HARPIDETZA

Sare sozialak

Ekintzaileen esperientziak ezagutzeko aukera EKIN LEA-ARTIBAIN ekimenean

Kontuz, leiho berrian zabalduko da PDF fitxategiaInprimatuE-posta

I 2020ko azaroa I

 

Azaro Fundazioak eta Leartibai Garapen Agentzia-Behargintzak Ekin Lea-Artibain solasaldi birtuala antolatu zuten pasa den urriaren 29an, Sarekin Week 2020 ekimenaren baitan. Instagram Direct plataformaren bidez eman zen eta Lea-Artibai eskualdeko ekintzaileen egoera eta esperientzia ezagutaraztea izan zuen helburu. Eneko Arratek, Herribixi koop.elk. txikia, dinamizatutako saioak bi ekintzaile gonbidatu izan zituen; Janire Alonso, Garatea Altzariak familia enpresako kidea eta Amaia Retolaza irudi pertsonaleko aholkularia eta 7 seconds ekimenaren sortzailea.

Janirek enpresaren sorrera eta ibilbideari buruzko azalpenak eman zituen eta beraien eskaintza eta berezitasunak ezagutarazi zituen. Ibilbidean zehar aurkitutako erraztasun eta oztopoei buruz aritu zen eta Azaro Fundazioaren eskutik jasotako laguntza nabarmendu zuen. Jendearen harrera eta bertako bizilagunen babesa sentitzeak aurrera jarraitzeko indarra ematen diela ere aipatu zuen. Zailtasunei dagokienez, Janirek azaldu zuen horrelako proiektu bat martxan jartzeko inbertsio ekonomiko handia egin behar dela eta ekintzaile txikientzako laguntza ekonomikoak urriak direla.

Amaia Retolazak coach formakuntza eta irudi pertsonala bateratu ditu 7 seconds ekimenean eta hainbat zerbitzu eskaintzen ditu norberaren irudia hobetzera bideratuak. Hala ere, bere negozioaren berezitasuna bezeroaren emozioak hobetzetik hastea dela azaldu zuen eta hori dela hain zuzen ere eskaintzen dituen zerbitzu guztien ardatza. Erraztasun eta zailtasunei buruz, hasiera oso ona izan zuela aipatu zuen, zerbitzu enpresa bat izanda inbertsio handirik ez baitzuen egin behar izan. Leartibai Garapen Agentziaren aldetik hasiera-hasieratik jasotako babesa azpimarratu zuen, eta lortutako diru-laguntzek asko erraztu diote bidea.

Solasaldia bukatzeko, saioaren gidariak Lea-Artibai bezalako eskualde txiki baten garapenerako bertako ekintzaileen lanak duen garrantzia goraipatu zuen eta eskualdean kontsumitzeko gonbita luzatu zuen, hori baita herri txikiak bizirik mantentzeko bidea.

Sarekin Week 2020

Sarekin Week Bizkaian ekintzailetza babesteko Eragileen Sarea osatzen duten erakundeek antolatu duten ekintzailetzaren astea da, urriaren 26tik 30era bitartean burutu dena. Ekimen honen helburua ekintzaile, eragile eta erakundeen arteko elkarrekintza espazio bat sortzea izan da ekintzailetzarekin eta horren fase guztiekin erlazionatutako gaiak jorratzeko eta ezagutza sortzeko. Aurtengoa lehen edizioa izan da eta Euskalduna Jauregian urriaren 26an egindako kongresu batekin hasi zen. Astearen gainerako egunetan hainbat jarduera birtual egin ziren, hala nola hitzaldiak, tailerrak, mahai-inguruak, eta abar. 60 hizlari baino gehiagok parte hartu zuten, ekintzailetzaren inguruko gai ezberdinak landuz. Horrez gain, ekintzaileek beraien enpresa proiektuak garatzeko eskura dituzten tresnak bildu eta ezagutu ahal izan zituzten eta ekintzailetza arloko eragileei kontsulta pertsonalak egiteko aukera ere izan zuten.

Bizkaiko Foru Aldundiaren Enplegua, Gizarte Inklusioa eta Berdintasuna Sustatzeko Sailak eta DEMA Enplegu eta Ekintzailetza Foru Agentziak koordinatu zuten ekimen berritzaile hau, eta Sarekin Ekintzailetza Sarea osatzen duten ehundik gora erakundek parte hartu zuten bertan. 

 

 

 

JPAGE_CURRENT_OF_TOTAL

AGENDA

Azkeneko hilabetea Abendua 2020 Hurrengo hilabetea
A A A O O L I
week 49 1 2 3 4 5 6
week 50 7 8 9 10 11 12 13
week 51 14 15 16 17 18 19 20
week 52 21 22 23 24 25 26 27
week 53 28 29 30 31

Hurrengo Ekitaldiak

2020 irailak 24
CircularSeas workshop 2&3
2020 urriak 01
Innovación basada en la vigilancia e inteligencia