HARPIDETZA

Sare sozialak

Lea-Artibai BioBerdea

Kontuz, leiho berrian zabalduko da PDF fitxategiaInprimatuE-posta

Sektore tradizionalak indartu, garatze bidean dauden sektoreekin uztartuz

Lea-Artibai eskualdeko Enplegu Planaren lehen fasea bukatu berri da. Eskualdeko Enplegu Foroak eta Alkateen Foroak hiruna bilera egin ostean, egoeraren diagnosia adostu dute eta hurrengo urteetarako proiektu estrategikoa definitu dute. Prozesu honetan, elkarrizketen bidez, beste hainbat eragilek ere parte  hartu dute.

Lea Artibai eskualdeko langabezia tasa beste eskualdetakoena baino txikiagoa izan arren, goranzko joeraz dago. Errealitate honi aurre egin nahian helburu nagusi bat, jorratzeko eje edo ardatz estrategikoak eta lan eremu izango diren sektore estrategikoak definitu dira. Lea-Artibai eskualdeko Enplegu Planaren helburu nagusia honako termino hauetan onartu da:

Eskualdeko langabezia tasa murriztu eta kalitatezko lanpostuak sortu, martxan dauden enpresen lehiakortasunean eraginez eta jarduera berriak, berritzaileak eta  jasangarriak sustatuz, beti ere, aukera berdintasuna eta kohesio soziala eta territoriala bermatuz.

Esan bezala, helburu hauetara heltzeko, ardatz estrategiko batzuk definitu dira. Konkretuki 6 ardatz estrategiko:

1.- Enpresa ehuna dibertsifikatzea, enpresa berriak sortzea eta martxan dauden enpresen negozio ereduetan berrikuntza bideak jorratzea: Jarduera berriak, Produktu berriak edo balio-proposamen berriak, Merkatu berriak (geografikoak, bezero segmentuak)…

2.- Enpresek egun dituzten beharrizanei eta etorkizunean izan ditzaketenei (sektore emergenteetan) erantzungo dien formazio eskaintza izatea

3.- Enplegagarritasuna hobetzea eta laneratzeko arazo bereziak dituzten pertsonen edo/eta lan merkatuan kolokan egon daitezkeenpertsonen laneratzea erraztea

4.- Pertsona gaituak, berrikuntzarako eta ekintzailetzarako kultura eta jarrera daukatenak atxikitu eta erakarri

5.- Elkarlanerako kultura indartu sektore guztietan

6.- Ingurune baikor bat sortu eta eskualdean lana eta jarduera ekonomiko berriak sustatzekoazpiegiturak garatu.

Ardatz estrategiko hauetako bakoitza, lan lerro batzuetan zatitu da eta hauetako bakoitza aurrera eramateko proiektu konkretuak identifikatu dira: 6 ardatz estrategiko, 10 lan lerro eta 57 proiektu.

Aipatzekoa da proiektu hauetan eskualdeko sektore tradizionalen garapenaren aldeko apustu argia egiten dela garapen bidean dauden sektoreekin elkarlotuz.

Lea-Artibai nekazaritza eta arrantza sektore esanguratsu baten inguruan egituratu da.  Horren adierazle dira garatu den arrantza industria –sektoreko balio katearen atal ezberdinek eskualdean presentzia dutelarik- eta nekazaritza sektore esanguratsuagoa inguruko eskualdeekin alderatuz.  Lea-Artibaiko izaera, kultura eta ondarean argi nabaritzen da lehen sektorearen presentzia indartsua dela eskualdean. Berdeak eta Urdinak ezaugarritzen gaitu: Mendiak eta Itsasoak, alegia.

Aktibitate hauek ordea, heldutasun fasean ezezik, gainbeheran ere badaude azken urteetan.  Sektoreko enpresek beraz, estrategia berriak jarri behar dituzte martxan: dibertsifikazio erlazionatua alde batetik. Alegia, beren ezagutzarekin erlazionaturik dauden sektore/merkatu berrietara jauzia eta internazionalizazioa beste batetik. Eskualdeko Enpresa Sarea berritu eta internazionalizatu.

Sektore berriak diogunean, hazte prozesuan daudenei begiratu behar diegu. Zentzu honetan badira aukera emergenteak gure oinarrizko sektoreen garapenarekin sinergia handiak bideratu ditzaketenak:

• Elikagaigintza osasungarria: Osasunaz geroz eta arduratuagoa gauden garai honetan, elikagaiek pertsonen osasunean eragin baikorra duten propietate bereziak izan behar dituzte. Hemen esparru zabala genuke lanerako. Elikagaien industria badugu, produktuen garapenaren aldeko apustu egin dutenak eta baita lankidetzarako erakundeak ere formazio eta ikerkuntza mailan.

• Osasun turismoa.Urdinez eta berdez inguraturiko eskualde lasai hau, ondare, kultura, hizkuntza propioaz, helmuga erakargarria izan daiteke kirola, osasunaren zainketa eta egiazkotasunaren inguruan turismoa egin nahi duenarentzat. Geroz eta turismo sektore egituratuago eta koordinatuaz  lehenengo pausoak ematen hasi dira

• Ekonomia Berdea. Esparru honetan aukera berri ugari zabaltzen dira. Gure eskualdeak jasangarritasunaren irudia izan nahi duenez,  energia eta ingurumenaren inguruan aukera berriak landu daitezke. Praktikan gainera, badira enpresa batzuk honetan dibertsifikatzen ari direnak: efizientzia energetikoa, biomasako galdaren instalazio eta mantenimendua, Waste 0 filosofiarekin lotutako proiektuak…

Lea-Artibai eskualdean industria sektore esanguratsua ere badugu. Lanaren portzentaia handi bat Kooperatiboa da, Mondragon Taldeari lotuta. 70. hamarkadan sortutako enpresa hauek sektore helduetan kokatzen dira batez ere (etxetresna elektrikoak, automozioa…) eta berritu beharrean aurkitzen dira. Hauentzat ere, aipatu sektoreetaz gain, bada beste sektore erakargarri bat:

Osasuna (medikuntza sektorea): Polimeroen esparruan lan egiten duten enpresek  sektore medikurako produktuak egiteko  aukera ikusten dute. Euren teknologia eta ezagutza sektore honetara egokitu daitekeela uste dute eta jadanik apustu argiak egiten ari dira. Sektore hau, eskualdean, beste ikuspuntu batetik ere garatu daiteke. Baditugu laborategien inguruan lan egiten duten enpresa berritzaileak, sektore medikuan egiten diren ospitale eta laborategi eraikinetan geroz eta proiektu esanguratsuagoak lortzen ari direnak. Hauei soporte gehiago eman ahalko litzaieke beste enpresa batzuen garapena bideratuz aldi berean.  Kontutan hartu behar da gainera, eskualdearen garapenerako zenbait eragilek (Azaro Fundazioa eta Leartiker) sektore honen aldeko apustua egin dutela Lea-Artibai Health Unit estrategia definituz. Alegia, sektore honetan ikerkuntza egingo dute eta enpresa berrien sorrera bultzatzeko helburu espezifikoak finkatu dituzte.

Eta ezin dugu ahaztu, Lea-Artibai eskualdeak zahartze maila handia daukala. Geroz eta gehiago dira hirugarren adineko pertsonak eta menpekotasuna dutenak. Lea-Artibain fenomeno hau nabarmen ageri bada ere, mundu aurreratuan jadanik errealitate orokor bat da. Honela bada, garapenerako beste esparru bat zabaltzen zaigu:

Soziosanitarioa: Gure eskualdeko enpresek, esparru soziosanitarioan ere produktu berriak garatu ahalko lituzketela uste da eta enplegu plan honetan apustu egiten da.

Ongizatea: Biztanlegoaren zahartzeaz eta menpekotasunaz erlazionaturiko jarduerak

Beraz, eskualdearen oinarria diren sektoreen gainean aukera berriak garatu nahi dira. Eta Proiektu osoari marka edo izendapen bat jartze aldera,  kontzeptu honek eskualdearen izaera eta aukera berriak ondo lotzen dituela adostu da: Lea-Artibai BioBerdea.

Partaidetzan oinarrituriko proiektu honen lehen fasea bukatu da. Identifikatu dira helburuak, ardatz estrategikoak, lan lerroak eta halaber proiektuak ere. Orain, lehen fasean erakutsitako inplikazio mailarekin jarraituz, martxan jarri behar dira proiektuok. Eragile sozioekonomikoak elkarlanean erronka ederra daukagu geure aurrean. Bisioa konpartitzen dugularik, planifikazio eta koordinazio egokiaz, osagarritasuna eta eraginkortasuna bilatzeko garaia da, Lea-Artibaiko enpleguan eta enpresa sarearen egoeran baikorki eragiteko momentua, hain zuzen ere.

 

JPAGE_CURRENT_OF_TOTAL

AGENDA

Azkeneko hilabetea Urtarrila 2019 Hurrengo hilabetea
A A A O O L I
week 1 1 2 3 4 5 6
week 2 7 8 9 10 11 12 13
week 3 14 15 16 17 18 19 20
week 4 21 22 23 24 25 26 27
week 5 28 29 30 31

Hurrengo Ekitaldiak

2018 azaroak 15
Visio biltzarra 2018