HARPIDETZA

Sare sozialak

BERRIAK

Zaintza teknologikorako sistemaren ziurtapena

Kontuz, leiho berrian zabalduko da PDF fitxategiaInprimatuE-posta

Azarok behatoki lanak egiteko erabiltzen duen zaintza teknologikorako sistema UNE 166:006 arauaren bidez zertifikatuko da. 166:006 arauak  behatoki teknologikoa garatzeko beharrezkoak diren prozesuak modu ordenatuan martxan jartzen laguntzen die erakundeei. Era honetako sistemek garapen eta tendentzia teknologiko berriak ezagutzea eta negozio linea berriak detektatzea ahalbidetzen du.

Behatokia garatzeko eta UNE 166:006 araua lortzeko neurrira egindako programa informatiko baten laguntzarekin, behatoki teknologiko hau burutzea errazten duten beharrezko baliabideak martxan jarri ditu Azaro Fundazioak.

 

140.000 euroko laguntza Lea-Artibain h+g proiekturako eta Feder funtsetako ia milioi bat euro proiektu europar bat garatzeko

Kontuz, leiho berrian zabalduko da PDF fitxategiaInprimatuE-posta

Bizkaiko Foru Aldundiak 140.000 euroko diru laguntza erabaki du Lea-Artibain Hobeto eta Gehiago proiektua garatzeko. Azaro Fundazioak aurten martxan jarritako egitasmo hobek hiru lan ildo nagusi ditu:
•    Errendimendu altuko ekintzailetza
•    E2 programa: ekintzaileak erakarri
•    Ko-kreazio mahaiak

Honenbestez, Azarok ekintza berriak eta ezberdinak abiaraziko ditu aurten helburu eta erronka hauei erantzute aldera.

Aldi berean, Azaro Fundazioak eta Leartibai Garapen Agentziak, Saiolan eta Garazi-Baigorri eta Iholdi-Oztibarreko Indar Garapen Agentziekin batera aurkeztutako proiektu batek Feder Funts europarren babesa jaso du. Interreg Espainia-Frantzia-Andorra 2007-2013 Lurralde Lankidetzarako programa operatiboa egitasmora aurkeztutako programak, eskualde bakoitzean bi enpresa berritzaile sortzea aurreikusten du, hiru urteko epean. Proiektuaren berrikuntza, antena lokalen eta nazioarteko antenen arteko lankidetzan oinarritzen da; eskualde bakoitzean, bertako konpetentzien mapa egin eta eskualde bakoitzaren balio proposamena zehaztuta, nazioarteko antenak kokatuko dira, munduko puntu ezberdinetan sustatu nahi diren proiektu motaren arabera. Enpresa proiektuen sustapenerako nazioarteko joerak arakatu eta gureganatzeaz gain, negozio aukera zehatzak identifikatzen saiatuko dira  nazioarteko antenok, tokian tokiko antenekin elkarlanean, azken xedea, enpresa berritzaileak Lea-Artibain, Debagoienan eta Garazi-Baigorri/Iholdi-Oztibarrenen kokatzea baita.

Europako Feder Funtsetatik 915.975,20€ko diru laguntza jasoko dute lau erakundeok datozen hiru urtetako lana finantzatzeko.

 

2012, Kooperatiben Nazioarteko Urtea

Kontuz, leiho berrian zabalduko da PDF fitxategiaInprimatuE-posta

Nazio Batuek 2012.urtea Kooperatiben Nazioarteko Urtea izendatuta, Azaro Fundazioak eta Lea-Artibaiko Kooperatiben Mahaia Elkarteak bat egin dute Nazio Batuen Erakundearen aldarrikapenarekin. Kooperatibek garapen ekonomiko eta sozialerako egin duten ekarpena azpimarratzen du NBEren adierazpenak, bereziki pobrezia murrizteko, lanpostuak sortzeko eta gizarteratzearen alde kooperatibek egindako lana. “Kooperatibek mundu hobea eraikitzen laguntzen dute” izenburupean, hiru helburu finkatu dituzte urte honetarako: kontzientzia handiagoa sortzea, hezkundea bultzatzea eta politika egokiak ezartzea.

Kooperatiben Mahaia Elkarteak, Azaro Fundazioaren laguntzarekin, sortu berri diren hainbat enpresa-kooperatibari aholkularitza eta laguntza ekonomikoa eman die azken urteetan. Eta aurten, horren urte berezia izanik, ekitaldi berezi bat antolatuko dute maiatzean, NBEk izendatutako Kooperatiben Urtea ospatzeko.

 

Innobasque, Madrid Emprende, Hub Madrid eta Medialab Pradon izan da Azaro Fundazioa

Kontuz, leiho berrian zabalduko da PDF fitxategiaInprimatuE-posta

Lea-Artibai Health Unit estrategia azaltzeko asmoz, Azaro Fundazioa Innobasqueko arduradunekin bildu da. Lea-Artibai eskualdea osasun arloan espezializatu ahal izateko Innobasqueren lankidetza izango du Azarok.

Otsailaren bukaeran berriz eta Garapenek antolatuta, Madrid Emprende, Hub Madrid eta Medialab Prado bisitatu zituzten Azaro Fundazioko kideek. Madrilen kokatutako hiru erakundeok ekintzaileei zein enpresei bideratutako zerbitzuak, programak eta guneak eskeintzen dituzte.

Madrid Emprende, Madrileko garapen agentzia, hiriko enpresa-ehunaren lehiakortasuna bultzatzea du helburu. Hub Madrid, bere aldetik, lanerako guneak jartzen ditu ekintzaile sozialen eskura, beraien artean ezagutzak eta esperientziak parteka ditzaten. Medialab Prado, azkenik, artea, zientzia eta teknologia uztartea helburu duen gunea da; elkarlanean garaturiko proiektua sustatzen dira bertan.

 

JPAGE_CURRENT_OF_TOTAL

AGENDA

Azkeneko hilabetea Abuztua 2019 Hurrengo hilabetea
A A A O O L I
week 31 1 2 3 4
week 32 5 6 7 8 9 10 11
week 33 12 13 14 15 16 17 18
week 34 19 20 21 22 23 24 25
week 35 26 27 28 29 30 31

Hurrengo Ekitaldiak

Ekitaldirik gabe