HARPIDETZA

Sare sozialak

BERRIAK

Euskal ETEek erabilgarri dute jadanik Hazinnova ekimen berria

Kontuz, leiho berrian zabalduko da PDF fitxategiaInprimatuE-posta

I 2019ko iraila I

2.400 euskal ETEekerabilgarri dute dagoeneko Hazinnova zerbitzu berria.SPRI Taldeak eta Innobasque-Berrikuntzaren Euskal Agentziak joan den martxoan abiarazitako ekimen horrek 500 proiektu inguru jarriko ditu martxan enpresa parte-hartzaileen berrikuntza eta lehiakortasun-indizeak hobetzeko helburuarekin.

Hazinnova ekimenak 2,5 milioi euroko aurrekontua du, eta Euskadik berrikuntzan bere etekina hobetu ahal izateko erabiliko da, Berrikuntza-maila Handiko Eskualdeen multzoan jarrai dezan ahalbidetzeko.

Horrela, Euskal ETEek doako aholkulari espezializatu bat eskatzeko aukera izango dute, lana antolatzeko modu berriak eta produktu nahiz zerbitzuak merkaturatzeko metodo berriak ezartzen lagunduko diena. Honako laguntza hauek jasoko dituzte, hain zuzen ere:

-        Enpresaren errentagarritasuna kontrolatzea

-        Prozesuen eraginkortasuna hobetzea

-        Entrega-gastuak edo -epeak murriztea

-        Beraien erakundeko langileak motibatzea

-        Merkatu-kuota handitzea

-        Bezero-segmentu berrietara iristea

-        Marka eta diseinu industrialak babestea

Ekimen honen lehentasunak hauek dira: Euskadiko enpresa berritzaileen kopurua handitzea; eta berritzeko joerarik ez duten enpresei lehen esperientzia baliagarri eta praktikoa ahalbidetzea, berrikuntzari esker. Eusko Jaurlaritzak, SPRI Taldearen bitartez, konpromisoa hartu du berrikuntza ETE txikienetaraino heltzeko, beraiei zuzendutako laguntza espezifikoak eskainita.

Ildo beretik, Innobasque-k adierazi du handitu egin nahi duela ETEei ematen dien laguntza, berrikuntzaren bidean sartu daitezen. Horrez gain, 40 ordezkarik (tokiko garapen agentziak, klusterrak, merkataritza ganberak eta enpresa-elkarteak)osatutako sare bat sortu du, Euskadiko eskualde guztietako enpresetara heldu ahal izateko eta Hazinnova ekimenean parte hartzea erabakitzen duten guztiei proiektu osoan laguntzeko.

Hazinnova ordezkarien sareak 2.400 enpresatara iritsi nahi du, eta 500 proiektu garatu nahi ditu. Bereziki, aurretik berrikuntza-jarduerarik egin ez duten eta 6-99 langile bitartean dituzten enpresetara heltzea du helburu.

Hazinnova ekimena aurkezteko ekitaldiak

Ekimen hau enpresa txikiak dituzten Euskadiko eskualde guztietara heldu ahal izateko ahaleginetan, aurkezpen ekitaldiak antolatu dira, irailaren erdialdetik azaroaren bukaerara arte aurrera eramango direnak. Hazinnovaren arduradunak (Eusko Jaurlaritza, SPRI eta Innobasque) Araba, Bizkaia eta Gipuzkoako eskualde guztietara joango dira, eta, tokiko ordezkariekin batera, zerbitzuaren ezaugarri eta irismenaren inguruko azalpenak emango dizkiete zonalde bakoitzeko ETEei.

Informazio gehiago:

Berrikuntzaren Euskal Agentzia, INNOBASQUE

Blanca Pardo

T. 658 727 776  /  Helbide elektroniko honek spam bot-en kontrako babesa du. Ikusteko Javascript-a aktibatu behar duzu

Ana Larizgoitia

T. 656 788 328  /  Helbide elektroniko honek spam bot-en kontrako babesa du. Ikusteko Javascript-a aktibatu behar duzu

 

 

 

 

 

 

 

 

Azaro Fundazioak ETEei zuzendutako “Elkarguneak” antolatzen ditu

Kontuz, leiho berrian zabalduko da PDF fitxategiaInprimatuE-posta

I 2019ko iraila I

AZARO FUNDAZIOA Lea-Artibai eskualdeko enpresen lehiakortasuna hobetzeko lanean ari da, eta helburu horren lorpenerako, beste hainbat ekimenen artean, ETEei zuzendutako “Elkarguneak” antolatzen dira. Elkargune horien xedea trebakuntza, metodologia eta tresnak eskura jarri eta enpresen arteko harreman sarea indartzea da, eskualdeko enpresen kezka eta erronkei erantzun ahal izateko.

Oraingo honetan, eskualdeko enpresek arlo komertziala lantzeko aukera izango dute “Grupo Bentas”-en eskutik, salmenta, negoziazio eta alor komertzialaren formakuntzan adituak direnak. Parte hartzen duten enpresei ezagutzak eta tresnak eskainiko zaizkie, ikasitakoa enpresan bertan garatu ahal izateko.

Zehazki, formakuntza saio honetan lortu nahi diren helburuak hauek dira:

-       Metodo bidez planifikatu eta miatzeko garrantziaren inguruan hausnartu, merkatu-hobi, berriak, kontu berriak, solaskide berriak...aurkitzeko. Bezero-kopurua gehitzen lagundu gaitzaten.

-       Bezeroa aholkatu bere interesak identifikatu eta aztertuz, dituen behar eta aukeren ezagutzaren bitartez.

-       Merkataritza kudeaketari “Venta Consultiva”  ikuspuntutik ekiteko jarraibideak, jasotako balioa saltzeko.

-       Bezeroarekin topaketa ezberdinak planifikatu, era eraginkor baten.

 

 

 

 

 

 

 

IZENA EMATEA:  Helbide elektroniko honek spam bot-en kontrako babesa du. Ikusteko Javascript-a aktibatu behar duzu   / 946169172.

 

Zaintza eta adimenean oinarritutako berrikuntza jardunaldiaren bigarren edizioa

Kontuz, leiho berrian zabalduko da PDF fitxategiaInprimatuE-posta

I 2019ko iraila I

Datorren urriaren 3an, Lea-Artibaiko Berrikuntza Gunean “Zaintza eta adimenean oinarritutako berrikuntza” jardunaldiaren bigarren edizioa ospatuko da, Azaro Fundazioak antolatuta, kasu praktikoetan ardaztuko dena.

Horrela, lehenbiziko edizioaren arrakasta errepikatzeko helburuarekin, gai horretan adituak diren hainbat gonbidatu izango dira ekimenean. Horiek, zaintza eta adimenean oinarritutako berrikuntza prozesuetan jasotako ikasgaiak erakutsiko dituzte. Oraingo honetan, Copreci eta Leartiker enpresek, besteak beste, beraien esperientziak azalduko dituzte. Lehenengoak patenteen zaintza oinarri izanda berrikuntza nola lortu argituko du. Leartikerrek, aldiz, zentro teknologiko baten berrikuntzaren kudeaketan zaintzak eta adimenak duen garrantziaren inguruan hitz egingo du.

Kasu praktikoez gain, “Banpro” enpresako Tomas Elorriagak berrikuntzan arrakasta izateko gakoak emango dizkigu Berrikuntzaren 12 sistematikak hitzaldiaren bidez.

Zain izango gaituzue Markina-Xemeinen, datorren urriaren 3an. Egitaraua ikusteko eta izena emateko egin klik hemen.

 

Azaro Fundazioak Lea-Artibaiko ekintzaileentzako formakuntza saioak eskaintzen jarraitzen du

Kontuz, leiho berrian zabalduko da PDF fitxategiaInprimatuE-posta

I 2019ko iraila I

2019. urtean zehar aurrera eramaten ari diren formakuntza saioekin jarraituz, Azaro Fundazioak hilabete honetan Pribatutasuna eta Internet gaien inguruko formakuntza eskainiko du, Lander Muruaga adituaren eskutik.

Lander Muruagak 17 urte baino gehiago daramatza alor digitalean lanean. Produktu eta zerbitzu digitalak diseinatu, kontzeptualizatu eta moldatzen ditu, erabiltzaileen etorkizuneko beharrak oinarritzat hartuz eta negozio helburuak kontuan hartuz, betiere estrategia eta ikerketan zentratuz. Gainera, hainbat herrialdetako erakunde, start-up eta gobernuekin proiektu interesgarri askotan parte hartu du. Horrek kontaktu-sarea handitzeaz gain, merkatuaren eta erabiltzaileen beharrak ezagutzea ahalbidetu dio; ondorioz, hainbat baliabide eskuratu ditu produktu eta zerbitzuak diseinatzeko orduan.

Azaro Fundazioak hilero antolatzen ditu Ezagutza pildorak deituriko formakuntza saio hauek, Lea-Artibaiko ekintzaileen beharrei erantzun eta beraien ibilbide profesionalean laguntza emateko xedearekin. Enpresa munduari lotutako formakuntza saio dinamikoak eta praktikoak dira eta adituek ematen dituzte.

 

Ekonomia Zirkularra. Barne-ekintzailetzarako aukera

Kontuz, leiho berrian zabalduko da PDF fitxategiaInprimatuE-posta

 

I 2019ko iraila I
 

Urriaren 24an, Markina-Xemeingo Berrikuntza Gunean, Ekonomia Zirkularrari buruzko jardunaldi bat ospatuko da, Azaro Fundazioak antolatuta Innobasque eta Bizkaiko Foru Aldundiarekin elkarlanean.

Jardunaldi hau RIS3 Euskadi plana (Espezializazio Adimentsu Estrategia) lurralde mailan ezagutzera emateko ekimen sorta baten parte da. Ekonomia Zirkularra zeharkako gaia da eta sektore asko ukitzen ditu. Gainera, plan horren hainbat eremutan dago eta eragin zuzena du bere garapenean. Horregatik, ekimen honen helburua bikoitza izango da: remanufaktura, ekodiseinua eta zerbitizazioa kontzeptuekin lotutako kasu praktikoen bitartez Ekonomia Zirkularra enpresa mundura gerturatzea; eta RIS3eko Euskadiko estrategia plana ezagutzera ematea.

Jardunaldia goizeko 9:00etatik 11:00etara izango da, eta Azaro Fundazioaren aurkezpenarekin hasiko da. Ondoren, ekimenera gonbidatutako hizlariek hartuko dute hitza. Horrela, Ihobek Ekonomia Zirkularraren estrategia eta egungo tresnen aurkezpena egingo du. Aclimarekin ingurumenaren eragina eta enpresen lehiakortasunaren elkarrenganako loturaren inguruan hausnarketa egingo du. Halaber, remanufaktura, ekodiseinua eta zerbitizazioa kontzeptuekin lotutako hitzaldiak emango dira MU (Mondragon Unibertsitatea) eta enpresa erreferenteen eskutik.

Jardunaldi honek plaza mugatuak ditu, eta Ekonomia Zirkularrean interesa duten enpresei zuzendutako dago. Joan nahi dutenek Azaro Fundazioan eman dezakete izena.

RIS3 Euskadi Estrategia

RIS3 Estrategia, Europako Batzordearen gidaritzapean, lurralde ezberdinek 2014-2020rako definitu duten espezializazio adimentsurako estrategia da. Helburu nagusia lurralde bakoitza, mundu mailan, lehiakor izan daitekeen ekonomiaren eremuetan espezializatzea da, eta Euskadin hiru lehentasun ezarri dira: fabrikazio aurreratua, biozientziak/ osasuna eta energia. Bere xedea I+D+i-aren garapenerako dauden baliabideak hiru eremu horietan kontzentratzea da, hazkundea eta lana sortzeko. RIS3 Estrategia hainbat erakunderen lankidetzari esker ari da gauzatzen: agintari publikoak; enpresa komunitatea; ezagutzaren eta unibertsitatearen mundua; eta gizarte zibila.

 

                            

  

 

JPAGE_CURRENT_OF_TOTAL

AGENDA

Azkeneko hilabetea Azaroa 2019 Hurrengo hilabetea
A A A O O L I
week 44 1 2 3
week 45 4 5 6 7 8 9 10
week 46 11 12 13 14 15 16 17
week 47 18 19 20 21 22 23 24
week 48 25 26 27 28 29 30

Hurrengo Ekitaldiak

2019 azaroak 26
Formakuntza pildora: Behar dudana kobratzen ari al naiz?