HARPIDETZA

Sare sozialak

BERRIAK

Ekintzaile Sarearentzat eskaintza berritua

Kontuz, leiho berrian zabalduko da PDF fitxategiaInprimatuE-posta

Lea-Artibai Sarean programa martxan da jada. Azaro Fundazioak, Lea-Artibai eskualdeko ekintzaile eta enpresa sortu berriei zuzenduriko iniziatiba da.

Pasa den ostiralean ospatu zen lehen saioa, 6 negozio ezberdinetako kideek parte hartu zutelarik. “Era honetako dinamikak, beharrezkoak dira ekintzailetza-egoera berdinetik pasa garen pertsonok elkarrekin kezka, arazo eta abarrak konpartitzeko. Askotan, gu bezalako beste batzuekin egoteak, lagundu egiten du. Bakarrik ez gaudela sentiarazten gaitu” komentatu zuten bertaratuek.

Lea-Artibai Sarean, hilean behineko maiztasunaz ospatuko da. Lehen saioaren helburua, Azaro Fundazioaren Enpresa Haztegian kokatuta dauden negozioetako kideak elkar ezagutu eta haztegitik haratago ere harreman berriak sortzea izan zen, haztegitik kanpo kokatuta dauden enpresak ere bertaratu zirelarik.

Zurekin Emprendeko Izaskun Rama aritu zen dinamizazio lanetan. Saioaren emaitza gisa, hainbat beharrizan detektatu ziren hurrengo saiotik aurrera lantzen hasteko. Abenduaren 15ean ospatuko da bigarren dinamika, aurreko saioan detektatutako gai bat landuko delarik. Azaroan hasi eta Ekainera bitartean, networking eta lehiakortasuna lantzen arituko gara beraz, sormen teknika eta dinamika ezberdinak erabiliz. 

Komentatutakoa interesekoa baduzu, zatoz hurrengo saiora. Zenbat eta gehiago izan, aberasgarriago denontzat.

 

TransferINN proiektu europarraren jarraipen bilera Ariègen

Kontuz, leiho berrian zabalduko da PDF fitxategiaInprimatuE-posta

Irailaren 27, 28 eta 29an Azaro Fundazioa Ariègen (Frantzia) izan zen TransferINN proiektu europarraren jarraipen bileran. 2016an martxan jarri zen eta EGEF-ek (Eskualde Garapenerako Europako Funtsak) kofinantzatutako proiektu honen helburua muga eremuko ekonomia eta gizarte integrazioa hobetzea da. Proiektu honetako lider gisa, Azaro Fundazioa gainerako kideekin elkartu zen Ariègen, orain arte egindakoa berrikusi eta hurrengo sei hilabeteetako agenda finkatzeko.

Bileran partaide ezberdinek landu dituzten gaiei buruzko aurkezpenak egin zituzten, eta hurrengo eman beharreko pausuak adostu ziren. Hainbat izan ziren bileran landutako gaiak: nodoak, kideek garatu dituzten Adimen Estrategiko Sistemak, Ingeniaritza Talde Integratuen formazioa, komunikazio plana, ziurtapen prozesua, gastu bateratuak, eta praktika onak besteak beste.

Fase honetan, martxoan izan zen bileran finkatutako lau nodoak martxan jartzeaz gain, enpresekin berrikuntza sistematikak, planak edo proiektuak ezartzen hasi behar gara, beraz, gai hauek jorratzeari eskaini zitzaion bilerako denbora gehiena. Nodoak gai zehatzak lantzeko kide ezberdinek osatutako lan taldeak dira, eta honako lau gaiei buruzkoak izango dira:

• Ekoizpen aurreratua

• Elikadura osasuntsua eta elikadura segurtasuna

• Nekazaritza elikagaien industria

 • IKT eta digitalizazioan ardaztutako turismoa

Proiektuaren lider gisa, Azaro Fundazioa aurreko seihilekoan (2017ko martxoa-2017ko iraila) lortutako adierazle eta aurrekontuen errepasoa egiteaz arduratu zen, eta bilera honetan hasten den hurrengo seihilekorako helburuak ere aurkeztu zituen.

Hurrengo bilera 2018ko martxoan izango da Perpignan-en (Frantzia).

 

Lehen Job Lab

Kontuz, leiho berrian zabalduko da PDF fitxategiaInprimatuE-posta

Lehen Job Lab, Lea Artibai Ikastetxeak martxan jarritako programa bat da, gazteen laneratzea lortzea helburu duena. Europako Gizarte Funtsaren finantziazio partekatuan 2014-2020 Gazte Enplegurako Programa Operatiboaren, tarte autonomikoan, esparruan kokatzen da.

Programaren helburua, parte hartzaile bakoitzari, bere perfilari dagokion ibilbide pertsonalizatu bat diseinatu eta alternatiba ezberdinak eskaintzea da. Hiru aukera ezberdin izango dira gazteentzat: ikastaro konkretuak egitea; Lea Artibai Ikastetxeak eskaintzen duen Mekanika alorrean trebakuntza jasotzea, laneratze aukerekin; eta hirugarren aukera, berrikuntza teknikari gisa 3 hilabeteko formazioa jaso eta ostean inguruko enpresetan 6 hilabeteko praktikaldia egitea da.

Azaro Fundazioak lantzen duen azken atal honi “Innovation and entrepreneurship lab” deritzo eta urrian eman zaio hasiera 3.edizioari. Bertan, 16-29 urte bitarteko gazteek parte hartu ahal izan dute. Parte hartzeko baldintzak, langabezian egotea eta inolako ikasketarik egiten ez egotea izan dira.

Garrantzitsua da aipatzea Lehen Job Lab programaren lehen edizioaren ostean (2016ko ekainetik 2017ko apirilera),  parte hartzaileen %84ak lortu duela laneratzea. Bigarren edizioari dagokionez (2017ko ekainetik 2018ko apirilera), 9 gazte ari dira parte hartzen eta une honetan praktikaldiak egiten daude inguruko enpresetan.

Hirugarren edizioa, urriaren 23an hasi zen 11 parte hartzailerekin. Momentu honetan formazioa jasotzen ari dira, ondoren inguruko enpresetan praktikak egiteko aukera izango dutelarik.

 

B Venture, Espainia iparraldeko startup-entzako finantzazio ekitaldi handiena

Kontuz, leiho berrian zabalduko da PDF fitxategiaInprimatuE-posta

Irailaren 17 eta 18an Espainia iparraldeko startup-ak hitzordua izan zuten B Venturen, zonalde honetako finantziazio ekitaldi handienean. Denetarik zegoen eskaintzan: ikastaroak, pitching sesioak, mahai inguruak, proiektu berritzaileen erakusketa gunea...

Bertaratu zirenek, gehienak inbertitzaileak, ekintzailetza aholkulari eta kontseilariak, garapen agentzietako teknikariak edo unibertsitarioak, ekintzailetza ekosistemaren baitako ekintzaile garrantzitsuen esperientziak entzuteko aukera ere izan zuten, esaterako Izanami Martinez, lupina Iturriaga, Pedro Jareño…

Azaro Fundaziotik elkarlanak ezartzeko asmorekin joan ginen ekitaldi honetara, eta baita gure eskualdeko enpresa sarerako interesgarriak izan daitezkeen proiektuak antzematera ere.

 

 

TEP: Technology Entrepeneurship Program

Kontuz, leiho berrian zabalduko da PDF fitxategiaInprimatuE-posta

Azaro Fundazioak Technology Entepreneurship Program proiektua babesten du, mundu mailan polimeroekin lotutako teknologiei dagozkien gaitasun tekniko eta enpresarialak garatzera bideratutako trebakuntza programa bakarra. Ezagutza eta trebetasun teknologikoak konbinatzen dituzten profilak adituek emandako klaseak eta enpresa proiektuak konbinatuz sortzen dira. Europako Gizarte Funtsaren finantzazioa daukan programa honen sustatzaileak Lea Artibai Ikastetxea eta Leartiker dira, baina proiektua hainbat erakunderekin elkarlanean garatzen da, esaterako Bizkaiko Foru Aldundiaren Bizkaia Talent programa. Halaber, Mondragon Korporazioaren eta Azaro Fundazioaren babesa ere badauka.

Programa honen helburua gutxienez 180 unibertsitario tituludunen lan aukerak hobetzea da, parte hartu ostean prestakuntza altuko lana aurkitu dezaten. Programaren ezaugarriak direla eta, lanpostuak egonkorrak izango dira.

Nazioarteko bokazioa duen proiektu honetan formazioa ingelesez ematen da, eta aurreko  edizioetan nazionalitate indiar, mexikar eta turkoa zeukaten parte hartzaileak egon ziren. Orain martxan dagoen edizioan atzerriko lau parte hartzaile daude: bi mexikar, frantses bat eta estatubatuar bat.

Programa bi fasetan banatzen da. Lehenengoa 9 asteko iraupena duen murgilketa teknologiko-ekintzaile bat da, non polimeroen teknologiari buruzko ezagutza (materialak, eraldatze prozesuak, reologia, produktuaren diseinua, CAD, egitura kalkulua), LEAN eta ekintzailetza (bideragarritasun azterketak, merkatu azterketak, sormena, adimen lehiakorra, estrategia eta berrikuntza) lantzen diren. Azaroan, Azaro Fundazioa azken zatiari dagozkion klaseak ematen hasiko da, parte hartzaileak ekintzailetza teknologikorako ezinbestekoak diren gaitasunetan trebatzeko helburuarekin. Atal honetako klaseek guztira 75 orduko iraupena izango dute.

Bigarren fasean parte hartzaileek enpresa edo zentro teknologiko batean egongo dira astelehenetik ostegunera, ostiralak beste mota batzuetako trebakuntzera, zeharkako gaitasunak lantzera edo bestelako ariketetara  bideratuko dituztelarik.

 

JPAGE_CURRENT_OF_TOTAL

AGENDA

Azkeneko hilabetea Urria 2018 Hurrengo hilabetea
A A A O O L I
week 40 1 2 3 4 5 6 7
week 41 8 9 10 11 12 13 14
week 42 15 16 17 18 19 20 21
week 43 22 23 24 25 26 27 28
week 44 29 30 31