HARPIDETZA

Sare sozialak

BERRIAK

Azaro Fundazioa INNOVANET SAREko kide

Kontuz, leiho berrian zabalduko da PDF fitxategiaInprimatuE-posta

Euskadin berrikuntzaren sustapen arloan diharduten eragileen topagunea den Innovanet Sareko kide egin da Azaro Fundazioa. Eusko Jaurlaritzak abiarazitako ekimen honetan Euskal Autonomia Erkidegoko erakunde publiko zein pribatu, zentro teknologiko, garapen agentzia eta mota askotako erakundeak biltzen dira, honako helburu hauek abiapuntu hartuta:
-    Hausnarketa, diagnostiko eta esperientziak partekatzea.
-    Enpresentzatko mezu guztiei ildo bera ematea.
-    Erakunde guztien plan eta tresnen inguruko informazioa partekatzea.
-    Berrikuntzaren esparruko zenbait ekimenen kudeaketa partekatzea.
-    Sareko kideei kualifikazioa lortzeko bidea erraztea.
-    Berrikuntzari buruzko informazio eta prestakuntza jarduerak antolatzea enpresentzat.


Gizartearen eta enpresen eskariari, esparru honetan diharduten erakunde eta eragileek era koordinatu baten jarduteko premiari erantzun nahi dio Innovanet Sareak, baita berrikuntzaren kontzeptu zabalagoa, alegia, berrikuntza irekiaren kontzeptua enpresa guztiengana helaraztea ere.

2012.eko martxoaren 13an egindako urteko lehen bileran parte hartu zuen Azaro Fundazioak, non Innovanet Sarearen helburuak lortzeko proiektuak zehaztu ziren.

 

Hainbat ikastetxeren bisita jaso du Berrikuntza Guneak

Kontuz, leiho berrian zabalduko da PDF fitxategiaInprimatuE-posta

Martxoan zehar, eskualdeko hainbat ikasle izan dira bisiari Azaro Fundazioan: Txomin Agirre ikastola, Zubi Zahar ikastola, Bera Kruz ikastola, Iturrioz-Lekeitio Institutoa eta Resurrección Mª de Azkue Ikastolako DBHkoak. Gazteen ekintzailetasuna lantzeko asmoz, urtean zehar irakaskuntza zentrook egiten dituzten ekintzen barruan kokatzen dira bisita hauek.

Gaitasunak lantzeko tailer ezberdinak izan dituzte ikasleek, besteak beste, sormena, arazoen aurrean konponbidea, nork bere buruarengan konfiantza, talde lana eta erabakiak hartzea. Honez gain, Kalatxo liburuxkaren bidez, Lea-Artibaiko hirugarren sektoreari buruzko oinarrizko informazioa landu eta sektore honetako enpresak sortu dituzten ekintzaileen hitzaldiak ere izan dituzte. Ondoren, landutako guztia kontutan hartuta, negozio ideia bat garatu beharko dute ikasleek bakoitzak bere herrian ikusitako gabezia edo beharrizanei erantzunez.

Azaro Fundazioa 2005.urtean hasi zen Lea-Artibai eskualdeko ikastetxeekin elkarlanean, gazteen artean ekintzailetza sustatu, eskualdeko enpresa-ehuna ezagutzera eman eta bizitzarako beharrezkoak diren gaitasunak landu eta garatzeko helburuarekin.

 

Leartibai Garapen Agentziaren Administrazio Kontseiluaren bilera

Kontuz, leiho berrian zabalduko da PDF fitxategiaInprimatuE-posta

Martxoaren 7an, Leartibai Garapen Agentziaren Administrazio Kontseilua batzartu zen, Berriatua, Etxebarria, Ispaster, Lekeitio, Markina-Xemein eta Ondarroako alkate eta herri  bakoitzeko zinegotzi bana bilduz. 2011.urteko diru-kontuak onartu eta 2012ko kudeaketa planaren lehen bi hilabetetako deskargua egitea zuen helburu bilerak. Bi gai azpimarratu zituzten batez ere:


-    Alde batetik, eskualdeko turismo garapenerako planteamendu berria. Garapen Agentziako teknikariak banakako bilerak egiten ari dira egunotan, udal bakoitzak bere lehentasunak eta asmoak argitzeko, bigarren fase batean eskualde mailako planteamendua zehazte aldera.
-    Eta bestetik, Lanbiderekin elkarlanean, eskualde bakoitzak epe motzean egin beharko duen Enplegu Plana. Oso interesgarrizat jo zen, hurrengo urteetan enpleguaren sorreran eragina izango duten proiektuen identifikazioa egitea, eskualdeko garapen ekonomikorako eragile, enpresa eta udalak bat eginda.

 

Enpresantzako laguntza eskaerak egiteko epea zabalik

Kontuz, leiho berrian zabalduko da PDF fitxategiaInprimatuE-posta

Bizkaiko Foru Aldundiak eta Eusko Jaurlaritzak ireki dituzte enpresen lehiakortasuna indartzeko laguntzen deialdiak. Berrikuntza prozesu eta produktuak, lehiakortasun maila handitzeko proiektuak, nazioarteratzekoak eta enpresen eraldaketarako proiektuak dira, besteak beste, laguntzak jasotzeko aukera dutenak.

Lea-Artibai eskualdeko enpresek Azaro Fundazioan jaso dezakete laguntza hauen guztien informazioa, baita enpresa bakoitzak dituen egitasmoetarako diru laguntza egokienen azterketa ere. Honez gain, enpresaren proiektua Azaro Fundazioarekin landuz gero, diru-laguntzaren kudeaketa ere Azaro Fundazioak egingo du, enpresei eskaintzen dien zerbitzu integralaren barruan.

Diru-laguntza hauei buruzko informazioa Lehiatila atalean eskura daiteke.

 

JPAGE_CURRENT_OF_TOTAL

AGENDA

Azkeneko hilabetea Abuztua 2019 Hurrengo hilabetea
A A A O O L I
week 31 1 2 3 4
week 32 5 6 7 8 9 10 11
week 33 12 13 14 15 16 17 18
week 34 19 20 21 22 23 24 25
week 35 26 27 28 29 30 31

Hurrengo Ekitaldiak

Ekitaldirik gabe