HARPIDETZA

Sare sozialak

BERRIAK

Seniorlab proiektuaren itxiera jardunaldia

Kontuz, leiho berrian zabalduko da PDF fitxategiaInprimatuE-posta

2018ko ekaina

Joan den ekainaren 13an Seniorlab proiektuaren itxiera jardunaldia ospatu zen Azaro Fundazioan. Seniorlab Ermuko Udalarekin elkarlanean definitutako eta garatutako proiektu bat da, Bizkaiko Foru Aldundiak Elkarlanean 2017 Programaren bitartez finantzatua.

Zazpi hilabetean zehar Lea-Artibai eta Ermuko enpreseek Zilar Ekonomiara bideratutako elkarlan berrikuntza sustatzeko lan egin dute, 50 urtetik gorako pertsonen beharrak asetzera bideratutako produktu eta zerbitzuak garatuz.

Horretarako ezinbestekoa izan da Pablo López-en laguntza, Creativigo-ko Zuzendari Nagusia eta Zilar Ekonomian esperientzia handia duen berrikuntza aholkularitzan aditua; berak dinamizatu ditu proiektuko bi talde saioak eta lau banakako sesioak. Proiktuaren amaiera iritsita guztira 16 enpresak parte hartu dutela nabarmendu daiteke, eta hirugarren adinera bideratutako sei produktu/zerbitzu definitu direla eraikuntzaren, elikaduraren, aisialdiaren, IKTen eta ortopediaren alorretan. 

Ermuko Udala eta Azaro Fundazioa oso pozik daude proiektuaren emaitzekin, bai identifikatu diren negozio aukeren kalitate eta kantitateari dagokionez, bai enpresa parte hartzeari dagokionez.

 

Lea-Artibaiko ekintzailetza sarea zabaltzen

Kontuz, leiho berrian zabalduko da PDF fitxategiaInprimatuE-posta

2018ko ekaina

Azken hilabetean Azaro Fundazioak eta Leartibai Garapen Agentziak ekintzailetzarekin lotutako hainbat ekimenetan parte hartu dute. Helburuak ezagutza sortu eta elkarbanatzea, Euskadiko beste ekintzailetza zentro batzuekin esperientziak eta programak partekatzea eta proiektu berriak martxan jarri nahi dituzten beste eragile batzuei ideiak eskaintzea izan dira.

Hasteko, bi erakundeek Donostiako Sustapenak eta Garapenek antolatutako jardunaldi baten parte hartu zuten. Bertan, azken urteetan Lea-Artibain ekintzailetza eta berrikuntzarekin lotutako talentua sortzeko programei buruzko informazioa eman zuten.

Halaber, Sarekin Ekintzailetza Sarearen aurkezpenean ere parte hartu zuten, biak baitira bertako kideak.

Azkenik, datorren astean Sprint_Inn Bizkaia programa berria aurkeztuko da Irazabal Matikoko Auzo Factory-n. Sprint_INN Bizkaia metodologia berrien eta tresna digitalen bitartez negozio ideiak azeleratu eta ideia tradizionalak berritzaile bihurtzeko programa berri bat da. Azaro Fundazioa eta Leartibai Garapen Agentziak Busturialdako ekintzailetza zentroekin (Gernikako Lanbide Ekimenak y Bermeo-Mundaka-Sukarrietako Behargintza), Durangoko Lehiakortasun Poloarekin eta Ermuko Udalarekin elkarlanean definitu eta kudeatu dute programa hau, Bizkaia Orekan ekimenaren baitan eta Bizkaiko Foru Aldundiaren laguntzarekin.

 

SPRINT_INN BIZKAIA: Bizkaiko negozio ideiak azeleratu eta berritzeko lankidetza proiektu berria

Kontuz, leiho berrian zabalduko da PDF fitxategiaInprimatuE-posta

2018ko maiatza

Azaro Fundazioak, Leartibai Garapen Agentziak, Gernikako Lanbide Ekimenak, Ermuko Udalak, Bermeo-Mundaka-Sukarrietako Behargintzak eta Durangaldeko Lehiakortasun Poloak lankidetza proiektu berri bat jarriko dute abian SPRINT_INN izenburupean, berrikuntzaren eta metodologia berrien bitartez negozio ideiak azeleratzeko helburuarekin. Bizkaia Orekan programaren bitartez Bizkaiko Foru Aldundiaren laguntza jasotzen duen proiektu honek, Google Space-ren Campus Madrid-en kokatutako Tetuan Valley negozio azeleratzaile entzutetsuan egonaldiak eskainiko dizkie parte hartzaileei beste gauza batzuen artean.

Ekainean hasi eta 2019ko otsailera arte, aukeratutako proiektuek aholkularitza pertsonalizatua jasoko dute negozio ideiaren definizio, azelerazio eta abiatzean lan egiteko. Horretarako, programak hainbat erraztasun jarriko ditu ekintzaileen eskura: ideiak lantzeko espazioak, Tetuan Valley azeleratzailean egonaldiak, Design Sprint azelerazio prozesu berritzailean parte hartzea eta Bizkaia zein Madrilgo mentore espezifikoen jarraipena eta aholkularitza esaterako.

Proiektu hau berritzaileak izateko beharra daukaten enpresa tradizionalei zein negozio ideia definitu eta azeleratu nahi duten ekintzaileei bideratuta dago. Izena emateko epea ekainaren 22an bukatuko da eta Busturialdea, Durangaldea, Ermua eta Lea-Artibaiko enpresa eta ekintzaileek hartu dezakete parte. Interesatuak beraien eskualdeko ekintzailetza zentroarekin jarri daitezke kontaktuan.

Informazio gehiago hemen.

 

Lea-Artibaiko XII. Enpresa Proiektu Lehiaketan izena emateko epea zabalik

Kontuz, leiho berrian zabalduko da PDF fitxategiaInprimatuE-posta

2018ko maiatza

Azaro Fundazioa eta Leartibai Garapen Agentzia Lea-Artibai eskualdearen garapenarekin konprometituriko erakundeak dira, enpresa berrien sorrera beraien misioaren parte delarik.

Horregatik, eta ekintzailetza kultura hedatu asmoz, Lea-Artibaiko XII. Enpresa Proiektu Lehiaketa jarri dute abian. Aurtengo lehiaketara 2017 urteaz geroztik Lea-Artibai eskualdean enpresa berri bat martxan jarri duten ekintzaileak edo 2018an martxan jartzeko asmoa dutenak aurkeztu ahalko dira. Enpresa proiektu kooperatiboei dagokienez berriz, Lea-Artibai eskualdean kokaturikoez gain Busturialdea, Durangaldea eta Debabarrenean kokatutakoak ere parte hartu ahalko dute.

(Egin klin irudian gehiago jakiteko)

Aurten modalitate ezberdinak egongo dira eta kasu bakoitzean ondorengo sariak egongo dira:

1. Negozio ideia berritzaileenari: 2.000 €

2. Merkataritza / ostalaritza / turismo / zerbitzu negozio ideia onenari: 1.500 €

3. Emakume ekintzaileari: 750 euro

4. Negozio ideia jasangarrienari: 750 euro

5. Kooperatiba proiektu onenari: 2.000 euro

Sari hauek ez dira beraien artean bateragarriak izango, hau da, enpresa bakarrak ezin izango ditu bi sari ezberdin jaso.

Enpresa proiektua martxan jarri eta garatzeko laguntza ekonomikoaz gain, irabazleek ondorengo onurak ere izango dituzte:

• Lea-Artibai Berrikuntza Gunean dagoen Enpresa Haztegian kokatzeko erraztasunak.

• Enpresa martxan jarri arte eta ondorengo urteetan aholkularitza eta laguntza erakunde antolatzaileen eskutik.

Proiektuak aurkezteko epea ekainaren 29ra arte egongo da zabalik. Irabazleen izenak berriz, irailaren 22an Ispasterren ospatuko den Ekintzaile Egunean egingo den sari banaketa ekitaldian emango dira ezagutzera.

Lehiaketaren inguruko informazio zabalagoa eta inskripzio orria gure webgunean (www.azarofundazioa.com) duzue ikusgai.

 

Ekonomia Zirkularra, etorkizuna duen estrategia

Kontuz, leiho berrian zabalduko da PDF fitxategiaInprimatuE-posta

2018ko maiatza

Ekonomia Zirkularra garapen iraunkorraren alde egiten duen eredu ekonomikoa da, ekoizpen zikloa itxi eta hondakinei bizi edo erabilera berri bat ematean oinarritzen dena. Gainera, ezinbesteko eragilea bilakatzen ari da enpresa lehiakortasunerako. Duela 6 urte, Azaro Fundazioak eredu ekonomiko honen aldeko apustua egitea erabaki zuen, eta ordutik proiektu ezberdinak landu ditu gai honen inguruko praktika onak eta teknologia bildu, eta gure eskualdean zabaltzeko helburuarekin. Horren adierazle dira, newsletter honetan hainbat aldiz protagonista izan diren RETRACE eta ORHI bezalako proiektu europarrak.

Momentu hartan Azaro Fundazioak egin zuen apustua berretsi egin dute erakundeek, Ekonomia Zirkularra geroz eta presentzia gehiago hartzen ari baita Euskadiko agenda ekonomikoan. Donostiako Kursaal Jauregian ospatutako “Circular Thinking” jardunaldi teknikoa da horren adibide. Bertan, Eusko Jaurlaritzak “Euskadiko Ekonomia Zirkular adierazleak 2018” diagnostikoa aurkeztu zuen Iñaki Arriola Ingurumen, Lurralde Plangintza eta Etxebizitza sailburuaren eta Elena Moreno Ingurumen sailburuordearen eskutik.

Diagnostiko hau Europar Batasunak definitutako metodologiari jarraituz egin da, eta Euskadi izan da gai honen inguruko informazio guztia bildu duen Europako lehen lurraldea. “Euskadiko 2030 Ekonomia Zirkular Estrategia” ezartzeko lehen pausoa ere izan da.

ORHI proiektua Foodtech eta Hispack azoketan

Maiatzaren 8tik 11ra Azaro Fundazioa, eta bera bezala ORHI proiektuko kide den AIN, Foodtech eta Hispack azoketan izan ziren, bertan, bilgarriratze makineria eta enbalatze pabiloiak eta jasangarritasunari eskainitako espazioa bisitatu zituzten.

Ateratako ondorio garrantzitsuenek nekazaritza elikagaien industriako hondakinen birbalorizazioarekin daukate zerikusia, hau da, egun output edo hondakina den materia organikoa (arto bizarrak, azukre kanaberak, hondakin hortofrutikolak…) produktu biodegradagarri bilakatzea. Horren adibide dira EGEFek finantzatutako BIOVEGE proiektuko baratxuri zein lekentzako sare biodegradagarriak, edo baita biodregadagarri bihurtutako platerak edo sardexkak bezalako kontsumo gaiak ere. Horrela, sektore berdina berrelikatzea lortzen da.

Aipagarria da baita ere enbalaje edo elikagaien bilgarriratzean kartoiak daukan garrantzia, hasi kartonajetik eta kartoizko paletera. Hala ere, plastiko eta film biodegradagarriak erabiltzea da sektorearen joera.

Bisita honen helburua praktika onak eta teknologiak identifikatzea izan zen, gero ORHI proiektuko ikastaroen bidez sektorera transferitzeko.

ORHI proiektu europarra % 65ean Eskualde Garapenerako Europako Funtsak (EGEF) finantzatuta dago eta Interreg V-A Espainia - Frantzia - Andorra (POCTEFA 2014-2020) programaren baitan gauzatuko da. Proiektua 2018ko urtarrilean hasi zen eta 2020ko abendura arte iraungo du.

 

JPAGE_CURRENT_OF_TOTAL

AGENDA

Azkeneko hilabetea Azaroa 2019 Hurrengo hilabetea
A A A O O L I
week 44 1 2 3
week 45 4 5 6 7 8 9 10
week 46 11 12 13 14 15 16 17
week 47 18 19 20 21 22 23 24
week 48 25 26 27 28 29 30

Hurrengo Ekitaldiak

2019 azaroak 26
Formakuntza pildora: Behar dudana kobratzen ari al naiz?