HARPIDETZA

Sare sozialak

Eskualdeko enpresak Azaro Fundazioak antolatutako Lea-Artibai Eskualdeko Enpresen Lehen Azokan elkartu dira

Kontuz, leiho berrian zabalduko da PDF fitxategiaInprimatuE-posta

Joan den urriaren 20an Azaro Fundazioak antolatutako Lea-Artibai Eskualdeko Enpresen Lehen Azoka ospatu zen Lea-Artibaiko Berrikuntza Gunean. Helburu bikoitza izan zuen jardunaldiak: eskualdeko enpresak harremanetan jartzea eta enpresa-sarea sendotzea. Izan ere, horiek izan ziren otsaileko enpresa-topaketan identifikatu ziren eskualdeko enpresen behar nagusiak, eta jardunaldi honekin erantzuna eman nahi izan zitzaien.

Berrikuntza Gunean batu ziren 14 enpresek Azaro Fundazioko zuzendaria den Ainhoa Arrizubietaren aurkezpena izan zuten lehenbizi. Honek, inguru hurbileko hornitzaileak bilatzerakoan enpresentzako oso baliagarria izan daitekeen enpresa-bilaketarako plataforma baten aurkezpena egin zuen. Gaur egun hornitzaile bila kanpora jotzeko joera dago eskualdean edo inguruan dagoena benetan ezagutu gabe, eta hori ekiditeko ezinbestekoa da ezagutza bermatzeko tresnak eskuragarri izatea. Momentu honetan Azaro Fundazioa plataforman Lea-Artibaiko enpresei dagokien informazioa eguneratzeko ari da lanean.

Horren ostean azokara hurbildu ziren enpresen txanda izan zen. Bost minutuko tartean enpresaren aurkezpen txiki bat egin zuen ordezkari bakoitzak, nortzuk diren, zer saltzen duten eta zer erosten duten azalduz. Batzuk bazuten jada elkarren berri, baina asko izan ziren topaketara sinergia berriak sortzeko helburuarekin etorri zirenak. Batek baino gehiagok komentatu zuen topaketan bezero potentzialak ikusten zituela, eta eskualde mailan lan gehiago egiteko nahia ere agertu zuen. Enpresen parte-hartzeari esker jarduera benetan aberasgarria izan zen, hainbat sektore ekonomikotako ordezkaritzarekin: automobilgintza, fundizioa, makina-erreminta, web garapena, kartoiak, azpiegitura eta zerbitzuak...

Behin enpresa guztiek hitz egin zutenean, giro informalago batean elkarrekin harremanetan jartzeko eta kontaktuak egiteko tarte bat izan zuten. Interesen arabera taldetxoetan biltzen joan ziren, geratu ziren dudak argitu edo zerbitzu zehatzei buruz sakonago hitz egiteko. Networking saio interesgarria izan zen; etorkizuneko negozio-erlazioen oinarriak ezartzeko aukera ona.

Azaro Fundazioak eskualdeko enpresen arteko elkarlana bultzatzeko ekintzak antolatzen jarraituko du, enpresen lehiakortasuna hobetu eta ekualdeko harreman sarea indartzeko.

 

JPAGE_CURRENT_OF_TOTAL

AGENDA

Azkeneko hilabetea Apirila 2018 Hurrengo hilabetea
A A A O O L I
week 13 1
week 14 2 3 4 5 6 7 8
week 15 9 10 11 12 13 14 15
week 16 16 17 18 19 20 21 22
week 17 23 24 25 26 27 28 29
week 18 30

Hurrengo Ekitaldiak

2018 martxoak 20
Emakume ekintzaileen II. topaketa
2018 martxoak 21
TransferINN proiektuko bazkide bilera
2018 martxoak 22
RETRACE proiektuko nazioarteko difusio ekitaldia
2018 martxoak 23
Lea-Artibai Sarean