HARPIDETZA

Sare sozialak

BERRIAK

Ekintzailetza sustatzen

Kontuz, leiho berrian zabalduko da PDF fitxategiaInprimatuE-posta

Hilabete hauetan Azaro Fundazioak ekintzailetza bultzatzeko hainbat ekimen izan ditu esku artean:

Lea-Artibaiko V. ekintzailearen eguna

Esaterako apirilaren 29an Berriatuan ospatu zen Lea-Artibaiko Ekintzailearen Eguna, eskualdeko ekintzaileentzat ezinbesteko hitzordua bilakatu dena eta Azaro Fundazioak eta Leartibai Garapen Agentziak batera antolatzen dutena. Aurten eskualdeko sei ekintzaile izan dira Berriatuan, beraien zerbitzuak eta produktuak erakusten Enpresa Berrien V. Azokan: SAGARRA MANTZANA FRUTATEGIA (Berriatua), ROSA ETXABE ARTISAUTZA (Etxebarria), IKU ARGAZKI ESTUDIOA (Markina-Xemein), GAZI GOZO MAKAILUA ETA OLIBA OLIOA (Munitibar), AMAIA BLANCO ARTISAUTZA (Lekeitio)eta ZAINDUZ FISIOTERAPIA ETA ERREHABILITAZIOA (Ondarroa).

Egunean zehar bisitariek postuetan zehar buelta bat eman eta ekintzaileekin hitz egiteaz gain, egunean bertan ospatzen zen Nekazal eta Arrain Kontserben Azokaz gozatzeko aukera ere izan zuten. Eguraldia lagun eta trikitilariek girotuta, jende ugari pasatu zen Berriatuko plazatik.

Lea-Artibaiko XI. Enpresa Proiektu Lehiaketa

Egun horretan urtero ospatzen den Lea-Artibaiko Enpresa Proiektu Lehiaketaren sari banaketa egin zen. Ekintzaileen ahalegina eta lana saritzea helburu duen ekimen honen hamaikagarren edizioko saridunak hauek izan ziren:

• Oinarri teknologiko/berritzailea duten enpresak industrial eta zerbitzuetakoakmodalitatean ENERTEK energia berriztagarrien instalazio eta mantenimendu zerbitzu integrala eskaintzen duen enpresaizan zen irabazlea eta 2.000€-ko saria eskuratu zuen.  Oinarri teknologikoa, hazten jarraitzeko daukan potentziala eta eskaintzen duen zerbitzu integrala erabakigarriak izan ziren saria emateko orduan.

• Merkataritza, ostalaritza, turismo eta zerbitzu enpresak modalitatean ZAINDUZ FISIOTERAPIA ETA ERREHABILITAZIOA gailendu zen 1.500€ko sariarekin. Bereziki baloratu zen osasun arlora bideratuta dagoela eta eskualdean potentzial handia izan dezakeen zerbitzu berria eskaintzen duela.

• Kooperatiba izaera juridikoa duten enpresak (edozein izanik bere jarduera)modalitatean 2.000€-ko saria banatu da eta HERRIBIXI kooperatibarentzako izan zen. Kultur ekintzen eta dinamizazioaren bitartez euskarari eta euskal kulturari bultzada emateko sortu den enpresa berri honek gainera, gazte eta umeentzako antzerki saioak ere eskainiko ditu. Kooperatiba izaera izateaz gain, berrikuntza sozialera bideratutako eta gure kultura eta nortasuna indartzeko helburuarekin sortutako enpresa izatea kontutan hartu zen saria ematerakoan.

Ekin pausoz pauzo ekintzaileentzat ikastaroa

Horrez gain, enpresa sortzen laguntzeko ekintzaileei bideraturiko Ekin pausoz pauzo ikastaroa ere antolatu zuen Azaro Fundazioak apirilaren 25etik maiatzaren 5era. Markina Xemeingo Berrikuntza Gunean antolatu zen ikastarora bertaratuek enpresaren inguruko gestio arloko oinarrizko kontzeptuak landu zituzten, hala nola, arlo komertziala, arlo ekonomikoa, izaera juridiko ezberdinen ezaugarriak….

Ikastaroaren balorazioa oso positiboa izan da, eta orain bakoitzak bere proiektuan aplikatu beharko ditu ikasitakoak. Gainera orain Azaro Fundazioaren eta Leartibai Garapen Agentziaren tutorizazio laguntza jasoko dute, euren negozio ideiaren bideragarritasun plana lantzeko. Ondoren, enpresa sortzea erabakitzen badute Bizkaiko Foru Aldundiaren dirulaguntzak eskatzeko aukera izango dute.

 

Urte bat darama Azaro Fundazioak Bizkaiko Foru Aldundiak gidatutako Bizkaia Lehiakorra egitasmoan lanean

Kontuz, leiho berrian zabalduko da PDF fitxategiaInprimatuE-posta

Bizkaia Lehiakorra proiektua duela urte bete BFA-ko Ekonomia eta Lurralde Garapena Sustatzeko Sailak Bizkaian garapen ekonomikoaren inguruan lanean dabiltzan hainbat erakunderekin batera martxan jarri zuen egitasmoa da.

Lehenengo urte horren balantzea egiteko, apirilaren 28an BIC Bizkaia Ezkerraldearen eraikinean (Barakaldo) bildu gara erakunde guztiok. Bertan, Imanol Pradales-ek, Ekonomi eta Lurralde Garapena Sustatzeko Foru Diputatuak, hamabi hilabeteko lanaren ondorioak eta Bizkaiko eskualdeen espezializazio eremuak  aurkeztu ditu. Halaber, Orkestraren eskutik era honetako prozesuak errazteko hausnarketak ezagutzeko aukera izan dugu, eta ondoren Beaz-ek lan urte guzti honetan Bizkaiko eskualdeen garapen ekonomikorako erakunde guztion lankidetzaren bidez identifikatutako erronken berri eman du.

Ondoren, Bizkaiko eremu bakoitzean erronka honen baitan lanean gabiltzan erakundeen ikuspuntua ezagutzeko aukera izan da, eta horretarako antolatutako mahai inguruan parte hartzeko aukera izan du Azaro Fundazioak. Bertan esandakoak laburbilduz, besteak beste:

• Lurraldearen garapenean lanean gabiltzan erakundeok agente dinamizatzaile bezala jokatzen dugun paperaren garrantzia

• Egin beharreko lanaren abiapuntua enpresa tipologiaren arabera ezberdina dela jakitea

• Epe luzeko proiektuak direla buruan izatea

• Lankidetzaren garrantzia

Aurretik dugun urtean, definitutako erronkak garatzea dugu helburu eta orain arte bezala guztiok elkarlanean ekingo diogu.

 

Gourmelikek balentze positiboa egin du Salón de Gourmets azokan izan duen parte hartzeaz

Kontuz, leiho berrian zabalduko da PDF fitxategiaInprimatuE-posta

Martxoan aurreratu genuen moduan, apirilean Salón de Gourmets azoka ospatu zen Madrilen, eta Heisa, Barrenetxe, Ondare eta Axpe enpresek osatzen duten Gourmelik enpresa-taldea bertan izan zen.

Salón de Gourmets soilik delicatessen produktuei eskeinitako Europako ekimen nagusia da; Europan arlo horretan dagoen azoka bakarra da, joera berrien erakusleihoa, sektoreko erreferentziazko ekitaldi profesionala, delicatessen produktu gehien biltzen dituena eta gaurkotasun gastronomiko-enologikoaren truke eta eztabaida foroa.

Adituen ustez 2017a arrakasta grastronomikoaren urtea izan da, guztira 80.872 profesional bisitari, 1.630 erakusketari eta 40.000 produktu egon baitira. Gourmeliken eskaintza ez zen oharkabean pasa, izan ere Euskal Herriko lehengai onenekin modu artisau eta naturalean ekoizten diren kalitate goreneko tokiko produktuak eskaintzen dituzte.

Enpresa- taldeak Gipuzkoako Merkataritza Ganberarekin, Eusko Jaurlaritzarekin eta Hazi-rekin batera parte hartu zuen, eta oso pozik dago egindako kontaktuekin.

Gourmeliki buruzko informazioa gehiago nahi izanez gero, beraien webgunea bisitatzea gomendatzen dizuegu: http://gourmelik.eus/

 

Azaro Fundazioak Global Innovation Day-n parte hartu zuen

Kontuz, leiho berrian zabalduko da PDF fitxategiaInprimatuE-posta

Joan den maiatzaren 16an Global Innovation Day ospatu zen Euskalduna Jauregian, Euskadin egiten den berrikuntzarekin lotutako ekimen garrantzitsuena. Berrikuntzarekin zerikusia daukaten hainbat ekintza egin ziren, esaterako tailerrak, konferentziak, solasaldiak, eztabaidak eta txokoak. Azken hauetan stand propioarekin parte hartu genuen. Bertan  IT – Innovation & Transform markaren aterkipean Azaroren berrikuntza dinamika aurreratuak aurkeztu genituen, bai enpresentzako bertsioa (IT Bussines), zein udaletxe eta zerbitzu publikoetara bideratua (IT Territory).

ITk eskaintzen dituen aukerak hurrengoak dira:

• Innovation Design: enpresetan berrikuntza sistemen ezarpena.

Proiektuen garapena: dibertsifikazio proiektuak identifikatu, baloratu, azkartu eta kudeatzea.

Lankidetza: lankidetzaren bitartez balio erantsi gehiago duten proiektuak sortzea.

Estrategia sortzailea: negozio ereduak berdefinitzea.

Ez dituzu ezagutzen? Horrela bada eta informazio gehiago nahi baduzu ez izan zalantzarik eta hurbildu gugana, Global Innovation Dayn dozenaka pertsonek egin zuten bezala.

 

Zabalik dago Inplantalari programan izena emateko epea

Kontuz, leiho berrian zabalduko da PDF fitxategiaInprimatuE-posta

Ekainaren 14an doako aholkularitza teknologikoa eskaintzen duen Inplantalari programari buruzko lau orduko saio bat egongo da Lea-Artibai Berrikuntza Gunean. Ekimen hau industria sektoreko 10 langile baino gutxiagoko enpresei zuzenduta dago. Inplantalari Eusko Jaurlaritzak sustatu du SPRiren bitartez, eta bere helburu nagusia euskal mikroenpresa eta autonomoen lehiakortasuna handitzea da, beraien negozioetan Informazio eta Komunikazio Teknologiak (IKT) ezarriz.

Ekimen honi esker Inplantalarik emandako doako aholkularitza teknologikoa jasotzen duten enpresek IKTetatik probetxua ateratzea lortuko dute. Hainbat helburutarako balio dezaketen doako tresnak erabiltzen ikasi eta negozioan ezartzeko aukera daukate: beraien produktu eta zerbitzuak promozionatzeko, bezero gehiago lortzeko, eguneroko kudeaketan denbora eta dirua aurrezteko, negozioaren irudia eta bezeroarekin harremana hobetzeko, zerbitzua bizkortuz kudeaketan eraginkorragoak izateko edo Interneten hobeto kokatzeko.

Inplantalari programari buruzko informazio gehigarria nahi izanez gero jarri gurekin kontaktuan: Helbide elektroniko honek spam bot-en kontrako babesa du. Ikusteko Javascript-a aktibatu behar duzu / 946169172.

Izena emateko azken eguna maiatzaren 29a izango da.

 

JPAGE_CURRENT_OF_TOTAL

AGENDA

Azkeneko hilabetea Apirila 2018 Hurrengo hilabetea
A A A O O L I
week 13 1
week 14 2 3 4 5 6 7 8
week 15 9 10 11 12 13 14 15
week 16 16 17 18 19 20 21 22
week 17 23 24 25 26 27 28 29
week 18 30

Hurrengo Ekitaldiak

2018 martxoak 20
Emakume ekintzaileen II. topaketa
2018 martxoak 21
TransferINN proiektuko bazkide bilera
2018 martxoak 22
RETRACE proiektuko nazioarteko difusio ekitaldia
2018 martxoak 23
Lea-Artibai Sarean