HARPIDETZA

Sare sozialak

BERRIAK

Azaro Fundazioaren 10. urteurrena ospatzen

Kontuz, leiho berrian zabalduko da PDF fitxategiaInprimatuE-posta

Aurten Azaro Fundazioak 10 urte bete ditu eta hori ospatzeko maiatzaren 14tik 17ra ekintza ezberdinak antolatu ziren: Enpresa Proiektu Lehiaketaren sari banaketa, Ekintzaileen II.Topaketa, eskualdeko kazetariekin bisita gidatua eta Berrikuntzaren Dinamikak izeneko jardunaldia. Gainera, 10 urteko ibilbide honetan egindako jarduera guztien berri emateko txosten bat prestatu da. Buletin honen "Argitalpenak" atalean aurkituko duzun txosten honetan Azaro Fundazioak bere lehen pausuak eman zituen egunetik gaur arte izan duen bilakaeraren berri izango duzu.

Maiatzaren 14an Ekintzaileen II.Topaketaren txanda izan zen. Grupo Bentaseko ordezkari baten laguntzaz, Merkataritza Kudeaketaren inguruko tailerra antolatu zen, ekintzaileei bezeroarekin kontaktu egituratu baten beharrizanaz ohartarazteko eta kudeaketa komertziala era eraginkor batez lantzeko jarraibide batzuk era erraz batean aurkezteko asmoarekin. 2010 urteaz geroztik eratutako edo eraketa-bidean diren enpresetako 14 ekintzaile bertaratu ziren tailer honetan parte hartzera. Krisiak egun duen eragina eta lan komertzialaren garrantzia izan ziren topaketa honetan landu ziren gaietako batzuk. Bukaeran tailerrean komentatutako gauzen artean garrantzitsuena zein iruditu zitzaien galdetuak izan zirenean, ekintzaile asko bat etorri ziren lan komertzialak duen garratziaz ohartaraztean eta horretan indar gehiago jartzeko desioan. Topaketari amaiera emateko, Enpresa Proiektu Lehiaketako sari bi banatu ziren: zerbitzuetako edo industriako enpresa berritzaileak edota oinarri teknologikoa dutenak modalitatearen barruan Euarixi Boards izan zen saritua, Longboard taula eta osagarrien diseinua, ekoizpena eta salmentan oinarritutako enpresa. Merkataritza, turismo eta zerbitzu sektoreko enpresen modalitatean berriz, Ekologikoak izan zen saritua, produktu ekologikoen on-line bidezko salmentan oinarritzen den enpresa. Bakoitzak 3.000€ko saria eraman zuen enpresa proiektua abiarazi eta garatzeko. Saria emateko orduan kontutan hartutako irizpideetako batzuk hauek izan ziren: proiektu berritzailea edota originala izatea, bideragarria, enplegua sortzeko potentzialitatea izatea eta Lea-Artibai eskualdea aurrera eramateko aukera eta egokitzapena izatea, besteak beste.

Maiatzaren 16an eskualdeko kazetariekin bisita gidatu bat egin zen Azaro Fundazioaren instalakuntzetan zehar. Ordu eta erdi inguru iraun zuen bisita honetan kazetariekin Azaro Fundazioak bere eraikinean dituen eremu ezberdinak bisitatzeaz gain, fundazioak 10 urtetan egindako ibilbidearen barri eman zitzaien.

Azkenik, ostegunean (maiatzak 17) Berrikuntza-dinamikak jardunaldia antolatu zen.

 

 

 

Berrikuntza, maiatzaren 17ko jardunaldiaren ardatz

Kontuz, leiho berrian zabalduko da PDF fitxategiaInprimatuE-posta

Berrikuntza izan da hizketagai nagusi maiatzaren 17an Berrikuntza Guneko auditoriumean; hasteko, eta Berrikuntza ardatz hartuta, Azaro Fundazioak antolatutako mahai ingurua egin zen, Tecnalia, Esade Creapolis, Innobasque, MIK eta BEAZ erakundeen parte hartzearekin.

Ainara Basurko, Azaro Fundazioko zuzendariaren gidaritzapean aritu ziren Manuel Olariaga, Tecnaliako Berrikuntza eta Gizarte arloko zuzendaria; Edgar Jordá, Bartzelonako Esade Creapoliseko Business Developer; Ignacio Lacunza, Innobasqueko Enpresa Azeleratzaile programaren arduraduna; Jon Aldazabal, MIKeko proiektu arduraduna; eta BEAZeko Prozesu Operatiboen arduradun Joseba Mariezkurrena.

Berrikuntza Dinamikei buruzko gogoetak egin zituzten hizlariek, ko-kreazio eta barne-ekintzailetzaren bidez berrikuntza proiektuak sortzeko metodologiak aztertuz: berrikuntzaren kudeaketa, berrikuntza gaitasuna etabar…

Mahai ingurua amaituta, berrikuntza metodologiak aplikatu dituen enpresa baten eskarmentua ezagutzeko aukera izan zuten bertaratutakoek; Cikautxok berrikuntza nola kudeatu duen azaldu zuen Gonzalo Martin, enpresako Berrikuntza arduradunak, baita negozio berriak identifikatu eta martxan jartzeko prozesua nola bideratzen duen ere.

Ekitaldiari amaiera emateko, Berrikuntza proiektu onenaren Saria banatu zen. Markina-Xemeinen kokatutako Itsaskorda enpresa izan zen, enpresek aurrera eramandako berrikuntza proiektu onenaren saria jaso zuena, 5.000 euroko saria hain zuzen ere, Off-shore amarreen garapena proiektuari esker.

Lea-Artibai eskualdeko hainbat enpresetako kide eta arduradunak hurbildu ziren Berrikuntza Gunera, berrikuntzari buruzko jardunaldian partehartzeko, guztira 40tik gora lagun.

Berrikuntza Dinamikak txostena ikusi

 

Bost urteko epean, Lea-Artibai eskualdeko enpresa industrialek 6 milioitik gora euro jaso dituzte definitutako proiektuak garatzeko

Kontuz, leiho berrian zabalduko da PDF fitxategiaInprimatuE-posta

• 2006tik 2011ra Lea-Artibai eskualdean dirulaguntza jaso duten proiektuen totala 209koa da eta lortutako zenbatekoa 6.323.450,89€koa.

• Dirulaguntza hauek nazioartekotasunarekin, lehiakortasunaren hobekuntzarekin eta batez ere, BERRIKUNTZAREKIN erlazionatuta daude.

• Dirulaguntza hauen gehiengoa enpresak AZARO FUNDAZIOArekin egindako elkarlanari esker lortu dira.

• Momentu honetan dauden eta enpresek eskatu ditzaketen dirulaguntza hauek dira:

·      COMPITE: LEHIAKORTASUNA HOBETZEKO EKIMENAK.

·      +INNOVA:BERRIKUNTZA BIKAINEKO PROIEKTUAK

·      +INNOVA:BERRIKUNTZA ETA LEHIAKORTASUN BIDEAK

·      CHEQUE+INNOVA

                (Gainerako laguntzak LEIHATILA atalean kontsultatu daitezke)

 

SPRIren Finantza-gaikuntza eta -babesa emateko programaren diru laguntza jaso dute eskualdeko sei enpresek

Kontuz, leiho berrian zabalduko da PDF fitxategiaInprimatuE-posta

Spriren Finantza-gaikuntza eta –babesa emateko programaren diru laguntza jaso dute eskualdeko sei enpresak Azaro Fundazioaren eskutik. Programaren xedea honako hau da: Industria, Merkataritza eta Turismo alorreko enpresa eta autonomoei finantza-kudeaketan prestakuntza eta euskarria ematea, homologatutako aholkularien bidez. Prestakuntza teorikoa, prestakuntza praktikoa eta aholkulari/tutore homologatuen laguntza dira programak eskaintzen dituen urratsak. Azaro Fundazioa 2010.urtean bihurtu zen programa honen aholkulari homologatu eta ordutik hona eskualdeko 15 enpresak hartu dute parte programa honetan.

 

 

 

Enpresa Txiki eta Ertainen Elkargunea ospatu da maiatzaren 14ean

Kontuz, leiho berrian zabalduko da PDF fitxategiaInprimatuE-posta

Azaro Fundazioak maiatzaren 14.eguna aukeratu zuen Enpresa Txiki eta Ertainen bigarren elkargunea antolatzeko. Eskualdeko 12 enpresak hartu zuten parte jardunaldian. ETEn arlo komertziala hobetzeko helburua duen bigarren saioa izan zen maiatzean egindakoa, oraingo hobetan Prospekzioa salmenta puntuaren hasiera gaitzat hartuz. Partehartzaileen balorazio oso positiboa jaso zuen jardunaldiak. 2012.urterako antolatutako ETEntzako Elkarguneen hirugarren eta azken saioa urriaren 1ean egingo da, Lea-Artibaiko Berrikuntza Gunean, Merkatal lotura eta hazkundea hizpide hartuz.

 

JPAGE_CURRENT_OF_TOTAL

AGENDA

Azkeneko hilabetea Abendua 2018 Hurrengo hilabetea
A A A O O L I
week 48 1 2
week 49 3 4 5 6 7 8 9
week 50 10 11 12 13 14 15 16
week 51 17 18 19 20 21 22 23
week 52 24 25 26 27 28 29 30
week 1 31

Hurrengo Ekitaldiak

2018 azaroak 15
Visio biltzarra 2018