HARPIDETZA

Sare sozialak

BERRIAK

Enpresa sortzeko eta martxan jartzeko diru-laguntzen epea zabalik

Kontuz, leiho berrian zabalduko da PDF fitxategiaInprimatuE-posta

2018ko uztaila

Azaro Fundazioaren egiteko nagusienetako bat Lea-Artibai eskualdean enpresa proiekturen bat duten ekintzaileen bidelagun izatea da. Ideiaren definiziotik abiatuz ekintzaileei bideragarritasun plana egiten laguntzen diegu, eta enpresa sortzea erabakitzen dutenen kasuan baita enpresa sortu eta martxan jartzeko prozesuan laguntza eskaini ere, diru-laguntzen berri emanez eta hauen eskariak tramitatuz.

Urtero bezala, Bizkaiko Foru Aldundiak enpresak sortzeko eta martxan jartzeko ateratzen dituen programak irekita daude jada:

Langabezian eta baztertuak izateko arriskuan dauden pertsonei zuzenduriko diru-laguntza

Onuraduna izateko sozietatea eta zerga helbidea Bizkaian izateaz gain dekretuaren 1.atalean zehaztutako prestakuntza eta banan-banako aholkularitza egina izatea beharrezkoa da.

Entitate onuradunak gutxienez 5.000 €ko diru-laguntza eskuratu dezake lehen urtean jarduera abian jartzeko gastuetarako, betiere, pertsona sustatzaileetako batek erakunde onuradunaren atalean adierazitako betebeharrak betetzen baditu. Diru-laguntza emateko prozedura norgehiagoka araubidea izango da eta balorazio irizpide batzuk aplikatuko dira horretarako.

Aurtengo deialdira 2017ko irailaren 16tik 2018ko irailaren 14era bitartean (biak barne) sortutako enpresak aurkeztu daitezke.

Eskaerak aurkezteko epea: Irailak 14.

Enpresa proiektu berritzaileak garatzeko laguntza

Kasu honetan diruz laguntzen diren gastuak jarraian aipatzen direnak izango dira: bideragarritasun eta merkatu azterlanak, txosten teknikoak, prototipoak, bidaiak, azoketan parte hartzeak eta proiektua garatzeko kanpoko aholkularitza.

Onuradunak berriz, ondorengoak izan daitezke:

• Enpresa berritzaile berrien sustatzaile diren pertsona fisikoak.

• Enpresa berritzaile berrien sustatzaile diren enpresak.

• Enpresa berritzaile berriak, EJZn alta eman gabeak badira edo haien EJZko altaren lehen data 2016ko urtarrilaren 1a baino beranduagokoa bada.

• Lehendik dauden enpresak,  10 lanpostutik gora dituztenak eta negozio-unitate berriak sustatzen dituztenak, beti ere BEAZekin batera barne ekintzailetzarako diseinatutako prozesuen emaitza badira.

Diru-laguntza lerro honetan lortu daitekeen zenbateko altuena 20.000€-60.000€ bitartekoa izan daiteke, lortutako puntuazioaren arabera.

Eskaerak aurkezteko epea: Irailak 21.

Zalantzarik izanez gero edo informazio gehiago eskuratzeko, deitu ondorengo telefono zenbakira (Azaro Fundazioa): 94 616 91 72

 

Azaro Fundazioa adimen lehiakorrari buruzko kongresu europarrean izan da

Kontuz, leiho berrian zabalduko da PDF fitxategiaInprimatuE-posta

2018ko ekaina

Aurten bigarren aldiz Azaro Fundazioa adimen lehiakorrari buruzko Europako kongresu garrantzitsuenean izan da. Oraingoan ekainaren 5eta 6an ospatu da, Alemaniako Bud Nauheim herrian (Frankfurt). Iaz bezala, hizlariek erakunde baten barruan informazioa kudeatzeko orduan izandako esperientziak partekatu zituzten,  eta besteak beste Orange, Philips, BBVA, Automotive Lighting, EW Nutrition, DeLaval, Freudenberg eta ZF enpresak entzuteko aukera egon zen. Gainera, adimen lehiakor zerbitzua eskaintzen duten hainbat enpresa ezberdin ere izan ziren bertan.

Azarok denekin elkarbanatu zituen bere ezagutzak, praktika onekin lotutako esperientziak eta ikasitakoak, eta baita Lea-Artibaiko enpresentzat kontakturen bat lortu ere. Iaz bezala, ezarri beharreko akzio zerrenda luze bat ere ekarri zuen.

Hain zuzen ere, iazko zerrendatik jaio da InTool Azaroren adimen lehiakor sistemaren bertsio berria ere. Aurkezpen jardunaldia urriaren 4an ospatuko da Azaro Fundazioaren instalazioetan, eta sarrera librea izango da. Interesa izanez gero idatzi Helbide elektroniko honek spam bot-en kontrako babesa du. Ikusteko Javascript-a aktibatu behar duzu helbidera.

Horrelako jardunaldietara joan eta berrikuntzaren kudeaketarako adimen lehiakorra erabiltzen duten Europako enpresa handiekin kontaktuan egotea oso interesgarria da Azaro Fundazioarentzat, hauen metodologia eta tresnak ezagutzea inspirazio iturri bat eta azken nobedadeen berri izateko modu bat izan daitekeelako.

 

Azaro Fundazioa Lankik antolatutako VI. Kooperatibagintza Topaketan hizlari

Kontuz, leiho berrian zabalduko da PDF fitxategiaInprimatuE-posta

2018ko ekaina

Ekainaren 15ean LANKI Mondragon Unibertsitateko Lankidetzaren Ikertegiak antolatutako VI. Kooperatibagintza Topaketak ospatu ziren Eskoriatzako Humanitate eta Hezkuntza Zientzien Fakultatean. Azaro Fundazioak hizlari gisa parte hartu zuen ekimen honetan, Lea-Artibai eskualdeko kooperatibekin batera landu duen proiektu bat aurkezteko.

Jardunaldiaren helburua kooperatibak gizarte eraldaketa ekimenetan nola jarduten duten ezagutzea izan zen. Quebec-eko Chantier de la Economie Sociale-ko Patrick Duguay eta Madrilgo Grupo de Investigación en Organizaciones Sostenibles elkarteko Ana Moreno Romero adituek lurralde bateko eraldaketa sozialean kooperatibek eta pertsonek duten erantzukizun eta konpromisoaren inguruan aritu ziren. Ondoren, adibide praktiko batzuk aurkeztu ziren fokua kooperatibetan jarriz, eta besteak beste Fagor Taldea eta Eroski praktikan jartzen ari diren ekimenak eman ziren ezagutzera. Fokua lurraldera zabaltzean, Azaro Fundazioak eskualdeko kooperatibekin batera definitu duen eraldaketa sozialerako proiektua aurkezteko aukera izan zuen.

 

Digitalizazioa hizpide TransferINN proiektu europarraren baitan antolatutako bigarren jardunaldian

Kontuz, leiho berrian zabalduko da PDF fitxategiaInprimatuE-posta

2018ko ekaina

Ekainaren 8an Orona Ideo Campusean (Hernani) TransferINN1 proiektu europarraren baitan antolatutako Fabrikazio Aurreratuari buruzko bigarren jardunaldi teknikoa ospatu zen, digitalizazioa izan zuena hizpide. Topaketa hau TransferINN proiektu europarraren baitan Fabrikazio Aurreratuaren gaia garatzeko sortutako nodoaren ekimen bat izan da. Nodo hau Azaro Fundazioak Mondragon Goi Eskola Politeknikoak (MGEP) eta ESTIAk osatzen dute.

MGEPko irakasle eta ikertzailea den Jaione Ganzarain izan zen jardunaldiari hasiera ematearen arduraduna, eta TransferINNproiektu europarraren aurkezpenarekin hasi zuen saioa. POCTEFA 2014-2020 programaren bitartez Eskualde Gapenerako Europako Funtsak (EGEF) finantzatutakoproiektu honen helburu nagusia unibertsitate, formazio zentro edo zentro teknologikoetan eskura dagoen ezagutza enpresa txiki eta ertainei eta ekintzaileei transferitzea da, horretarako mugaz bestaldeko berrikuntza ekosistema indartuz.

Behin testuingurua azalduta, Asier Orio Metapostako Garapen Zuzendariak gaur egun eraldaketa digitala enpresetan eta gizartean nola eragiten ari den azaldu zuen. Halaber, digitalizazio alorrean hainbat enpresek izandako esperientziak ezagutzeko aukera ere egon zen jardunaldian: Danobat Group, Osakidetza, Orbea eta Ikerlan. Aipagarria da Birminghameko Aston Unibertsitateko Eraldaketa Arduraduna den Sandra Benbow-ek ere hartu zuela hitza, bertako esperientzien berri emateko. Bukaeran galderentzako tartea egon zen eta ondoren Luntx Networking bat egin zen, bertaratuek elkar ezagutzeko eta esperientziak elkarbanatzeko aukera izan zezaten. Enpresa, Zentro Teknologiko eta erakunde desberdinetako ordezkariak ziren 50 entzuletik gora batu ziren jardunaldian, eta orokorrean jardunaldiaren balorazio oso positiboa egin zuten.

Nodo honek antolatuko duen hurrengo jardunaldia, hirugarrena, Fabrikazio Gehigarriari buruzkoa izango da eta ESTIAN (Bidart) ospatuko da.

1- Azaro Fundazioak zuzentzen duen eta Europako beste sei erakunderekin batera parte hartzen duen proiektu europar bat da: Mondragon Goi Eskola Politeknikoa, ESTIA (Ecole Supérieure des technologies Industrielles Avancées), INSUP formation, Ariège Expansion, Perpignan-eko unibertsitatea eta Kataluniako Generalitateko Irakaskuntza Saila. Proiektu hau %65ean kofinantzatu du Eskualde Gapenerako Europako Funtsak (EGEF), muga eremuko ekonomia eta gizarte integrazioa indartzea helburu duenInterreg V-A Espainia-Frantzia-Andorra Programaren bitartez (POCTEFA 2014-2020).  Egitasmo honek eskaintzen duen laguntza lurralde garapen jasangarribaten aldeko estrategia bateratuen bitartez mugaz gaindiko ekonomia, gizarte eta ingurumen jarduerak garatzean datza.

 

Seniorlab proiektuaren itxiera jardunaldia

Kontuz, leiho berrian zabalduko da PDF fitxategiaInprimatuE-posta

2018ko ekaina

Joan den ekainaren 13an Seniorlab proiektuaren itxiera jardunaldia ospatu zen Azaro Fundazioan. Seniorlab Ermuko Udalarekin elkarlanean definitutako eta garatutako proiektu bat da, Bizkaiko Foru Aldundiak Elkarlanean 2017 Programaren bitartez finantzatua.

Zazpi hilabetean zehar Lea-Artibai eta Ermuko enpreseek Zilar Ekonomiara bideratutako elkarlan berrikuntza sustatzeko lan egin dute, 50 urtetik gorako pertsonen beharrak asetzera bideratutako produktu eta zerbitzuak garatuz.

Horretarako ezinbestekoa izan da Pablo López-en laguntza, Creativigo-ko Zuzendari Nagusia eta Zilar Ekonomian esperientzia handia duen berrikuntza aholkularitzan aditua; berak dinamizatu ditu proiektuko bi talde saioak eta lau banakako sesioak. Proiktuaren amaiera iritsita guztira 16 enpresak parte hartu dutela nabarmendu daiteke, eta hirugarren adinera bideratutako sei produktu/zerbitzu definitu direla eraikuntzaren, elikaduraren, aisialdiaren, IKTen eta ortopediaren alorretan. 

Ermuko Udala eta Azaro Fundazioa oso pozik daude proiektuaren emaitzekin, bai identifikatu diren negozio aukeren kalitate eta kantitateari dagokionez, bai enpresa parte hartzeari dagokionez.

 

JPAGE_CURRENT_OF_TOTAL

AGENDA

Azkeneko hilabetea Azaroa 2019 Hurrengo hilabetea
A A A O O L I
week 44 1 2 3
week 45 4 5 6 7 8 9 10
week 46 11 12 13 14 15 16 17
week 47 18 19 20 21 22 23 24
week 48 25 26 27 28 29 30

Hurrengo Ekitaldiak

2019 azaroak 26
Formakuntza pildora: Behar dudana kobratzen ari al naiz?