HARPIDETZA

Sare sozialak

BERRIAK

Azaro Fundazioak, eskualdeko enpresentzat Informazio Estrategikorako Sistema garatu du

Kontuz, leiho berrian zabalduko da PDF fitxategiaInprimatuE-posta

Erakunde orok (publiko/pribatu, txiki/handi, eta edozein sektorekok) bere eguneroko jarduera burutzeko eta estrategia definitzekoinformazio ezberdina erabiltzen du. Beste alde batetik, erakundeentzako egunetik egunera gero eta informazio gehiago dago eta informazio hori gehienetan digitalizatuta eta Sarearen dago. Gure eskura dagoen informazio kopurua etengabe hazten doa eta gero eta zailagoa da interesgarriak diren iturriak aurkitzea eta fidagarria den informazioa, fidagarria ez denetik bereiztea.

Hori dela eta, begi aurrean zabaltzen zaizkigun aukerak eta abantailak aprobetxatu nahi baditugu, informazioaren hedapena eta azterketa, sarbidea eta kokapenaren inguruko metodologiak eta erramintak inplantatzeko gai izan behar gara erabakia hartzeko orduan erabiltzaileak aintzat hartzeko asmoz.

Egoera honetaz oharturik, Azaro Fundazioak informazioaren bilaketa, azterketa eta erregistroa koordinatzeko gai den Informazio Estrategikorako Sistema (IES) bat garatu berri du, geroko balorazioa eta balorean-jartzea kontutan hartzeko.

IES erabiltzeari etekina atera nahi dioten eskualdeko enpresek, era sistemiko batez testuinguruaren behaketa eta azterketaren prozesu bat jarri beharko dute martxan, zaintza helburuak zehaztu, informazio iturriak identifikatu eta balidatu eta enpresei modu eraginkorrez jardun eta erabakitzea ahalbidetuko dien laneko dinamika batekin. 

Informazio Estrategiko Sistemaren bitartez behaketa sistema inplantatzean bilatzen diren emaitzak hauek dira:

-        Aurretik jarri, tendentziak, aldaketak detektatzea

-        Arriskuak murriztea, mehatxuak identifikatzea

-        Berritu, ideia berriak definitu, arazoak konpondu

-        Kooperatu, aditu, kide berriak ezagutzea

Erreminta eta teknika hauek martxan jarriz, negozioaren adimenean iturri ezberdinetatik datozen eta sakabanatutako datuak eraldatzea bilatzen dute enpresek.

 

Zabalik da Ekonomia eta Lehiakortasun Ministerioaren INNPACTO deialdia

Kontuz, leiho berrian zabalduko da PDF fitxategiaInprimatuE-posta

Erakunde publiko zein pribatuen eta enpresen arteko lankidetzaz bultzatutako ikerketa proiektuak babesten dituen deiladia da. Produktuak, prozesuak eta zerbitzuak oinarritzat dituen I+G+b proiektuak garatzeko asmoz ateratako deialdia da, beti ere, eskarira eta merkatura bideratutako orientazio argi batekin.

Zientzia-Teknologia-Enpresa agente guztiei zuzenduta dago: enpresak, unibertsitate publiko eta pribatuak, ikerketa zentro publiko eta pribatuak, berrikuntza teknologikoa babesten duten zentruak, enpresa elkarteak, ikerketa erakunde publikoak...

Aurkezteko epea uztailaren 17a arte egongo da irekita.

Informazio gehiago edo eskaera egiteko aholkularitza behar baduzu, Azaron lagunduko dizugu eskaera bideratzen.

 

Aitor Arriaga, Leartikerreko doktore berria

Kontuz, leiho berrian zabalduko da PDF fitxategiaInprimatuE-posta

Lea Artibai Ikastetxeak LEARTIKER markapean burutzen ditu Ikerketa eta Teknologia jardunak eta Euskadiko Zientzia, Teknologia eta Berrikuntza Sareko (RVCTI) kidea da.

Leartikerren ikerkuntza eremua elikagaien industria eta polimeroak dira. Polimeroen atalari dagokionez, lau ikerketa lerro nagusi jorratzen dira eta horretaz gain enpresei zerbitzu teknikoak eskaintzen zaizkie, laborategia, produktu diseinua eta metrologia esparruetan.

Hain zuzen ere, doktoretza atera berri duen Aitor Arriaga da horretaz arduratzen den langileetako bat.

Aitor Arriagak 34 urte ditu, ingeniaria da, Mendexan jaioa. Lea-Artibai Ikastetxean egin zituen bere ikasketak Polimeroen Ingeniaritzan. 11 urte baino gehiago daramatza Lea-Artibai Ikastetxea eta Leartikerren lanean eta aurten Polimeroen Ingenieritzan Doktore bihurtu da.

Zein da Leartikerren burutzen duzun lana?

Leartikerren ikerkuntza lerro ezberdinak ditugu: material berrien garapena, materialen karakterizazio mekanikoa eta simulazioa, transformakuntza eta simulazioa eta zaintza teknologikoa.

Mometu honetan nire lana bigarren lerro hau koordinatzea da eta tesia ere eremu honetan garatu da.

Aurten London Metropolitan University-ren PhD in Polymer Engineering titulua atera duzu. Nolakoa izan da doktoretza hau lortzeko ibilbidea?

Plasticity and Impact Test Studies on Thermoplastic Materials, Finite Element Analysis and Experimental Correlation (Estudios de Plasticidad e Impacto en Componentes de Material Termoplástico. Análisis por Elementos Finitos y Correlación Experimental) (Material Termoplastikoa duten Osagaien Plastikotasun eta Talkaren Ikaskuntza. Elementu Mugatuen Analisia eta Korrelazio Esperimentala). 2003an hasi nintzen Doktoretza prestatzen, aldi berean lanean jarraitu eta irakasle lanean ere banenbilen, eta 2012ko maiatzaren 8an egin dut doktoretzaren defentsa.

Zein da doktoretza honen helburua?

Gaur egun plastikoak gero eta gehiago erabiltzen dira aplikazio estrukturaletan. Hau da, gaur egun plastikoak kotxeetan edo bestelako edozein aplikaziotan erabiltzen dira, ez estetika ikuspuntu batetik bakarrik, baita kargak jasateko edo segurtasuneko elementuetara bideratuta ere. Adibidez, kotxeen kasuan kolpe-leungailuak inpaktuetarako eta bidaiariari ahalik eta min gutxien egiteko diseinatzen direla badakigu. Pieza horiek, plastikozko materialetan egiten dira egun, eta nire lana izan da material hoiek nola karakterizatu edota nola atera propietateak aldez aurretik, gero ordenagailu baten bidez simulazioak egin ahal izateko. Bi material ezberdin aztertu ditut doktoretza honen baitan, polipropilenoa eta pc+abs. Adibidez, kolpe-leungailuaren adibidearekin jarraituz, ordenagailuko programa baten bidez kolpe-leungailua marraztu eta inpakto baten efektoa simulatzen dut eta horren arabera, pieza horren konportamentua aztertu eta errealitatera hurbiltzen den edo ez ikusten dut.

Zein da Leartikerren estrategia doktoretzak tutorizatzearen inguruan?

London Metropolitanen begirale bat eta ikasketa burua izaten ditugu eta Leartikerrek tutore bat jartzen du proiektuaren eguneroko jarraipena egiteko eta London Metropolitanekin egin beharreko kudeaketak arintzeko. Horrez gain, Leartikerren dauden tresneria eta programa informatiko guztiak erabiltzeko aukera izaten dugu, bai programa informatikoak, entseguetarako makinak, probetak ataratzeko makinak... erreztasun eta instalazio guztiak izaten ditugu eskura proiektua garatzeko eta babes teknikoa eta administratiboaz eta finantziazio iturriez gain.

Doktoretzak garatzean Leartikerrek duen helburua, espezialialistak edo adituak sortzea da. Eguneroko lanak, enpresei zerbitzu azkarrak eskeintzeko aukera ematen du, baina ezagutza konplexuak edo epe luzerako ezagutzak izateko doktoretzak landu behar dira. Tematika baten ikertzen jarduten dute doktoreek, gero ezagutza hori industria munduan aplikatzeko, enpresek guri egiten dizkiguten eskaeretan honelako lanak egiteko aukera edo beharrizana dago.

 

Enpresekin Tutoretza Komertziala programa lantzen

Kontuz, leiho berrian zabalduko da PDF fitxategiaInprimatuE-posta

Azaro Fundazioak 2012 urtean izandako arlo komertzialarekin loturiko elkarguneei jarraipena eman nahian, Tutoretza Komertziala programa diseinatu du, enpresei beraien arlo komertzialean izan ditzaketen zailtasunetan laguntza emateko. Elkarguneetara hurbildu diren eskualdeko hainbat enpresekin hasi gara jada programa hau lantzen.

Programaren helburua enpresari estrategia komertzial bat lantzen laguntzea da, euren bezeroen segmentazioaren bidez emaitza hobeak lortzen laguntzeko. Hasierako diagnostiko batetik abiatuz, estrategia komertzial bat definitzen eta garatzen lagunduko zaie, beraien egungo bezero eta etorkizuneko bezero potentzialen kartera hobeto gestionatu eta plan komertziala eta marketin ekintzak segmentu bakoitzera egokituz.

 

Ekintzailetzaren Euskal Zerbitzuko kide gara

Kontuz, leiho berrian zabalduko da PDF fitxategiaInprimatuE-posta

Azaro Fundazioa Euskadiko ekintzailetza komunitateko kide da jada, Ekintzailetzaren Euskal Zerbitzuko eragile bezala homologatua izan baita. Zerbitzu hau, Euskadin ekintzailetzaren alorrean lanean ari diren erakunde zein eragileek atzemandako baliabideak koordinatzeko beharrari erantzuna emateko abiarazi da ekimena.

Ekintzailetzaren Euskal Zerbitzua, Euskadiko edozein jarduera ekintzailearen sorburu izan da. Eta honen emaitza da, Euskadi Emprende markaren sorrera, edozein ekintzailek edota ekintzailetzarekin harremana duen edozein erakundek behar dituzten irtenbideak sinbolizatzen dituen marka.

Erreferentzia eta babes puntu bat da, proiektu berriek har ditzaketen balizko bideak islatzen dituena. Proiekturik berritzaileenen sorreraren inguruan dauden zailtasunei erantzuna bilatzeko oinarri sendoa da. Euskadi Emprendek euskaldunon ekintzaile izaera indartu eta bultzatuko duen esparru bilakatu nahi du, erreferentzia bat Euskadin, baita edozein tokitako ekintzailearentzat ere.

 

JPAGE_CURRENT_OF_TOTAL

AGENDA

Azkeneko hilabetea Urtarrila 2019 Hurrengo hilabetea
A A A O O L I
week 1 1 2 3 4 5 6
week 2 7 8 9 10 11 12 13
week 3 14 15 16 17 18 19 20
week 4 21 22 23 24 25 26 27
week 5 28 29 30 31

Hurrengo Ekitaldiak

2018 azaroak 15
Visio biltzarra 2018