HARPIDETZA

Sare sozialak

Azaro Fundazioak eta Innobasque agentziak antolatutako “Zaintza eta Adimenean Oinarritutako Berrikuntza” jardunaldiaren bigarren edizioa ospatu da

Kontuz, leiho berrian zabalduko da PDF fitxategiaInprimatuE-posta

I 2019ko urria I

Pasa den urriaren 3an, Azaro Fundazioak eta Innobasque agentziak antolatutako, “Zaintza eta Adimenean Oinarritutako Berrikuntza” jardunaldiaren bigarren edizioa ospatu zen Lea-Artibaiko Berrikuntza Gunean. Kasu praktikoetan ardaztutako jardunaldi horren helburua zaintza eta adimenean oinarritutako berrikuntzak enpresen egunerokotasunean izan dezakeen erabileraren adibideak eskaintzea izan zen.

Bost adituk parte hartu zuten, eta berrikuntzaren prozesuan jasotako ezagutzak eta esperientziak azaldu zituzten. Jardunaldiaren gai nagusia zaintzak eta adimenak berrikuntza-prozesuan duten garrantzia azpimarratzea izan zen, eta hainbat kasu oso adierazgarri eta hurbilak aurkeztu ziren.

Jardunaldia Innobasque agentziak gidatutako talde-dinamika batekin hasi zen: “Zaintzatik prospektibara”. Hiru taldetan banatuta, parte-hartzaileek zaintza, adimena eta prospektiba kontzeptuak landu zituzten, eta horietako bakoitzak erakunde baten duen eraginari buruz hausnarketa egin zuten. Horrela, talde batetik bestera mugituz eta ideia berriak gehituz, kontzeptu bakoitzak erakunde baten dituen hiru eragin nagusi zeintzuk diren erabaki eta partekatu behar izan zituzten.

Ondoren, Tomas Elorriagak (Banproko Bazkide-Zuzendaria) hartu zuen hitza, eta berrikuntzan arrakasta izateko gakoak azaldu zituen “Berrikuntzaren 12 sistematikak” hitzaldiaren bidez. Berrikuntza planifikatu ahal dela eta mugarik ez duela aipatu zuen. Baita,  berrikuntza sortzeko orduan etengabeko hobekuntza funtsezkoa dela ere. Gainera, erakunde batek bere bezeroak sakonki ezagutu behar ditu, berrikuntzak testuinguru sozial, kultural eta emozioetan oinarritutakoa eskatzen baitu. Berrikuntza sistema bat eraikitzeko zaintza, adimena eta bezeroenganako konfiantza nola elkartu pentsatzea nahitaezkoa dela azpimarratu zuen.

 

 

 

 

 

 

 

Iñigo Peñagarikanok, Copreciko Garapen Ingeniariak, aldiz, patenteen zaintzan oinarritutako berrikuntzari buruz hitz egin zuen. Patenteen zaintza-prozesua nola egiten zuten, nola egiten duten, egun, Intool tresna erabilita eta horri esker lortu dituzten hobekuntzak erakutsi zituen. Prozesua bizkorragoa eta zentzuzkoagoa izatea lortu dute. Gainera, lankideekin patenteak partekatzea errazagoa eta erosoagoa egiten zaie. Ondorioz, langileen parte-hartzea eta motibazioa areagotu egin dira eta lan-giroa lasaiagoa da.

Beste hitzaldi garrantzitsuenetako bat Josu Goikoetxearen (Leartikerreko Berrikuntza Estrategikoaren Arduraduna) eskutik izan zen: Zaintza eta adimena UNE 166.002ren baitan. Zentro teknologiko baten berrikuntzaren kudeaketan zaintzak eta adimenak duen garrantziaz aritu zen.

Azkenik, Iñaki Liébanak, Azaro Fundazioko Berrikuntza Teknikariak, berrikuntza erakundean txertatzeko IT (Innovate and Transform) METODOA eta INTOOL tresnaren bertsio berria aurkeztu zituen. Metodo horrek, erakunde baten berrikuntza proiektuak sortu eta garatzeko dinamika ezartzea ahalbidetzen du, 3 fasetan: zaintza, adimena eta azelerazioa.

Bukatzeko, zaintza eta adimenerako InTool tresnaren funtzionaltasun berriak aurkeztu ziren. Tresna horrek zure erakundeko barne-eta kanpo-informazioa automatizatzea eta kudeatzea ahalbidetzen du, ezagutza sortzeko.

Jardunaldian ateratako ondorio nagusienetako batzuk honako hauek izan ziren: berrikuntza prozesu sistematiko bat izan behar du; zaintzak eta adimenak lantaldeak edota sail ezberdinak elkartzen eta emaitzak optimizatzen laguntzen dute; eta adimena da prozesuko fase garrantzitsuena eta zailena. Guztira 25 parte-hartzaile izan ziren, eta lortutako emaitzak ikusita, antolatzaileek datorren urtean errepikatzeko asmoa adierazi zuten.

 

 

 

 

JPAGE_CURRENT_OF_TOTAL

AGENDA

Azkeneko hilabetea Abendua 2019 Hurrengo hilabetea
A A A O O L I
week 48 1
week 49 2 3 4 5 6 7 8
week 50 9 10 11 12 13 14 15
week 51 16 17 18 19 20 21 22
week 52 23 24 25 26 27 28 29
week 1 30 31

Hurrengo Ekitaldiak

Ekitaldirik gabe