HARPIDETZA

Sare sozialak

BERRIAK

ORHI proiektu europarraren partzuergoaren bosgarren bilera

Kontuz, leiho berrian zabalduko da PDF fitxategiaInprimatuE-posta

I 2020ko otsaila I

Azaro Fundazioa *ORHI proiektu europarraren partzuergoaren bosgarren bileran izan zen, otsailaren 4tik 5era bitartean, Iruñan. 2018ko urtarrilean hasitako proiektu honen helburua POCTEFA lurraldearen mendebaldeko Nekazaritzako Elikagaien Industriaren balioa azpimarratzea da, honako hauen bidez: sinergia garapena lurralde bietako enpresen artean; balio erantsiaren erabilera berriak sustatuko dituzten Teknologia Berritzaile eta Negozio-Eredu berrien nazioarteko eta mugaz bestaldeko identifikazioa; eta materia organiko eta plastikoen emariaren erabilera eragile eta eraginkorra enpresetan.

Bazkideek, bileraren bi egunetan, martxan jarritako ekintza bakoitzean orain arte egindako aurrerapenak errepasatu zituzten eta hurrengo sei hilabeteetarako lan egitasmoa ezarri zuten.

 

 

Landutako gaiak hauek izan ziren:

     - Tailerren metodologiarako egokitzapenaren errepasoa.

     - Negozio-Eredu Zirkularren eta Teknologia Berritzaileen katalogoen aurkezpena.

     - Katalogoen hedapena nola egin erabakitzea.

     - Ospatzeko dauden herrialde-tailerren koordinazioa eta Logroñoko Mugaz Bestaldeko tailerra (martxoak 26).

     - Identifikatutako irtenbideak lurraldean inplementatzeari jarraipena: Segizio proiektuak.

     - Komunikazio-planaren jarraipena: proiektuaren bukaerako bideoa eta prensa dosierra.

Momentu honetan, Azaro Fundazioan 2 segizio proiektuetan ari dira lanean inguruko enpresekin, beraien barne-prozesuaren fluxuaren inguruan hobekuntzak lortzeko, digitalizazioaren eremutik.

Gogorarazi nahi da, aurki, Negozio Ereduen eta Teknologia Berritzaileen katalogoak eta aurkezpen bideoak argitaratuko direla ORHI-ren webgunean.

Azkenik, martxoaren 26an ospatuko den eta Nekazaritzako Elikagaien sektorearentzako antolatuko den, Logroñoko Mugaz Bestaldeko Tailerrera gonbidapena luzatzen da.

Proiektuaren hurrengo bazkide bilera azaroan egingo da, baina lehenago, ekainean, Skype saio bat antolatuko da ekintzen jarraipena egiteko.

 

*Proiektu hau Interreg V-A Espainia-Frantzia-Andorra (POCTEFA 2014-2020) Programarekin batera % 65ean finantzatuta dago Eskualde Garapenerako Europako Funtsaren (FEDER) bitartez.

 

“Bizinfish” Marokora Misioa

Kontuz, leiho berrian zabalduko da PDF fitxategiaInprimatuE-posta

“Nazioartekotzea lankidetzan, arrain eraldaketa enpresen artean” proiektua

 

I 2020ko otsaila I

Azaro Fundazioa, BFAren eskutik 2019-2020 Nazioarteko Partzuergoen Programaren baitan, enpresen arteko lankidetza proiektua, “Nazioartekotzea lankidetzan, arrain eraldaketa enpresen artean” aurrera eramaten ari da, “Bizinfish –Arrainaren industria Bizkaian bezala ere ezagutzen dena.

Proiektu honen helburua arrainaren merkaturatze eta eraldaketaren sektoreko enpresa txiki eta ertainen nazioartekotzea sustatzea da. Horretarako, otsailaren 17tik 20ra bitartean, Lea-Artibaiko 9 enpresak Marokorako misio komertzialean parte hartu dute. Beraien xedea nazioarteko eremuan negozio aukerak bilatu, produktu berriak sortu eta merkatu berrietan aukerak sortzea izan da, Casablanca eta Agadir-en lankidetzak zehaztearen bitartez.

Parte hartu duten enpresak hauek izan dira:

1. Arrankoba 08 S.L.

2. Beripesca Seafood S.L.

3. Heisa - Hermanos Echevarría Idoeta, S.A.

4. Itsas Aurre Pescados S.L

5. Matxitxako Moluscos S.L.

6. Pescados Burgondar S.L.

7. Pescados Llorente S.L.

8. Pescados Urbare S.L.

9. Ondarroako Arrain Salerosleen Elkartea.

Partaideek misioan izandako bileren ondoren, misioaren balorazioa egingo da, eta, ostean, egindako kontaktuen jarraipena, BIZINFISH enpresen eta marokoar merkatuaren artean negozio aukera bat ezartzeko xedearekin.

 

 

 

 

 

 

Bizkaia Enpresa topaketaren bederatzigarren edizioan lankidetza ekosistemen aldeko apustua berretsi da

Kontuz, leiho berrian zabalduko da PDF fitxategiaInprimatuE-posta

 

 I 2020ko otsaila 

Ekonomia Sustatzeko Sailak eta Beaz-ek antolatutako Bizkaia Enpresa topaketaren bederatzigarren edizioa BECen ospatu zen otsailaren 20an. Lankidetza ekosistemak eta enpresa sareak dituen erronkak jorratzeaz gain, erakundeen arteko lankidetza esperientziak ezagutzeko aukera izan zuten jardunaldian parte hartu zuten 500 enpresak.

Beaz-eko Zuzendari Nagusia den Olatz Gotia lekeitiarrarekin batera, Unai Rementeria, Ahaldun Nagusia eta Ainara Basurko, Ekonomia Sustatzeko foru diputatuak parte hartu zuten ekitaldian. Guztiak bat etorri ziren lankidetzaren beharra azpimarratzerakoan. “Bidea, erronkak, aukerak, egiteko modua… partekatu behar ditugu, eta elkarrekin jarraitu behar dugu", baieztatu zuen Rementeriak eta “modu bateratuan jorratu behar ditugu erronkak” azpimarratu zuen Basurkok.

Ekitaldia ON Bizkaia 2020 Sarien banaketaren lekuko ere izan zen. Horrela, Beaz-etik 2019an babestu ziren 512 proiektuetatik, jarduera ekonomikoa eta enplegua sortzen laguntzeko irizpideei jarraituz, zazpi proiektuk aipamen berezia jaso zuten: Guivisa, Zunibal, Tellmewow, SSI Taldea, Comalaetxea, CMZ Seuner fabricados eta Micolet.

Azaro Fundazioko zuzendaria, Ainhoa Arrizubieta ere bertan izan zen eta han jasotako mezua, otsailaren 21ean Lea-Artibai Berrikuntza Gunera Ainara Basurkok egin zuen bisitan berretsi zuen mezu berberarekin egin zuen topo. Horregatik, lerro hauetan Azaro Fundazioak ere Lea-Artibaiko eragile, instituzio eta enpresei eskua luzatu nahi dio elkarlanerako deia eginez: bideak, erronkak, aukera, egiteko moduak… partekatzea da etorkizunera begira lehiakorragoak izateko eredua.

 

Saria jaso zutenak erakundeetako ordezkariekin. Argazkia: BFA

 

JPAGE_CURRENT_OF_TOTAL

AGENDA

Azkeneko hilabetea Ekaina 2020 Hurrengo hilabetea
A A A O O L I
week 23 1 2 3 4 5 6 7
week 24 8 9 10 11 12 13 14
week 25 15 16 17 18 19 20 21
week 26 22 23 24 25 26 27 28
week 27 29 30

Hurrengo Ekitaldiak

Ekitaldirik gabe