dira, bi eguneko ikastaroan jaso eta ikasitako ideia nagusiak:

-       Izan sortzaile, arlo pertsonalean hasita.

-       Sortzaile izateko entrenatu egin behar da.

-       Ideiak asmatzeko, sortzaile izateko tresna gure gorputz osoa da, ez bakarrik burua.

-       Sormenaren ondoren dator Berrikuntza.

-       Sormen prozesua: ideien ekoizpena/balorazioa/konkrezioa-garapena.

-       Sormen prozesua ez da ideiak izatea soilik, prozesu guztia bete beharra dago.

-       Motibaziorik gabe ez dago sormenik.

-       Sormen saio baten helburuak argia eta ondo zentratua egon behar du.

-       Ideia jarioa ez da ideiak sortzeko fasera mugatu behar, prozesuko urrats guztietan gertatu behar du.

-       Pentsamendu lateraletik egin behar da lan

-     Gauza txikienetik hasi sortzaile izaten: ideiak jasotzeko koadernoa poltsan izan, arazo bati bost irtenbide eman, norbere buruari domina bat jarri zerbait positiboa egiterakoan, gai baten inguruan kritikatu gabeko ideia jarioa egiteko denbora hartu, zerbait negatiboa gertatzerakoan ikuspuntu positiboa landu.

 

JPAGE_CURRENT_OF_TOTAL

AGENDA

Azkeneko hilabetea Abuztua 2018 Hurrengo hilabetea
A A A O O L I
week 31 1 2 3 4 5
week 32 6 7 8 9 10 11 12
week 33 13 14 15 16 17 18 19
week 34 20 21 22 23 24 25 26
week 35 27 28 29 30 31