HARPIDETZA

Sare sozialak

BERRIAK

Azaro Fundazioa CIRCULARSEAS proiektuaren bigarren bazkide bileran

Kontuz, leiho berrian zabalduko da PDF fitxategiaInprimatuE-posta

 

 

 

 

 

 

 

I 2019ko azaroa I

Urriaren 29 eta 30ean, Azaro Fundazioa Plymouth hirian ospatutako Circular Seas proiektu europarraren bigarren bazkide bileran egon zen. Bertan, bazkideek azken 6 hilabeteetan egindako aurrerapausoak aurkeztu zituzten.

Proiektuaren liderra Leartiker da eta Azaro Fundazioarekin batera beste 6 bazkide ditu: Université de la Rochelle etaCommunauté d'Agglomération de La Rochelle (Frantzia), Universidad de Vigo (Espainia), University of Plymouth (Britainia Handia), Cork Institute of Technology (Irlanda) etaInstituto Politécnico de Leiria (Portugal). 

Circular Seas Eskualde Garapenerako Europako Funtsak (EGEF) kofinantzatuta dago, INTERREG ATLANTIC AREA programaren bitartez, eta bere helburua itsasotik berreskuratutako hondakin plastikoak berrerabiltzeko estrategiak bilatzea da. Proiektuak iraungo duen lau urtetan zehar gaur egungo diagnosi-lana burutu, hondakin horien batze aukerak definitu, balorizaziorako teknologia desberdinen azterketa egin eta itsasoarekin erlazioa duten produktu berritzaileak sortuko dira, 3D printing teknologiaren bitartez.

Azaro Fundazioa bazkide bakoitzak bere lurraldean egin behar duen tokiko diagnosiaren metodologiaren diseinu eta inplementazioaren arduraduna da. Diagnosi-lan horren emaitzak 2020ko martxoan argitaratuko dira eta bertan identifikatuko dira bazkideen lurraldeetako portu nagusienetan berreskuratutako hondakin plastikoen inguruko datuak eta produktu jasangarriagoen beharrizanak.

Horren harira, Lea-Artibai eskualdean Ondarroako portuko hainbat jarduera ekonomikorekin harremanetan gaude diagnosi-lan hori aurrera eramateko.

Hurrengo bazkide bilera martxoaren bukaeran izango da, Leirian (Portugal).

 

TransferINN proiektu europarrak berrikuntza eraman die mugaz gaindiko lurraldeko ekintzaile eta enpresa txiki eta ertainei

Kontuz, leiho berrian zabalduko da PDF fitxategiaInprimatuE-posta

I 2019ko azaroa I

Azaro Fundazioak TransferINN proiektu europarraren itxiera jardunaldia ospatu zuen, pasa den azaroaren 20an, Bartzelonan. Proiektu horren helburu nagusia mugaz gaindiko lurraldean berrikuntza ekosistema bultzatzea izan da, unibertsitateetan, zentro teknologikoetan, eta abar, eskura dagoen ezagutza, mikroenpresa, Enpresa Txiki eta Ertain (ETE) eta ekintzaileei transferitzea ahalbidetuko duena. Azaro Fundazioak gidatu du proiektua eta berarekin batera parte hartu dute Mondragon Goi Eskola Politeknikoa J.M.A. S.Coop., ESTIA (Ecole Supérieure des Technologies Industrielles Avancées), INSUP formation, Perpignango Unibertsitatea eta Kataluniako Generalitateko Hezkuntza Sailak.

Proiektuaren aurkezpen jardunaldia 2016ko irailaren 14an ospatu zen, Markina-Xemeinen, eta 3 urte ondoren, proiektua amaierara iritsi da, Bartzelonan ospatutako ekitaldi baten egindako lortutako emaitzen aurkezpenarekin. Itxiera jardunaldian, gainera, mugaz gaindiko lurraldean garatu diren ekintzak eta lortu diren helburuak aurkezteaz gain, berrikuntzaren inguruan hausnarketa egin zen, Xabier Marcet (Estrategia-, berrikuntza- eta ekintzailetza korporatibo-aholkularia) adituaren eskutik.

TransferINNproiektuari esker ETE-etan berrikuntza proiektuak sortu eta garatu dira eta etengabeko berrikuntza dinamikak jarri dira martxan, berrikuntza- eta nazioartekotze-kudeatzaileen bitartez, 150 bat enpresa txiki eta ertainetan sistema integral eta iranukorrak ezarri dituztenak. 45 berrikuntza- eta nazioartekotze-kudeatzaile ere trebatu dira eta mugaz gaindiko berrikuntza eta ezagutzaren transferentziarako 4 nodo edo lantalde sortu dira, gai hauetan espezializatuak: bat nekazaritzako elikagaien industriakoa, bi fabrikazio aurreratuaren ingurukoak eta beste bat turismoari buruzkoa.

Proiektu honen inguruan egindako lanak 25 ezagutza-eragileren (zentro teknologikoak, unibertsitateak, eta abar.)interesa piztu du eta 6 hitzarmen lortu dira enpresa eta ikerkuntza zentroen artean, merkaturatzeko produktuen garapenaren sorburu izan direnak: Vracoop (kartoiarekin egindako ontziratu gabeko produktuen banatzaileak), Stample (negozioarentzako postontzi propioa) eta Xubaka (2 gurpildun ibilgailu elektrikoak), besteak beste.

Jarraipen bileretan eta praktika onen hartu-emanetan jasotako ezagutzen artean honako hauek nabarmentzen dira: eraldaketa digitalari aplikatutako “Design Thinking” metodoa; enpresen sustapena bultzatzeko sistematikak; eta ekintzailetza eta berrikuntza zentroen eta parke teknologikoen zerbitzuak.

AZARO FUNDAZIOAK LEA-ARTIBAIKO BERRIKUNTZAREN ALDE APUSTU EGITEN DU

2002an sortu zenetik, Azaro Fundazioa Lea-Artibai eskualdearen garapen ekonomiko eta sozialaren alde ari da lanean, negozio aukera berriak identifikatzen, eskualdeko enpresa sarearen lehiakortasuna indartzen, ekintzailetza-kultura sustatzen eta izaera korporatiboa bultzatzen. Hala ere, azken urteetan, Azaro Fundazioa apustu handia egiten ari da berrikuntzaren alde, eta horren adibide da TransferINN proiektu europarrean duen partaidetza.

Azaro Fundazioak Fabrikazio Aurreratuaren nodoan egin du lan, non sektore honen inguruko 4 jardunaldi burutu dituen. Halaber, 7 berrikuntza- eta nazioartekotze-kudeatzaile trebatu ditu eta 12 berrikuntza proiektu garatu ditu Lea-Artibaiko enpresekin.

 


TransferINN TransferINN proiektua Eskualde Gapenerako Europako Funtsak (EGEF) % 65ean kofinantzatu du, muga eremuko ekonomia eta gizarte integrazioa indartzea helburu duen, Interreg V-A Espania-Frantzia-Andorra Programaren bitartez (POCTEFA 2014-2020). Egitasmo honek eskaintzen duen laguntza lurralde garapen jasangarri baten aldeko estrategia bateratuen bitartez mugaz gaindiko ekonomia, gizarte eta ingurumen jarduerak garatzean datza.

 

Azaro Fundazioa gonbitadu gisa LEHENDAKARIEN TOPAKETA 2019 ekitaldian

Kontuz, leiho berrian zabalduko da PDF fitxategiaInprimatuE-posta

I 2019ko azaroa I

Pasa den urriaren 24an, Otaloran (MONDRAGONeko Zuzendari eta Kooperatiba Garapenerako Zentroa), “Lehendakarien Topaketa 2019” ekitaldia ospatu zen. Bere helburua 2021-2024 epealdirako prestatu duten Politika Sozioenpresariala, Gobernantza Kooperatiboa eta Erantzukizun Sozialaren inguruko hausnarketak partekatzea izan zen. Topaketan MONDRAGONeko kooperatibetako 70 lehendakari baino gehiagok parte hartu zuten eta Azaro Fundazioa gonbidatu gisa joan zen Lea-Artibai eskualdean transformazio sozialerako garatzen ari diren eredua partekatzeko.

Ekitaldia Iñigo Ucin-en(Kontseilu Orokorreko Lehendakaria) aurkezpenarekin hasi zen,  jarduera honen bilakaera eta “Etorkizuneko MONDRAGON” deritzon ponentzian jasotako konpromisoak errepasatuz. Halaber, 2021-2024 epealdirako Politika Sozioenpresarialaren lehen proposamena ere aurkeztu zen, hurrengo Biltzarrean eztabaidatuko dena.

 

 

 

 

 

 

 

Mahai-inguru baten Gobernantza Kooperatiboaren inguruan hausnartu ondoren, lurraldearen transformazio sozialean kooperatibek duten paperaren inguruan hitz egiteko momentua iritsi zen. 3 eredu aurkeztu ziren: Aritz Otxandianok (Fagor Taldeko Gizarte Eraldaketa Arduraduna) karbono emisioetan neutroa den Debagoiena baterantz trantsizioa bilatzen duen proiektua aurkeztu zuen eta Koldo Kortabitartek (Maier-eko Lehendakaria) kooperatiben lidergotzatik lantzen ari diren proiektu sozialak aurkeztu zituen. Azkenik, Ainhoa Arrizubietak (Azaro Fundazioko Zuzendaria) Talentatu izenpean Lea-Artibain transformazio sozialerako garatzen ari diren proiektua aurkeztu zuen.

Talentatu proiektua eskualdeko agente ezberdinen arteko kooperazioan oinarritzen da erronka partekatu bat lortzeko, “Lea-Artibain talentua sortu, mantendu eta erakartzea”, hain zuzen ere. Erronka hau inguruko kooperatibek gidatutako agenteek daramate aurrera, hezkuntza zentroekin elkarlanean eta Azaro Fundazioaren dinamizaziopean. Eskualde mailara bideratutako Talentatu proiektu hau zuzeneko inpaktua lortzen ari da 6-18 urte bitarteko 2.000 ikasle baino gehiagotan eta 70 irakasle eta 40 kooperatiba-bazkidek parte hartzen dute.

 

Azaro Fundazioa GLOBAL INNOVATION DAY 2019 jardunaldian

Kontuz, leiho berrian zabalduko da PDF fitxategiaInprimatuE-posta

I 2019ko azaroa I

Pasa den azaroaren 4an, Innobasquek (Berrikuntzaren Euskal Agentzia) antolatutako “Global Innovation Day 2019” jardunaldia ospatu zen Euskalduna Jauregian. Azaro Fundazioa bertan egon zen, Agentziaren beste kide guztiekin batera. Aurten, jardunaldiak, beste urteetan baino formatu askoz biziagoa eta dinamikoagoa eduki duenak, berrikuntza disruptiboa izan zuen ardatz.

Ekitaldiari hasiera emateko, Manuel Salaverriak ongietorria eman zien bertaratu zirenei eta Iñigo Urkullu Lehendakariak hitzaldi txiki batekin jarraitu zuen.

Ondoren, Universidad Politécnica de Madrid-eko Concha Bielza eta Pedro Larrañaga Adimen Artifizialaren inguruan aritu ziren, hurrengo urteetan berrikuntza disruptibo gehien ekarriko dituen teknologietako bat.

Jardunaldiaren ildo nagusiari jarraituta, Euskadiko hainbat erakundek, Asimob, Biotech Foods, Graphenea, Naiz Fit, Polimerbio eta The Art of Discoveryk, beraien berrikuntza disruptibo proiektuak  aurkeztu zituzten:

  • Asimob: sentsore mota ezberdinetan eta adimen artifizialean oinarritutako aplikazio eta zerbitzuak erabiltzen ditu errepideetako istripuak zorrozki gutxitzeko eta, ondorioz, bizitzak salbatzeko.
  • Biotech Foods: haragikiak sortzen ditu laborategian; horrela, abereak hiltzea saihestu eta aldaketa klimatikoa gelditzea ahalbidetzen du.
  • Graphenea: etorkizuneko materialaren, grafenoaren, aukerak erakusteaz gain, bere erabilera zabaltzeko negozio eredu berri baten alde apustu egiten du.
  • Naiz Fit: tailuen arazoak konpontzen ditu, jantziak gorputz bakoitzera nola egokitzen diren erakusteko gai den zerbitzu baten bidez. Pertsonen itxura hobetzea lortzen du.
  • Polimerbio: gaixoen bizi-kalitatea zeharo hobetzen du, ebakuntza kirurgikoak murrizten baititu, behin gorputzean ezarrita erauzi beharrik ez duen polimero bioabsorbente bati esker.
  • The Art of Discovery: gaixotasun katastrofikoentzako eta zahartzerako medikamentu berrien aurkikuntza bizkortzen du, adimen artifizialaren laguntzarekin.

Azaro Fundazioa, Lea-Artibaiko enpresen lehiakortasunaren agente dinamizatzailea izanik, ekitaldian egon zen, eta aurkeztu ziren proiektu bakoitzaren inguruko xehetasunak bildu zituen. Ezin da ahaztu aldaketei aurre egitea puntu garrantzitsuenetako bat dela berrikuntza prozesuetan, eta , ondorioz, enpresen lehiakortasunean.

 

Cohes3ion Interreg Europe proiektua abian da

Kontuz, leiho berrian zabalduko da PDF fitxategiaInprimatuE-posta

I 2019ko urria I

Cohes3ion Europar proiektuari hasiera eman zaio, pasa den urriaren 8tik 10era bitartean, Bilbon ospatutako kick off bileran. Proiektu hau Eskualde garapenerako Europako Funtsak (EGEF) finantzatuta dago, eta bere helburua Europako hainbat eskualdetako gobernantza-ereduak aztertzea da, Europako Batzordeak bultzatutako berrikuntza eta garapen estrategien inpaktua hobetzeko eta, ondorioz, hazkundea eta enplegua ere suspertu ahal izateko.

Cohes3ion Beazek lideratuko du eta 8 eskualdetako 10 bazkidek parte hartuko dute: kalabria, Estokolmo, Gales, Irlanda, Ruhr, Nord-Vest Errumania, Varsovia eta Bizkaia.

3 urteko iraupena izango duen proiektu honen bidez honako emaitzak lortzea aurreikusten da: Erkidego Adimentsuaren Mapa egiteko Erreminta Metodologikoak landu; Praktika Onak identifikatu, partekatu eta hedatu; lurraldeko Ekintza Plana diseinatu; eta Politika gomendioak garatu eta hedatu EGEF eta S3 proiektu operatiboetan lurraldetasuna eransteko.

Bilbon egindako bileran, gainera, Beaz eta Azaro Fundazioaren lana, Bizkaia Oreka ekimena eta BIC Bizkaia azpiegitura ezagutzeko aukera egon zen. Baita, RIS3 Euskadi ekimena zabaltzeko abagunea ere.

 

JPAGE_CURRENT_OF_TOTAL

AGENDA

Azkeneko hilabetea Otsaila 2020 Hurrengo hilabetea
A A A O O L I
week 5 1 2
week 6 3 4 5 6 7 8 9
week 7 10 11 12 13 14 15 16
week 8 17 18 19 20 21 22 23
week 9 24 25 26 27 28 29

Hurrengo Ekitaldiak

2020 otsailak 03
Bazkide bilera ORHI Poctefa
2020 otsailak 04
Bazkide bilera ORHI Poctefa
2020 otsailak 27
CircularSeas workshop