HARPIDETZA

Sare sozialak

ORHI, sektore agroindustrialerako teknologia berritzaileak eta negozio eredu berriak identifikatzeko proiektu europarra

Kontuz, leiho berrian zabalduko da PDF fitxategiaInprimatuE-posta

ORHI proiektu europar berri bat da, % 65ean Eskualde Garapenerako Europako Funtsak (EGEF) finantzatua eta Interreg V-A Espainia - Frantzia - Andorra (POCTEFA 2014-2020) programaren baitan gauzatuko dena, 2018ko urtarrila eta 2020ko abendua bitartean.

ORHIren helburua POCTEFAren mendebaldeko eremuan nekazaritzako elikagaien industriari balioa ematea da, bi herrialdeetako (Frantzia eta Espainia) enpresen arteko sinergiak garatuz. Gainera, Teknologia Berritzaileen eta Negozio Eredu berrien nazioarteko eta mugaz gaindiko identifikazioan ere egingo du lan,  balio erantsiko erabilera berriak eta enpresetan materia organiko eta plastiko fluxuen erabilera eraginkorra sustatzen lagunduko dutenak.

Hauek dira proiektuko partaideak: Saiolan (proiektu burua) Azaro Fundazioa, ACLIMA, AIN, ADER, APESA, Baiona-Euskal Herriko Merkataritza eta Industria Ganbara, Bihartean Mugaz Gaindiko Ganbara, ESTIA eta COOP de France Midi-Pyrénées.

Proiektuaren ekimen nagusiak inter-enpresak eta sinergiak bultzatu eta erraztea, zortzi Negozio Eredu Berri (Ekonomia Zirkularra) eta ingurumen hobekuntzarako zortzi Teknologia Berritzaile bilatu eta identifikatzea, eta azkenik identifikatutako konponbideak ezartzea izango dira.

Ekimen hauen bitartez bi helburu nagusi lortu nahi dira:

• Gutxienez sektoreko hiru enpresek baliabide berritzaileei etekina ateratzea. Horretarako hiru inplementazio proiektu egingo dira.

• Balio katearen punturen batean baliabideen erabilera hobetzeko bi lankidetza edo transferentzia teknologiko hitzarmen lortzea.

Bere aldetik, Azaro Fundazioak Negozio Eredu Berrien (Ekonomia Zirkularra) eta ingurumen hobekuntzako Teknologia Berritzaileen bilaketa eta identifikazioa koordinatzeko arduraduna izango da, eta Lea-Artibaiko nekazaritza elikagaien sektorearen partaidetza sustatuko du proiektuan. Aclima eta Saiolanekin batera, Euskadin ORHIren bitartez identifikatutako Teknologia Berritzaile eta Negozio Ereduen ezarpenaren alde lan egingo du.

(Egin klik irudian handitzeko)

 

JPAGE_CURRENT_OF_TOTAL

AGENDA

Azkeneko hilabetea Abuztua 2018 Hurrengo hilabetea
A A A O O L I
week 31 1 2 3 4 5
week 32 6 7 8 9 10 11 12
week 33 13 14 15 16 17 18 19
week 34 20 21 22 23 24 25 26
week 35 27 28 29 30 31