HARPIDETZA

Sare sozialak

BERRIAK

Lea-Artibaiko berrikuntza ekosistema ezagutzera etorri da SPRIko zuzendari nagusia

Kontuz, leiho berrian zabalduko da PDF fitxategiaInprimatuE-posta

Alex Arriola SPRIko Zuzendari Nagusia, Aitor Cobanera Teknologia eta Berrikuntzako Zuzendaria eta Iñaki Tellechea Enpresa Sustapeneko Zuzendaria gure artean izan ditugu Lea-Artibaiko berrikuntza ekosistema ezagutzeko.

Lea-Artibai eskualdeko garapen ekonomikoa bultzatzeko lau erakundeen artean dugun gobernantza eredua (Leartiker ikerkuntza arloan, Lea Artibai Ikastetxea prestakuntzan, Leartibai Garapen Agentzia toki garapenean eta Azaro Fundazioa ekintzailetza eta berrikuntza arloan) goraipatu eta eredugarritzat jo dute, eta lan ildo horretan lanean jarraitzeko animatu gaituzte.

Horrez gain, Leartikerren garatzen dauden hainbat ikerkuntza proiektu bertatik bertara ezagutzeko aukera izan dute bisitariek, eta baita Azaro Fundazioak inguruko enpresen lehiakortasunean eragiteko dituen lan ildo nagusiak ere.

 

Lankidetza-sormena proiektuak definitzeko estrategia gisa

Kontuz, leiho berrian zabalduko da PDF fitxategiaInprimatuE-posta

Denok dakigu enpresa munduan lankidetza proiektuak aurrera ateratzea zaila dela, baina ondo dakigu baita ze garrantzitsuak eta beharrezkoak diren. Horregatik, Azaro Fundazioak Hegan eta Durangoko Lehiakortasun Poloa bezalako beste erakunde batzuekin batera, Bizkaiko Foru Aldundiak sustatutako Elkarlanean laguntzara proiektu bat aurkeztu zuen iaz. Proiektu horren helburua enpresen arteko lankidetza ideia eta  proiektuak definitzea da.

Helburua lortzeko Azarok oso ondo ezagutzen dituen bi tresna konbinatu dira. Alde batetik Adimen Lehiakorra (AL) eta bestalde Sormena. Adimen Lehiakorra erabiliz, proiektuaren lehen hilabeteetan prozesuko partaide garen erakunde guztiak gai ezberdinei eta gure beharrei buruzko ezagutza sortzen joan gara. Urtarrilaren 31 eta otsailaren 7an froga eta balioeste aldi baten ostean, ekintzara pasako gara garatutako ezagutza guztia ideia eta proiektuen definizioan gorpuztuz. Horretarako Sormena erabiliko dugu, Creative Problem Solving metodologiaren bitartez hurrengo erronkari aurre egiteko: 4.0 Industriari buruzko enpresen arteko lankidetza ideiak definitzea. Horretarako, bitarteko erakunde ezberdinak (Innobasque, BFA, Eraikune, HEGAN, Durangaldeko Lehiakortasun Poloa, Euskadiko Teknologia Libreko eta Ezagutza Irekiko Enpresen Elkartea eta Metaleko Lantegien Bizkaiko Federakuntza) eta hainbat enpresa batuko gara, sektore anitzeko ikuspuntu batekin negozio ideia zehatzak eta enpresa errealitatearekin lotura dutenak definitzeko, lankidetzaren aspektua ahaztu gabe.

 

Madrilen egon gara Tetuan Valley eta Seed Rocket start-up azeleradorak ezagutzen

Kontuz, leiho berrian zabalduko da PDF fitxategiaInprimatuE-posta

Joan den urtarrilaren 24an Campus Madrid espazioan izan ginen bertan kokatutako bi proiektu interesgarri ezagutzen:

Tetuan Valley irabazi asmorik gabeko enpresa azeleratzaile bat da, ekintzaile digitalak trebatzeko helburua daukana. Sei asteko formakuntza baten bitartez ekintzaileei enpresa munduari buruz jakin beharrekoa irakasten diete, lehen prototipoa sortu edo lehen bezero edo erabiltzaileak lortzeko laguntza eskainiz. 240 start-up baino gehiagorekin lan egin dute dagoeneko eta ekintzaile komunitateari garrantzi handia ematen diote. Egun Azaro elkarlanerako proiektu bat definitzen ari da Tetuan Valleyrekin, eskualdeeko ekintzaileei zerbitzu berritzaileak eskaintzeko asmoz.

Madrilgo bisita aprobetxatuz, Seed Rocketen instalazioak ere bisitatu genituen. Seed-Rocket Espainiako lehen enpresa azeleratzailea da, eta oinarri teknologikoa duten proiektuekin egiten du lan. Mentore, inbertitzaile eta ekintzaileek osatzen duten sare baten bitartez teknologia berriei bultzada eman eta proiektu berritzaileen aldeko apustu argia egiten dute.

Biak ere oso erakunde interesgarriak eta ekintzailetzarekin benetan konprometituak iruditu zaizkigu. Honela beraz, elkarlanerako bide zehatzak definitzen hasiak gara dagoeneko.

 

Gizaburuagako Okamika industrialdeak europako Q kalitate marka eskuratu du

Kontuz, leiho berrian zabalduko da PDF fitxategiaInprimatuE-posta

Gizaburuagan kokatutako Okamika industrialdeak europako Q kalitate marka eskuratu du,  horretarako  beharrezkoak diren 171 baldintzak bete eta ebaluazio bat pasatu ostean.

Ekitaldi ofiziala urtarrilaren 19an izan zen, eta bertan Javier Zarraonaindia Eusko Jaurlaritzako Industria Sailburuordeak Alejando Sáenz de San Pedro CEPE Espainiako Enpresa Industrialdeen Koordinatzaileko zuzendariaren eskutik errekonozimendua jaso eta Okamika “kalitatezko industrialde” bezala bereizten duen bandera jaso zuen. Bertan izan ziren Aulesti, Gizaburuaga eta Mendexako alkateak eta eskualdeko beste hainbat erakundetako ordezkariak ere, euren artean Azaro Fundazioa.

Errekonozimendu honek industrialdearen kudeaketa saritzen du hainbat alorretan; azpiegituren gaitasuna, zerbitzuak, mantentzea, larrialdi plana, suteen aurkako ekipamendua, enpresen arteko sinergiak, berdeguneak, segurtasuna… Duela urtebete hasi zen martxan Q-a lortzeko prozesua, eta Okamikarekin batera Sprilur taldekoa den beste industrialde batek ere lortu du saria, Artean kokatutako Bildosola industrialdeak hain zuzen.

 

Ekin pausuz pausu ikastaroa antolatu du Azaro Fundazioak

Kontuz, leiho berrian zabalduko da PDF fitxategiaInprimatuE-posta

Negozio ideia bat duten ekintzaileei zuzenduriko Ekin pausuz pausu ikastaroa antolatu zuen Azaro Fundazioak azaroaren 28tik abenduaren 5era. Markina Xemeingo Berrikuntza Gunean izan den ikastaroan parte hartu dutenek enpresaren inguruko gestio arloko oinarrizko kontzeptuak landu zituzten, hala nola, arlo komertziala, arlo ekonomikoa, izaera juridiko ezberdinen ezaugarriak, sorrera tamiteak, lan arriskuak, ingurumena...

Ikastaroa egin izanagatik Bizkaiko Foru Aldundiaren “Langabezian eta baztertuak izateko arriskuan dauden pertsonei zuzenduriko dirulaguntza” eskatzeko aukera zabaltzen zaie parte hartzaileei. Dirulaguntza hau lehen urtean jarduera abian jartzeko gastuetarako da, eta eskatu ahal izateko zehaztutako prestakuntza egiteaz gain banan banako aholkularitza egina izatea ere beharrezkoa da.

Parte hartzaileek Ikastaroaren ingururan eginiko balorazioa oso positiboa izan da, eta orain bakoitzak bere proiektuan aplikatu beharko ditu ikasitakoak. Horretarako, Azaro Fundazioaren eta Leartibai Garapen Agentziaren tutorizazio laguntza izango dute, euren negozio ideiaren bideragarritasun plana lantzeko. 

 

JPAGE_CURRENT_OF_TOTAL

AGENDA

Azkeneko hilabetea Abendua 2018 Hurrengo hilabetea
A A A O O L I
week 48 1 2
week 49 3 4 5 6 7 8 9
week 50 10 11 12 13 14 15 16
week 51 17 18 19 20 21 22 23
week 52 24 25 26 27 28 29 30
week 1 31

Hurrengo Ekitaldiak

2018 azaroak 15
Visio biltzarra 2018