HARPIDETZA

Sare sozialak

BERRIAK

Lea-Artibaiko Enpresa Proiektu Lehiaketaren XIII. edizioa

Kontuz, leiho berrian zabalduko da PDF fitxategiaInprimatuE-posta

I 2019ko maiatza I

Azaro Fundazioa eta Leartibai Garapen Agentzia-Behargintza enplegu eta tokiko garapenerako zentroak, Lea-Artibaiko Enpresa Proiektu Lehiaketaren 13. edizioa antolatu dute. Lea-Artibai eskualdearen garapenarekin konprometituriko bi erakunde hauek beraien misioaren baitan jasota dute enpresa berrien sorreraren alde lan egitea, eta ekimen honekin, ekintzailetza kultura hedatzeko eta enpresekin erlazionatutako ekimen berriak sustatzeko ahalegin berezia ere egiten dute.

Lehiaketara, 2018 urteaz geroztik Lea-Artibai eskualdean enpresa berri bat martxan jarrita edo 2019an martxan jartzeko asmoa duten ekintzaile guztiak aurkezteko aukera izan dute. Ekintzaileen ahalegina eta lana saritzea helburu duen ekimen honek bi modalitate eta aipamen berezi bat bereizten ditu edizio honetan:

           - Negozio ideia berritzaileak. 2.000€-ko saria.

           - Merkataritza, ostalaritza, turismo eta zerbitzu enpresak. 1.500€-ko saria.

           - Aipamen berezi gisa, Emakume ekintzaileari banatuko zaion500€-ko saria.

          Oharra: sariak ez dira beraien artean bateragarriak izango.

Saria eskuratzen duten ekintzaileek Lea-Artibaiko Berrikuntza Gunean dagoen enpresa-haztegian kokatzeko erraztasunak izango dituzte eta, enpresa martxan jarri arte eta ondorengo urteetan aholkularitza eta laguntza jasoko dute erakunde antolatzaileen eskutik. Halaber, erakunde antolatzaileek kudeatzen dituzten programa ezberdinetan parte hartzeko aukera izango dute, eta lehen bi modalitateetan saria jasotzen dutenei, beraien proiektuak sustatzeko lagungarri izango zaien bideo promozional bana ere oparituko zaie aurtengo edizioan.

Bizkaiko Foru Aldundiaren laguntzarekin antolatutako lehiaketa honetara proiektuak aurkezteko azken eguna maiatzaren 24a izan da. Eta 20tik gora izan dira bertara aurkeztutako proiektuak.

Sarituak nortzuk izan diren jakitzeko, ekainaren 7ra arte itxaron beharko da. Sari banaketa ekitaldia, egun horretan izango bait da,Etxebarrian ospatuko den Lea-Artibaiko Ekintzaile Egunaren baitan antolatuko diren ekimenekin batera.

*Ekimen honek Bizkaiko Foru Aldundiko Enplegua, Gizarte inklusioa eta Berdintasuna sustatzeko saileko Behargintza programaren laguntza jaso du.

Antolatzaileak:                                                                                                                                                                                       

                                                                                              

Laguntzailea:

 

 

 

 

TransferINN proiektu europarraren azken jarraipen bilera Arrasaten

Kontuz, leiho berrian zabalduko da PDF fitxategiaInprimatuE-posta

I 2019ko maiatza I

Maiatzaren 15 eta 16an, Azaro Fundazioa Arrasaten izan zen TransferINN proiektu europarraren jarraipen bileran. 2016an martxan jarri zen eta Azarok zuzentzen duen proiektu hau, EGEFek (Eskualde Garapenerako Europako Funtsak) kofinantzatutako dago eta bere helburua muga eremuko ekonomia eta gizarte integrazioa hobetzea da. Proiektuko bazkideen arteko azken jarraipenbilera Arrasaten ospatu zen orain arte egindako lana berrikusi eta hurrengo pausuak definitzeko asmoz.

Maiatzaren 15ean bazkideek praktika onen lanketaren baitan, enpresa ezberdinak ezagutzeko aukera izan zuten, hala nola:

Mondragon Korporazioa ezagutzeko aukera izan zuten eta “unibertsitatea-enpresa lankidetzaren eredua” ere azaldu zitzaien.

GARAIA Parke Teknologikoa ere bisitatu zuten, enpresen lehiakortasuna hobetzeko, eragile desberdinen lankidetzan lan egiten dute.

Saiolan Enpresa Berrikuntzarako eta Sustapenerako Zentroa. BIC Gipuzkoaren egoitzetako bat izateaz gain, enpresa berrien sorrera prozesuan lan egiten du eta eskualdea, bertako enpresak eta I+G proiektuak sustatu eta garatzen ditu, Zientzia, Teknologia eta Berrikuntza Euskal Sarearen kide bezala. 

Honen ostean, bisita gidatua egin zuten parke teknologikoan zehar. Bazkideek GARAIAn kokatutako enpresa desberdinak ezagutzeko aukera izan zuten.

Maiatzaren 16ko jardunaldian proiektuaren baitan orain arte egindako guztia errepasatu zuten bazkideek eta proiektuko gai garrantzitsuenak mahaigaineratu ziren jarraipena egiteko.

Azaro Fundazioak bere partetik, eta proiektuko buru den heinean, hurrengo seihilekorako bete beharreko helburuak aurkeztu zituen eta baita proiektuaren betetze maila zenbateko izan behar den ere.  

Negozio ereduei buruzko jardunaldia Ekainaren 6an

Datorren ekainaren 6an Oronan jardunaldi bat antolatu dute TransferINN proiektuaren baitan. Zehazki, Azaro Fundazioa, Mondragon Goi Eskola Politeknikoa eta ESTIA, proiektuko bazkideek, elkarrekin Fabrikazio Aurreratuaren baitan egiten ari diren lanketaren barruan burutu dituzten ekintzetako azkena izango da. Hiru erakunde hauek TransferINN proiektuaren baitan Fabrikazio Aurreratuaren nodoa garatzeko arduradunak izan dira.

TransferINN itxiera ekitaldia Bartzelonan

Proiektua bukatzear dagoenez, bazkideek itxiera jardunaldiaren egitaraua definitzeko ere aprobetxatu zuten bilera. Itxiera ekitaldia azaroaren 20an egingo da Bartzelonan. Bertan TransferINN proiektuaren baitan egindako lana eta lortutako helburuak azalduko dira, besteak beste.

* Proiektu hau (FEDER) Eskualde Garapenerako Europako Funtsak finantzatuta dago.

 

Azaro Fundazioak eta Leartibai Garapen Agentziak ekintzaileei bideratutako Ekin pausoz pauso ikastaroaren bi deialdi antolatu dituzte

Kontuz, leiho berrian zabalduko da PDF fitxategiaInprimatuE-posta

I 2019ko maiatza I

Eskualdeko ekintzaileen beharrizanei erantzuna emateko asmoz, Azaro Fundazioak eta Leartibai Garapen Agentzia-Behargintza enplegu eta tokiko garapenerako zentroak, negozio ideia bat duten ekintzaileei zuzendutako Ekin pausoz pauso ikastaroen bi deialdi antolatu dituzte. Lehenengo saioa, maiatzaren 20tik 27ra izan da, goizez, eta bigarrena, berriz, maiatzaren 27tik ekainaren 6ra bitartean izango da, arratsaldeko ordutegian.  

Formakuntza honetan parte hartzen duten ekintzaileek enpresaren kudeaketarekin lotutako oinarrizko kontzeptuak lantzen dituzte; esaterako, merkataritza arloa, ekonomia arloa, hainbat izaera juridikoren ezaugarriak, hasierako tramiteak, lan arriskuen prebentzioa, ingurumena...

Ondoren, ikasitakoak norbere proiektuetan aplikatu beharko dituzte. Horretarako, Azaro Fundazioa eta Leartibai Garapen Agentzia-Behargintza enplegu eta tokiko garapenerako zentroaren,bakarkako aholkularitza jasoko dute, beraien negozio ideiaren bideragarritasun plana lantzeko.

Ikastaroa egiten duten ekintzaileei Bizkaiko Foru Aldundiaren Langabezian eta baztertuak izateko arriskuan dauden pertsonei zuzendutako dirulaguntza eskatzeko aukera zabalduko zaie. Aurtengo deialdia ekainaren 17an irekiko da eta irailaren 16an bukatuko da.

*Ekimen honek Bizkaiko Foru Aldundiko Enplegua, Gizarte inklusioa eta Berdintasuna sustatzeko saileko Behargintza programaren laguntza jaso du.

Antolatzaileak:                                                                                                                                                                                       

                                                                                              

Laguntzailea:

 

 

 

Azaro eta Errota Fundazioa elkarlanean Arratiako konpetentzia mapa definitzen

Kontuz, leiho berrian zabalduko da PDF fitxategiaInprimatuE-posta

I 2019ko apirila I

Pasa den apirilaren 5ean, Azaro Fundazioak Errotarekin elkarlanean burututako Arratiako konpetentzia maparen emaitzak aurkeztu ziren Igorren.

Errota, Arratiako ingurune sozio ekonomikoaren dinamizatzailea da. Errotaren erronketako bat enpresa foroa sortzea da, industria sektoreko enpresen lehiakortasuna hobetu eta beharrizanei erantzuteko. Arratian enplegu sorrera eta mantentzea aktiboki bultzatzea ere Errotaren zeregin garrantzitsuenetarikoa da. Aipatutako erronkei aurre egiteko, Azaro Fundazioak Lea-Artibai eskualdean duen ibilbidean ikasitakoak aintzat hartuz, Errota eta Azaro Fundazioaren elkarlaneko lehen proiektua definitu da. Proiektu honen helburua,  Arratiako konpetentzien mapa garatzea izan da, enpresa ehunaren gaitasunak, beharrak eta erronkak identifikatzeko eta hortik abiatuz enpresekin banakako edo elkarlaneko proiektuak definitzeko. Proiektuen garapenerako programa eta laguntzen ezagutza sakona beharrezkoa da, programa horiek proiektuekin lotu eta enpresari bidea errazteko. Beraz, Arratiako konpetentzien mapa aurkezteaz gain, BFAren eskutik beraiek eskaintzen dituzten programen eta laguntzen azalpena ere eman da.  Arratiako 17 enpresa inguru bertaratu dira  jardunaldira eta oso balorazio positiboa izan du.

Proiektu hau, Bizkaiko Foru Aldundiaren (BFA) Elkarlanean programaren baitan garatu da. Programa honen helburua bitarteko organismoen arteko ekintza bateratua sustatzea da, lankidetzan sortutako berrikuntzarako sustapen jardueren eraginkortasuna areagotzeko.

 

 

JPAGE_CURRENT_OF_TOTAL

AGENDA

Azkeneko hilabetea Abuztua 2019 Hurrengo hilabetea
A A A O O L I
week 31 1 2 3 4
week 32 5 6 7 8 9 10 11
week 33 12 13 14 15 16 17 18
week 34 19 20 21 22 23 24 25
week 35 26 27 28 29 30 31

Hurrengo Ekitaldiak

Ekitaldirik gabe